BNG Carnota

O Concello de Carnota presentou nestes comezos de decembro o seu excelente programa cultural para convertir este nadal nunha época rebosante de actividades, festa, diversión e cultura para todos e todas. PROGRAMACIÓN DAS XORNADAS CULTURAIS NADAL 2007 20 de decembro 19:30h. Salón de Actos da Casa do Concello CONCERTO DE NADAL protagonizado polas alumnas e os alumnos da Escola Municipal de Música. 21 de decembro 19:00h. Colexio do Pindo O PAZO DE PAPEL, fabulosa obra de teatro a cargo da compañía Teatro Buratini . 25 de decembro 20:00h. Colexio de Carnota NADAL MÁXICO 2006. 1º Circuito galego de maxia , contaremos coa incríbel actuación de cinco prestixiosos magos. 30 de decembro 19:00h. Salón de Actos da Casa do Concello MAMACABRA, gran espectáculo infantil de música e teatro. 31 de decembro 12:30h. Praza do Concello. ESPECTÁCULO PIROTÉCNICO para darlle a mellor benvida ao novo ano. 5 de xaneiro 19:30h. CABALGATA DE REIS Sairá á hora sinalada de Lamas de Castelo, e os Reis Magos i...

O pasado día 30 de novembro tivo lugar o Pleno Ordinario da corporación municipal. A continuación resumimos os puntos máis destacábeis da sesión: -Aprobouse o prego de cláusulas administrativas para a contratación do futuro Centro de Interpretación Paisaxística que se situará nos montes de Cabana, enriba de Lira. -A corporación aprobou a adhesión ao Fondo galego de cooperación e solidariedade . -Ratificouse a aprobación de cláusulas administrativas para a contratación do proxecto de adecuación de espazos públicos no núcleo de Lira. -Solicitude de renovación da operación tesoureira ao BCL . -Elexiuse o xuiz de paz titular e suplente. -Aprobouse o proxecto técnico para a creación dunha escola infantil en Carnota que se encadrará dentro da rede galega de Galescolas . O proxecto suporá un investimento de 550.000�. -Aprobouse do proxecto de ampliación da rede de saneamento e o investimento de 117.000� para levalo a cabo. -Tamén se aprobou unha moción do goberno local con motivo do Día inte...

A corporación municipal do Concello de Carnota vén de nomear unha vez máis como xuíz de paz a Xosé Taxes, máis coñecido por todos os veciños como Pepe de Xan. A escolla tivo lugar durante o Pleno Ordinario desenvolvido o pasado día 30 de novembro e contou co apoio unánime dos grupos que conforman o goberno municipal, asi como da oposición constituída polo PP. Aproveitamos este momento para felicitar ao noso compañeiro por este sen dúbida merecido recoñecemento á súa intachábel traxectoria neste cargo asi como á súa constante implicación na vida política e social do noso concello.

Xa está en poder do goberno municipal de Carnota e de todos os cidadáns interesados o paquete de conclusións do profundo estudo da Consultoría Europea Devalar. Neste importante documento encadrado dentro da Axenda 21 Local estúdanse unha ampla serie de medidores da actividade do Concello e dos seus habitantes, poñéndoos en relación cunha profunda análise de situación e tamén achegando un amplo paquete de medidas para o desenvolvemento integral das potencialidades do noso concello sempre desde un profundo respeto polo seu medio ambiente e desde o desenvolvemento substentábel. O completo estudo xira en torno a catro eixos fundamentais, divididos cada un en varios puntos nos que se estudan a situación, se marcan uns obxectivos concretos e finalmente se achega unha extensa serie de medidas para mellorar ese aspecto do noso desenvolvemento no futuro. Eixo 1: Desenvolvemento Económico e emprego 1: Promoción da produción agraria sostible e dos produtos artesáns de calidade 2: Aproveitamen...

