BNG Carnota

No pleno do Concello de Carnota do día 8 de maio de 2026 foi aprobada por unanimidade a moción presentada polo BNG para esixir ao goberno da Xunta de Galiza a gratuidade da autovía AG-55 . A iniciativa reclama que a AG-55 deixe de estar sometida a peaxe e pase a ser unha vía gratuíta para a veciñanza. Trátase dunha demanda de gran importancia para Carnota e para o conxunto da Costa da Morte, xa que esta autovía é unha infraestrutura básica para os desprazamentos por motivos laborais, sanitarios, educativos, administrativos e familiares. Desde o BNG defendemos que non é xusto que a veciñanza da comarca teña que seguir pagando por unha vía esencial para a súa mobilidade diaria. A peaxe da AG-55 supón unha carga económica engadida para milleiros de persoas e constitúe unha discriminación territorial que afecta directamente á Costa da Morte. A aprobación unánime desta moción no pleno de Carnota expresa unha posición clara da corporación municipal: a gratuidade da AG-55 é unha reivindi...

O pleno do Concello de Carnota aprobou por unanimidade unha moción para reclamar á Xunta de Galiza a recuperación do servizo de pediatría no centro de saúde. A iniciativa partiu do BNG, mais foi asumida polo conxunto da corporación municipal como unha demanda común diante dunha situación que afecta directamente ás familias do concello. A perda deste servizo obriga as nais e pais a desprazarse fóra de Carnota para recibir atención pediátrica, convertendo un dereito básico nun problema engadido para a vida diaria da veciñanza. A moción reclama á Xunta que restitúa a atención pediátrica e poña fin ao deterioro progresivo dos servizos sanitarios no rural. A pediatría non é un luxo nin unha prestación secundaria: é un servizo esencial para garantir igualdade, saúde pública e calidade de vida ás crianzas e ás súas familias. A aprobación unánime da moción amosa que a recuperación da pediatría é unha demanda compartida polo conxunto da sociedade carnotá. De feito, a mobilización veciñal arr...

No pleno do día 30 de xaneiro tratouse o POS 2026, Plan de Obras e Servizos da Deputación da Coruña, cun importe total de 501.088,23 euros para o Concello de Carnota. Segundo a información publicada polo BNG de Carnota, o POS 2026 distribúese en dúas grandes partidas: a substitución do céspede do campo de fútbol de Lombáns, cun investimento de 234.166,79 euros , e unha partida de 266.921,44 euros destinada a gastos correntes. A distribución deixa máis da metade do POS destinada a gasto corrente, fronte a unha única obra concreta incluída no plan. O BNG vén advertindo da necesidade de que o Concello conte cunha planificación clara das obras, con prioridades definidas e con criterios de equilibrio territorial. O POS é unha das principais ferramentas de investimento municipal para concellos como Carnota. Por iso debe servir para atender necesidades reais, mellorar servizos públicos, actuar nas parroquias e resolver déficits pendentes. A veciñanza ten dereito a coñecer con claridade ...

No pleno municipal do día 13 de decembro de 2024 , o BNG de Carnota trasladou diferentes cuestións relacionadas coa xestión municipal, os servizos públicos, o patrimonio, o ensino e as actuacións previstas no litoral. Un dos asuntos abordados foi a preocupación polas queixas, falta de información e denuncias presentadas por parte da veciñanza pola corta indiscriminada de grandes masas forestais en terreos privados , realizada coa autorización do Concello e sen seguir os trámites correspondentes. O BNG amosou no pleno a súa preocupación por esta forma de actuar, pola ausencia de información clara á veciñanza afectada e pola necesidade de garantir que calquera intervención deste tipo respecte a normativa e os procedementos administrativos. Tamén se tratou a situación do CEIP de Carnota . O pleno aprobou por unanimidade unha moción de urxencia na que a ANPA apoia o informe do propio centro, no que se solicitan as reformas necesarias para o mellor funcionamento do colexio. O BNG lembrou...

