BNG Carnota

O grupo municipal do BNG propuxo por escrito ao pleno da corporación municipal que se vai celebrar o día 5 deste mes ás 20:00 horas a inclusión no Plan adicional do POS 2020 do proxecto que o BNG tiña previsto para o Rueiro interior do Pindo con un orzamento de 184.051,13 €, proxecto xa redactado e que foi encargado polo anterior goberno do BNG. O proxecto do Rueiro Interior do Pindo é de máxima necesidade, así o ven demandando a veciñanza do Pindo , e completaría o saneamento integral do Pindo. Achegamos o documento da proposición presentada este martes día 3 no Concello:    

Vehículo de titularidade municipal estacionado nas inmediacións da casa do edil Segundo nos transmitiu a veciñanza Rafael Piñeiro Piñeiro, concelleiro do PSOE de Carnota e delegado das áreas de deportes, patrimonio e participación veciñal do goberno local, leva varias semanas utilizando para os seus desprazamentos persoais o Seat Córdoba que usaba ata hai pouco a Policía Local. Asi, é moi frecuente atopar o vehículo, rotulado co escudo municipal, estacionado no Pindo, onde reside o edil, ou en Cee cando realiza desprazamentos de índole persoal a esta localidade. O BNG de Carnota preguntou no pasado pleno ao alcalde por este comportamento, quen se limitou a recoñecer os feitos, que xustificou con que o vehículo municipal estaba "desafectado"; pola súa banda o concelleiro sorprendeuse porque a oposición "espere que use o seu coche particular" para os seus desprazamentos. É dicir, os feitos denunciados pola veciñanza ademais de certos son consentidos polo propio ...

A nova entidade actívase cunha concentración, este mércores, en repulsa polo triple feminicidio de Valga Xa había un tempo que un grupo de mulleres traballaban para artellar o feminismo en Carnota, pero os acontecementos tráxicos vividos hoxe en Valga obrigounas a acelerar a posta en marcha do Colectivo de Mulleres Feministas Sonlilá , inscrita desde xa na Marcha Mundial das Mulleres , que busca combater desde o feminismo toda forma de discriminación e maltrato machista. A entidade está constituída en Carnota mais ten vocación de acoller cos brazos abertos ás mulleres dos municipios da contorna, convocou xa as súas dúas primeiras mobilizacións. A primeira mobilización será en repulsa polo triple feminicidio de Valg. Sonlilá convoca unha concentración este mércores 18 ás 20:00 horas na Praza de Abaixo de Carnota (a da Pedra). Carnota convértese asi por primeira vez nunha das localidades que secunda a iniciativa da Marcha Mundial das Mulleres, consistente en autoconvocar simul...

A Xunta de Galiza vén de facer público o peche inmediato das escolas unitarias de Portocubelo (Lira) e O Viso (San Mamede) polo feito de non acadar neste curso un número determinado de alumnos. Esta decisión política, coa que xa levaban tempo ameazando, e de feito asi nolo viñan comentando nais e pais nos últimos meses, supón a consecuencia máis directa e cruda do austericidio perpetrado polo Partido Popular desde as institucións de goberno que controla e desde a Xunta que debera ser a máxima interesada en velar, precisamente, pola posta en marcha e mellora dunha rede de servizos sociais públicos, de proximidade e calidade no medio rural que atenda á nosa realidade poboacional dispersa. Con esta decisión da Xunta de Galiza, Carnota perde as escolas unitarias nos dous lugares máis habitados do noso municipio. Desde o BNG entendemos que a sociedade local, e a súa institución de goberno máis próxima, que é o Concello, non poden ficar impasíbeis ante esta agresión contra os intereses ...