Un acordo de colaboración entre o Concello de Carnota e a empresa eólica Carnotavento posibilitou a creación dunha brigada medioambiental formada por cinco traballadores que desenvolviu as súas actividades entre os meses de febreiro e setembro deste ano. O seu traballo consistiu na realización de traballos de carácter e dificultade variábeis a prol da conservación e recuperación do medio e do patrimonio de Carnota. Limpeza e conservación de espazos públicos, adecentamento de camiños tradicionais, recuperación do entorno de conxuntos monumentais e etnográficos, limpeza de ríos e elaboración de faixas de protección dos núcleos de poboación contra o lume foron só algúns dos importantes réditos que o convenio trouxo para os veciños de Carnota e visitantes. A superficie sobre a que se actuou supera as 19 hectáreas (190.000 metros cadrados), e os traballos figuran expostos abaixo, e máis ampliados no documento dispoñíbel para a súa descarga. As axeitadas condicións laborais e tamén a produt...

O Concello de Carnota leva días recibindo continuas mostras de solidariedade de xente de dentro e de fóra indignada coa inusitada virulencia desta nova lacra incendiaria. Ante o apoio popular a Concellaría de Medio Ambiente vai constituír gardas de vixiancia dos nosos montes. As autoridades non permiten que xente sen capacitación técnica nin seguro participen na extinción directa dos lumes, polo que o Concello desexa aproveitar as mostras de apoio recibidas mediante a creación de turnos constituídos por veciños e voluntarios e cordenados pola dita concellaría. A súa laboura consistiría en turnos sucesivos de gardas, de xeito que sempre houbese ao menos un grupo vixiando calquera incidencia anómala que se puidera producir nos montes de Carnota, xa non só posíbeis conatos de incendio senón o acceso de vehículos ou persoas ás pistas forestais. Nestes momentos xa non existe ningún lume activo no Concello de Carnota, polo que é o momento idóneo para centrar todos os esforzos en efectuar unh...

Xosé Ignacio Porto Mato, artesán plástico e veciño do noso Concello, ven de ser o premiado por dito certame pola súa peza cerámica �Touro de dúas cabezas�, que podedes ver na imaxe ao carón desta nova, escollida xunto cun chal de liño de Carme Riveiro (Baio) como as dúas mellores das 239 obras presentadas por 74 artistas. A dictame foi feita pública polo responsábel de Cultura da Deputación Celestino Pozo, que destacou que ambos os gañadores son �nomes moi destacados da artesanía galega�. Da obra de Nacho Porto (que xa gañara o mesmo premio na súa terceira edición), o xurado salientou a innovación e orixinalidade da peza, �un motivo iconográfico e mitolóxico moi antigo� e o uso de varias técnicas como a arxila refractaria, os esmaltes e a serigrafía. Pola nosa parte, felicitar fortemente ao noso veciño por este importante recoñecemento á súa obra, a agradecer tamén que o seu constante traballo de anos está a converter o noso Concello nun interesante punto de proxección da nosa artesaní...

O Director Xeral de Xuventude da Xunta de Galiza Rubén Cela e a Delegada da Vicepresidencia na provincia da Coruña Tereixa Novo visitaron o pasado venres o noso concello para estar coas mozas e mozos da primeira tanda do Campamento de verán organizado aquí pola Vicepresidencia da Igualdade e do Benestar. Esta visita encadrouse nun contexto bastante inusual pois grande parte do dito campamento do verán contemplaba o adecentamento do Castro de Mallou, que como todos sabedes resultou arrasado polo grande incendio que rexistraron os montes da dita localidade durante a última quincena de xullo. Os citados membros da área de Vicepresidencia, acompañados polos membros do goberno local Merche Díaz, Pepe Domínguez e Manuel Noceda, aproveitaron a visita para xantar cos mozos no Colexio de Carnota onde están aloxados, a piques chegar mañá un novo grupo de mozos para darlles o relevo e continuar cos traballos, e coñecer as sensacións que causou esta experiencia de convivencia e solidaridade ...