O BNG de Carnota levou ao pleno municipal do 13 de decembro a súa preocupación por diferentes asuntos que afectan directamente á veciñanza e ao interese xeral do concello: a corta indiscriminada de grandes masas forestais, a situación do CEIP de Carnota e os termos do convenio de cesión da Casa do Mar de Lira. En primeiro lugar, o BNG amosou a súa preocupación polas queixas, a falta de información e as denuncias presentadas por parte da veciñanza en relación coa corta de grandes masas forestais en terreos privados, que se estaría realizando coa autorización do Concello mais sen seguir os trámites correspondentes. Para o BNG, calquera actuación deste tipo debe facerse con todas as garantías legais, ambientais e administrativas. A xestión do territorio non pode depender da improvisación nin da falta de transparencia. Cando existen queixas veciñais e denuncias, o Concello ten a obriga de informar, comprobar os feitos e garantir que se cumpren os procedementos estabelecidos. No mesmo pleno...

No pleno do día 17 de outubro de 2025 , o BNG de Carnota fixou posición sobre varios asuntos de relevancia municipal: o destino do POS adicional, a suba das taxas do lixo, a delegación de competencias do pleno no alcalde para a investigación de bens de dominio público e outros datos de xestión económica coñecidos na sesión. Un dos puntos tratados foi a aprobación do POS adicional 4/25 . O BNG abstívose, unha vez máis, pola falta de diálogo do goberno municipal. Os 161.538,69 euros que lle corresponden a Carnota vanse utilizar integramente para gastos correntes , sen destinar nin un euro a obras , malia que no pleno anterior o alcalde recoñecera que existen moitas necesidades demandadas pola veciñanza. A preguntas do BNG sobre o destino destes cartos, o alcalde respondeu que se empregarán para pagar a débeda do lixo , que acumula xa case un ano de atraso no pago . No pleno coñeceuse tamén outra cifra concreta vinculada á xestión municipal do verán: 4.865 euros é o importe que, segun...

Despois de 99 días sen convocar un pleno ordinario , o Concello de Carnota volveu celebrar sesión plenaria o venres 8 de maio. Para o BNG, esta demora é unha mostra clara de como o gobeno local degrada a transparencia, o control democrático e a participación da veciñanza. O pleno municipal é o máximo órgano de representación política do Concello. Nel están representadas as persoas elixidas pola cidadanía e é o espazo no que deben debaterse os asuntos de maior importancia para Carnota: propostas, ordenanzas, orzamentos, preguntas, fiscalización do goberno e toma de decisións públicas. Cando non hai plenos, a veciñanza perde información, redúcese a capacidade de control sobre o goberno local, limítase a participación democrática e péchanse espazos fundamentais para coñecer, debater e propoñer. Por iso, desde o BNG de Carnota chamouse a asistir á sesión plenaria. A presenza da veciñanza nos plenos é unha ferramenta básica de transparencia: permite coñecer de primeira man que se decide,...

A veciñanza de Cubelo viuse obrigada a custear do seu propio peto o arranxo dunha vía pública do lugar, cun custo duns 12.000 euros, despois das reiteradas peticións ao alcalde de Carnota e da negativa do goberno municipal alegando falta de cartos. O BNG de Carnota levou este asunto ao pleno a través do seu voceiro municipal, Ramón Noceda, para denunciar unha situación que considera inaceptábel: que a veciñanza teña que asumir directamente o custo dunha obra pública por falta de resposta do Concello. O grupo municipal nacionalista tamén puxo este caso en relación coa obra iniciada no Viso e derrubada pouco despois de comezar. Segundo denunciou o BNG, aquela actuación supuxo un gasto de 10.500 euros para as arcas municipais e a perda dunha subvención de 31.533,81 euros, unha cantidade moi próxima ao importe que precisaba a veciñanza de Cubelo. Para o BNG, este caso evidencia a falta de planificación e a improvisación do goberno local á hora de atender as necesidades reais dos lugares ...