Goberno municipal (fonte: La Voz de Galicia) Finalmente confírmase a existencia dun pacto do PSOE co PP de Carnota; o acordo, anticipado na prensa e confirmado no pleno de hoxe, garante un salario de 35.000€ para o alcalde e de 14.500 para a tenente de alcalde, importes algo inferiores ás súas pretensións iniciais pero aínda superiores, en calquera caso, dos límites fixados no  plano de axuste vixente ata 2023 que no seu día fora aprobado pola corporación municipal co apoio do propio PSOE. Asi mesmo, tamén aprobaron elevar as asistencias a plenos e xuntas de goberno. A veciñanza descoñece aínda a día de hoxe con que programa goberna o PSOE, por iso non parece moi lóxico que comecen esixindo un incremento repentino dos salarios políticos, o que é unha falta de respecto a toda a veciñanza e demostra a nula vontade de diálogo por parte dun alcalde que unha e outra vez minte na prensa para construír o relato que máis lle convén, mesmo  facéndose o sorprendido ante a nosa p...

O BNG de Carnota xa distribuiu a cada casa do noso municipio un novo número, o 36, do seu voceiro local A Moa , publicación de referencia da política carnotá que leva editando a Asemblea local do BNG de Carnota desde hai 25 anos. Este exemplar vai dirixido fundamentalmente a valorar os resultados das pasadas eleccións municipais e as circunstancias que levaron a eles, asi coma un repaso á situación na que o BNG deixa o municipio (excelente, en relación á herdanza que recibiu do PP en 2011) a tamén o rexeitamento veciñal á desorbitada proposta económica que puxo o PSOE enriba da mesa, e que supón un incremento dun terzo respecto ao salario que tiña Moncho e converter Carnota no segundo municipio da comarca no que máis paga cada habitante ao seu alcalde. Revista A Moa Nº 36 - xullo de 2019 Sumario Belén Campos, nova portavoz municipal do BNG de Carnota. Resultados das eleccións municipais. Milucho Louro renuncia a tomar posesión coma concelleiro O ataque contra o fogar de Milucho...

Novo goberno municipal do PSOE de Carnota (foto: La Voz de Galicia) O alcalde de Carnota pasaría a ser o 2º rexedor da bisbarra que máis lle custa a cada veciño e veciña O PSOE de Carnota non logrou no pleno municipal que tivo lugar o pasado xoves que prosperara a súa pretensión de incrementar ostensibelmente os salarios políticos do goberno de Carnota asi coma as indemnizacións por asistencias a Xuntas de Goberno e outros organismos. O BNG lembra que a proposta do PSOE suporía multiplicar por 8 o custo das Xuntas de Goberno ás arcas municipais, aumentar case un terzo o salario do alcalde ata o máximo permitido por Lei tamén e duplicar as dedicacións exclusivas. A proposta foi observada desde o primeiro momento con incredulidade por parte da veciñanza e logo con decepción, pois non se ve xustificado convertir a Carnota no segundo concello da comarca (non o terceiro, como dixemos nun principio , pois supostamente o alcalde dumbriés José Manuel Pequeño xubilouse en nadal) no que...

O BNG e a veciñanza pregúntanse se é lexítimo que o novo alcalde de Carnota eleve o seu salario ata o tope legal na súa primeira semana no cargo Datos de 2018. Fontes: IGE (poboación) e Ministerio de Política Territorial (salarios) Malia a mellora significativa do estado das contas do noso Concello, obra do bo facer do executivo de Moncho Noceda que soubo facer por practicamente saldar todas as débedas municipais, Carnota sufre unha perda constante do seu saldo vexetativo, alcanzando agora a duras penas os 4.000 habitantes, polo que os seus recursos tamén serán cada vez máis limitados. Por iso non parece moi sensato elevar o salario do seu alcalde ata ser un dos tres alcaldes mellor pagados da comarca en relación ao seu número de habitantes, xunto con Laxe e Dumbría, senón o contrario: non sería máis sensato continuar na senda da moderación e contención fixada no rigoroso Plan de Axuste que tan bos resutados está dando? Ese plan foi proposto polo BNG e aprobado no seu día co apoi...