O pasado martes día 25 de xullo, Día da Patria Galega, tivo lugar a manifestación nacionalista convocada polo BNG como cada ano. A impresionante concentración de militantes e simpatizantes do BNG partiu ás doce horas da Alameda compostelana e percorreu as rúas da capital de Galiza nun ambiente fraternal e moi reivindicativo, berrándose todo tipo de consignas a prol do recoñecemento de Galiza como nación, a prol da normalización do idioma nacional e como non animando ao Bloque Nacionalista Galego a seguir avanzando en todos os aspectos. Finalmente, a comitiva reuniuse na praza da Quintana na tradicional arenga do BNG, nesta ocasión protagonizada pola deputada nacionalista Ana Pontón e o vicepresidente da Xunta Anxo Quintana. Foi nese momento cando puidemos asimilar o auténtico alcance do espectacular éxito da convocatoria, estimado pola organización en arredor de vinte mil persoas, o que supón unha das manifestacións nacionalistas máis concurridas da historia. Ademáis este ano a xornada...

Un ano máis, Carnota volve a ser punto de atención nacional con motivo dun grave incendio que asolou Mallou, Maceiras e Sofán. Con especial indignación vivimos o descorazoador primeiro incendio do ano no concello de Carnota, que ademáis foi o primeiro grande incendio do ano en Galiza, e que mesmo provocou o nivel de alerta máxima. Poucos dubidan xa da intencionalidade do incendio, ao seren detectados cinco focos de lume ao longo da mesma pista forestal. Veciños do lugar mesmo aseguran ter visto, pouco antes do incendio declarado ás 22:45 horas do pasado domingo día 16, un automóbil circulando pola dita pista. Inmediatamente activouse un espectacular dispositivo que, nalgúns momentos, chegou a ter mobilizados no lugar catro helicópteros, dous hidroavións, nove motobombas, ata dez cuadrillas de extinción e varios axentes forestais. Tan intenso dispositivo non foi suficiente para evitar a calcinación de ao redor de catrocentas hectáreas da área situada entre os montes de Mallou e Lira, da...

O venres, 25 de maio de 2.006, o Pleno da Corporación de Carnota adoptou, por unanimidade, os seguintes acordos: 1º. Acordo de iniciativa económica para a constitución dunha sociedade mixta que se encargue de desenvolver o proxecto de construcción e posterior xestión dunha planta de compostaxe. 2º. RESERVAR unha parcela de aproximadamente 60.000 metros cadrados, paralela á pista a Señorío, na antiga canteira de Vilar de Outeiro, para a citada planta de compostaxe e calquera outra iniciativa de carácter e obxeto medioambiental ou público, que poda decidir a Corporación en pleno. 3º. SOLICITAR á Consellería de Medio Rural que leve a efecto o desconsorcio correspondente destes terreos destinados a fins medioambientais. 4º. FACULTAR ao Alcalde para as xestións oportunas e firmas de cantos documentos sexan necesarios para o desenvolvemento do expediente, dando conta posterior á Corporación.

Ante o alcance dalgunhas acusacións contra o Concello a respecto dos gravísimos verquidos detectados recentemente na depuradora da conserveira de Lamas de Castelo, a Concellaría de Medio Ambiente transmítenos un resumo das medidas tomadas ao respecto polo goberno municipal no transcurso do ano 2006. 6 febreiro: A Concellaría de Medio Ambiente do Concello de Carnota remite un fax a Augas de Galiza denunciando un verquido contaminante continuado e solicitando unha inspección do estado da depuradora da fábrica de Conservas Carnota S.A. (pertencente ao grupo conserveiro catalán DANI). 7 de abril: Ante a ausencia de resposta, o Concello volve a poñerse en contacto con Augas de Galiza para reiterar a necesidade da dita inspección. 11 de abril: Primeira resposta de Augas de Galiza, informando das medidas adoptadas. 6 de xullo: Ante o aviso veciñal de gravísima contaminación na canle de Carrofeito, que provoca a morte masiva de miñoca, poliqueto, camarón, cangrexo e alevíns de distintas es...