No pleno municipal do día 2 de agosto de 2024, o goberno local levou a aprobación dos orzamentos municipais de 2024, que saíron adiante só cos votos do PSOE. O BNG votou en contra pola falta de diálogo do goberno municipal e despois de seren rexeitadas as alegacións presentadas polo noso grupo. Uns orzamentos municipais deben ser unha ferramenta útil para planificar o funcionamento do Concello, atender as necesidades reais da veciñanza e marcar prioridades claras. Mais, neste caso, o BNG considera que as contas aprobadas non responden á realidade económica e social de Carnota. Os orzamentos non reflicten a realidade do Concello. En particular, os ingresos previstos non se corresponden cos ingresos reais municipais, o que pode afectar á capacidade de execución e á fiabilidade das contas. Para o BNG, aprobar uns orzamentos sen unha previsión realista dos ingresos é un problema serio de planificación e de responsabilidade política. A falta de diálogo tamén marcou a tramitación. As aleg...

No pleno municipal do día 2 de agosto de 2024, o BNG de Carnota volveu trasladar a súa preocupación polo servizo de socorrismo nas praias do concello. O BNG considera insuficientes as 3 prazas de socorristas convocadas polo Concello para atender as necesidades da tempada de verán. Segundo a información trasladada no pleno, presentáronse 10 solicitudes para esas 3 prazas , o que evidencia que había persoas interesadas e que o problema non era a falta de candidaturas. Ademais, este ano non se convocou a praza de auxiliar de socorrista , reducindo aínda máis a capacidade do servizo nun concello cun litoral extenso e cunha elevada afluencia de persoas durante os meses de verán. A esta situación súmase outro problema xa reiterado: un ano máis, a lancha está fóra de servizo . Para o BNG, isto resulta especialmente preocupante, pois os medios materiais son imprescindíbeis para garantir unha resposta axeitada ante calquera incidencia nas praias. Carnota conta cun dos litorais máis importa...

No pleno municipal do día 2 de agosto de 2024, o goberno local modificou o POS, Plan de Obras da Deputación, facendo uso da súa maioría e sen contar coa oposición. Desde o BNG de Carnota denunciamos que esta modificación volve evidenciar un problema de fondo: o Concello non conta cun plan de obras propio, claro e pactado, que ordene as prioridades do municipio e dea resposta equilibrada ás necesidades das parroquias e lugares. Coa modificación aprobada polo goberno local, o POS quedaría distribuído do seguinte xeito: Obras do POS: Lira, saneamento: 113.053,10 euros. Lariño, recollida de augas: 65.513,41 euros. O Viso, aseos públicos: 31.533,81 euros. Gastos correntes: 115.000 euros. Plan adicional: Lombáns, galería no campo de fútbol: 79.408,43 euros. Quilmas, reparación de pista: 44.360,99 euros. Gastos correntes: 162.093,81 euros. Na modificación desaparecen do plan adicional as actuacións de saneamento previstas para Parada, por importe de 115.609,57 euros, e para O Pind...

O Concello de Carnota foi un dos sete concellos da Costa da Morte nos que se aprobaron mocións presentadas polo BNG para reclamar á Xunta de Galiza que remate a Autovía da Costa da Morte, AG-55, e elimine as peaxes. As mocións foron aprobadas en Camariñas, Carnota, Cee, Corcubión, Dumbría, Fisterra e Muxía, e reclaman que a Xunta continúe coa execución da ampliación da autovía da Costa da Morte. A proposta demanda licitar xa o tramo Salto-Berdoias da AG-55 e executalo conforme o proxecto inicial, con dous carrís para cada sentido. Tamén reclama incorporar nos orzamentos da Xunta para 2025 a contía suficiente para executar os tramos Berdoias-Cee, Cee-Porto de Brens e a conexión da autovía co polígono de Vimianzo. A moción inclúe tamén unha reivindicación central para a veciñanza da Costa da Morte: a supresión de todas as peaxes para que a autovía sexa gratuíta en todos os seus tramos. O deputado do BNG Oscar Insua denunciou que “o PP segue enganando á veciñanza da Costa da Morte, po...