Bieito Lobeira e Carlos Aymerich visitan a planta de rodaballo de Lira Os deputados no Parlamento galego Carlos Aymerich e Bieito Lobeira achegáronse pola tarde ao concello de Carnota para interesarse polos proxectos para a ampliación das plantas de rodaballo que a empresa Prodemar ten sitas en Quilmas e en Lira. Durante a rolda de prensa que tivo lugar ao pé da piscifactoría de Lira, e en presenza dos membros do grupo municipal do BNG, o director das plantas espuxo o proxecto de ampliación. Os nacionalistas amosáronse amplamente receptivos coa iniciativa, e comprometeron a súa mediación para darlle pulo ao proxecto en todos os estamentos onde o BNG teña presenza. Por outra parte, tanto os concelleiros Pepe Domínguez e Merche Díaz como o alcalde de Carnota Manolo García salientaron a importancia das ampliacións para o desenvolvemento de Carnota, e en especial no aspecto de que só no caso de Quilmas xeraríanse 50 novos postos de traballo directos para os veciños. O propio deputado Bieit...

O pasado sábado ás 9:00 horas deu comezo unha xornada chea de actividades dirixidas ao colectivo de persoas aqueixadas de diabetes, organizada pola Concellería de Muller, Servizos Sociais, Educación, Formación e Desenvolvemento Local. Durante toda a mañá, tiveron lugar diversas charlas por parte da concelleira Merche Díaz, a especialista Teresa Lord, a Deputada Provincial do Benestar Social Margarida Vázquez Veras, ademais do propio alcalde de Carnota e médico de profesión, Manolo García. Logo ofreceuselles aos asistentes un xantar especial para os diabéticos. Pola tarde desenvolvéronse diversos talleres e actividades formativas. Participaron un grupo de máis de corenta persoas que teñen problemas coa enfermidade. Precisamente esta Xornada pretende servir de instrumento de apoio do Concello ao colectivo diabético, para axudalos a levar con normalidade a súa afección. Xa van sete anos nos que, coincidindo coa chegada do BNG á alcaldía, o Concello de Carnota desenvolve esta iniciativa d...

Hoxe dan comezo as VII Xornadas Internacionais de Cultura Tradicional de Carnota , organizadas pola Asociación Cultural Canle de Lira . Esta iniciativa dedícanse cada ano a unha temática diferente de interese tradicional, como foron xa en edicións anteriores pesca tradicional, arquitectura popular, cultura oral... logrando en este tempo posicionarse como unha cita moi esperada con impaciencia por veciños e tamén por moitos interesados polo noso patrimonio tradicional, tanto de Galiza como de fóra. Desta volta o turno será para as travesías marítimas e os diferentes afundimentos rexistrados nestas costas. Sob o lema A memoria do Ariete e outras travesías , as Xornadas darán comezo ás 17:00 da tarde de hoxe venres 23, día dedicado ás Travesías do tempo . Tres expertos de diferentes universidades debullarán no Salón de Actos do Concello a importancia das viaxes náuticas durante a prehistoria de Galiza. Este mesmo día, xa ás 21:30 horas, celebrarase unha sardiñada popular en Mar de Lira. N...

Infórmamos que acabamos de botar a andar a sección correspondente ao BNG de Carnota dentro da páxina web nacional do BNG. Para achar calquera información de actualidade sobre o BNG de Carnota, dos membros ou do traballo do grupo de goberno municipal, invitámoste a consultar a nova web, sita no enderezo www.bng-galiza.org/carnota , tamén accesíbel desde a sección de ligazóns da web principal. Por conseguinte damos esta páxina por clausurada. Grazas polo teu interese.