Parada e O Pindo quedaron sen as actuacións de saneamento previstas no POS 2024, unha situación preocupante nun concello que segue arrastrando carencias importantes en servizos básicos. O saneamento non é unha obra menor nin unha mellora secundaria. É unha infraestrutura esencial para garantir calidade de vida, saúde pública, protección ambiental e igualdade entre os distintos lugares do concello. Que núcleos como Parada e O Pindo continúen sen avances neste ámbito amosa a necesidade dunha planificación máis seria e dunha defensa máis firme das prioridades veciñais. Desde o BNG de Carnota consideramos que os fondos provinciais deben empregarse con criterios de equilibrio territorial, atendendo as necesidades reais das parroquias e dos lugares que levan anos agardando por servizos básicos. O Concello debe explicar con claridade por que estas actuacións quedaron fóra, que alternativas se prevén e en que prazos se pensa dar resposta a estas demandas. A veciñanza afectada merece informació...

No pleno ordinario do Concello de Carnota celebrado o día 2 de febreiro de 2024 aprobáronse varios asuntos de interese municipal, entre eles o Plan de Obras da Deputación e unha moción presentada polo BNG sobre o estado das instalacións e o funcionamento da planta de tratamento de residuos da Mancomunidade Serra do Barbanza. O BNG apoiou a aprobación do POS O pleno aprobou por unanimidade o Plan de Obras da Deputación, POS 2024. O acordo inclúe diferentes actuacións repartidas polo concello, tanto dentro do POS ordinario como no plan adicional, este último dependente da existencia de fondos da Deputación e dunha nova aprobación. Dentro das obras do POS figuran as seguintes actuacións: Lira: saneamento, cun investimento de 113.053,10 euros. Lariño: recollida de augas, cun investimento de 65.513,41 euros. O Viso: aseos públicos, cun investimento de 31.533,81 euros. Gastos correntes: 115.000 euros. No plan adicional inclúense tamén as seguintes actuacións: Parada: saneamento, cun ...

O pleno do Concello de Carnota celebrado o día 2 de febreiro de 2024 aprobou por unanimidade a moción presentada polo BNG sobre o estado das instalacións e o funcionamento da planta da Mancomunidade Serra do Barbanza. A planta de tratamento de residuos é unha infraestrutura fundamental para a xestión do lixo dos concellos integrados na Mancomunidade. O seu correcto funcionamento afecta directamente ao servizo que recibe a veciñanza, á protección ambiental e á capacidade pública para xestionar os residuos de maneira eficaz. Desde o BNG consideramos necesario que o Concello de Carnota manteña unha posición activa no seguimento da situación da planta, esixindo información clara sobre o estado das instalacións, os problemas existentes e as medidas previstas para garantir un funcionamento adecuado. A xestión do lixo é un servizo público esencial. Non pode quedar fóra do control democrático nin tratarse como unha cuestión secundaria. A veciñanza ten dereito a saber como se xestionan os re...

O BNG de Carnota solicitou no pleno municipal a mellora da iluminación dos pasos de peóns do Pindo e do resto do concello, a petición da veciñanza. A demanda concreta refírese ao paso de peóns do pósito e á entrada do Recheo, no Pindo, onde a iluminación actual resulta insuficiente durante a noite. No caso do paso de peóns do pósito, a situación pode supoñer ademais un problema de seguridade viaria para as persoas que transitan pola zona. Desde o BNG trasladouse esta petición ao pleno para reclamar a instalación de puntos de luz que garantan unha visibilidade adecuada e melloren a seguridade da veciñanza. A proposta fíxose extensiva ao conxunto dos pasos de peóns do concello, entendendo que a seguridade viaria non debe depender do lugar no que se viva. Todos os núcleos precisan pasos ben sinalizados, visíbeis e seguros, especialmente en zonas de tránsito habitual, accesos a servizos ou espazos frecuentados pola veciñanza. A mellora da iluminación nos pasos de peóns é unha actuación...

O BNG de Carnota levou ao pleno municipal a preocupación pola falta de socorristas e de medios de salvamento nas praias do concello. Carnota conta cun litoral de enorme valor ambiental, social e turístico. Durante o verán, as praias reciben unha importante afluencia de persoas, tanto veciñanza como visitantes, polo que a seguridade debe ser unha prioridade absoluta para o Concello. A ausencia ou insuficiencia de medios de salvamento non é unha cuestión menor. Afecta á seguridade das persoas usuarias, á capacidade de resposta ante emerxencias e á imaxe dun concello que ten nas súas praias un dos seus principais recursos naturais e turísticos. Desde o BNG consideramos necesario planificar con tempo a tempada de verán, garantir a contratación do persoal preciso, dotar os areais dos medios materiais necesarios e evitar que os problemas se repitan ano tras ano. A seguridade nas praias non pode depender da improvisación nin de solucións de última hora. O noso grupo seguirá trasladando ao ple...

O BNG de Carnota conseguiu que prosperase a súa proposta para mellorar a periodicidade dos plenos ordinarios do Concello. A iniciativa foi aprobada por unanimidade e permitirá que a actividade plenaria teña unha frecuencia máis regular. Para o BNG, esta cuestión é fundamental: os plenos son o principal espazo de debate público, control ao goberno municipal e rendición de contas diante da veciñanza. Nun concello democrático, os asuntos municipais non poden quedar meses sen debate nin depender só da vontade do goberno de convocar ou non convocar sesións. A oposición ten dereito a formular preguntas, presentar propostas, fiscalizar a acción do goberno e trasladar ao pleno os problemas que lle achega a veciñanza. A celebración periódica dos plenos tamén facilita que a cidadanía poida seguir mellor a vida municipal. Cando hai calendario, hai máis transparencia, máis previsibilidade e máis capacidade de participación. Desde o BNG de Carnota valoramos positivamente a aprobación desta proposta...

O BNG de Carnota manifestou publicamente o seu desacordo coa suba das retribucións políticas no Concello. Desde a nosa organización entendemos que a política municipal debe estar orientada a resolver os problemas reais da veciñanza e a mellorar os servizos públicos, especialmente nun momento no que seguen existindo necesidades importantes en moitos ámbitos: mantemento, limpeza, servizos sociais, atención ás parroquias, praias, infraestruturas e funcionamento ordinario do Concello. Para o BNG, unha decisión deste tipo debe estar plenamente xustificada, explicada con transparencia e acompañada dunha mellora efectiva da xestión municipal. Non se pode pedir á veciñanza comprensión diante das carencias do día a día e, ao mesmo tempo, asumir subas políticas sen que exista unha explicación convincente do seu impacto no funcionamento do Concello. Non todos os grupos políticos entendemos a responsabilidade institucional do mesmo xeito. O BNG de Carnota seguirá exercendo unha oposición seria, fi...

O pleno do Concello de Carnota aprobou por unanimidade unha moción presentada polo BNG para reclamar medidas que garantan unha vida digna e sen desigualdades na Costa da Morte. A iniciativa recolle demandas fundamentais para o futuro da comarca. Entre elas, o remate da autovía da Costa da Morte e a súa conexión co Porto de Brens e co Polígono Industrial de Vimianzo, tal e como estaba previsto inicialmente. Para o BNG, mellorar as comunicacións é imprescindíbel para favorecer a actividade económica, facilitar os desprazamentos diarios e rematar co illamento que padecen moitos concellos da comarca. A moción tamén reclama a eliminación das peaxes da autovía Carballo-A Coruña. A veciñanza da Costa da Morte non pode seguir pagando unha penalización económica por desprazarse a traballar, estudar, recibir atención sanitaria ou acceder a servizos básicos. Outro dos puntos aprobados demanda un verdadeiro plan de transporte público para a comarca, cunha nova planificación das conexións, mellores...