Incremento dos soldos políticos, que no caso do alcalde alcanzarían o tope legal O novo goberno suspendiu o pleno desta tarde no que pretendía aprobar unhas retribucións disparatadas, tras advertirlle o BNG que non fora debidamente convocado A polémica non se fixo agardar, e o presaxio que xa anticiparon na prensa practicamente o día despois das eleccións evidenciouse tamén no primeiro día do novo goberno local, cuxa proposta de retribucións significa que o PSOE dispara un 31,7% os gastos políticos do Concello de Carnota , ou iso pretenden, antes de ter sequera tempo material de coñecer a súa situación económica. De prosperar a proposta socialista, os arredor de 31 mil euros de salario percibidos por Moncho Noceda no seu último ano incrementaríanse ata os 41.416 euros que pretende cobrar o novo rexedor Juan M. Saborido, quen busca asi incrementar o seu soldo en total un 33,6%, ata alcanzar o máximo legal permitido . Por outra parte o PSOE pretende remunerar con outros 16.800...

Pili Tubío, Manolo Souto e Belén Campos A Asemblea Local do BNG de Carnota, reunida esta tarde para decidir a posición ante a sesión de investidura que terá lugar mañá, 14 de xuño, ás 12:30 horas no Concello de Carnota, COMUNICA : Nas semanas transcorridas desde a xornada electoral do 26 de maio non existiu ningún contacto firme por parte do PSOE máis aló dunha chamada telefónica na que se constata o seu absoluto desinterese en acadar ningún acordo co BNG. Si tivo lugar un contacto co PP, a solicitude deste, sen ningún tipo de acordo. Nestas circunstancias o BNG de Carnota presentará e apoiará a súa propia candidatura, na persoa de Belén Campos, quen exercerá a portavocía do noso grupo municipal, que estará integrado tamén por Manolo Souto e Pilar Tubío. O anterior acordo comunicarase publicamente para o coñecemento de toda a veciñanza de Carnota. Asinado en Carnota, a 14 de xuño de 2019

O agresor presentou un recurso asinado polo mesmo avogado que defendeu aos furtivos que se enfrontaron con Manuel de Talelo O mozo que en 2017 agrediu brutalmente ao alcalde de Carnota Ramón Noceda acaba de ser condeado a 2 anos de cadea, a aboar as costas xudiciais e a aboarlle a Moncho un total de 9.310€ polos danos ocasionados, dos que precisou de case un mes para curarse. O ataque sucedeu nun coñecido local de hostalería de Mar de Lira na madrugada do 15 de agosto de 2017. Moncho atopábase sentado na terraza do local xunto con varios veciños cando D.G.B., coñecido militante do PSOE e secretario das Xuventudes Socialistas de Carnota, pegoulle un puñetazo a traizón no lado esquerdo da cara que tumbou a súa cadeira para atrás, golpeándose tamén fortemente a cabeza coa caída; esta agresión provocoulle unha "contusión no ollo esquerdo e zona parieto occipital dereita", que fixo necesaria a intervención das urxencias sanitarias e 29 días de tratamento para se recuperar da...

Milucho Louro, candidato do BNG á alcaldía de Carnota, comunicoulle á Asemblea Local da nosa organización a súa decisión de poñer punto e final á súa carreira política; deste xeito, na sesión de investidura do vindeiro día 15 de xuño non tomará xa posesión da acta de concelleiro obtida nas eleccións municipais do pasado 26 de maio. Esta decisión chega despois dun meditado proceso de reflexión persoal e familiar iniciado tras os acontecementos vividos a noite das eleccións, cun ataque ao seu fogar que poñía o colofón a moitos meses de campaña de acoso e derribo a título persoal e familiar, desenvolvida por activos do PSOE carnotán. Este ensañamento brutal iniciado desde o mesmo momento en que se fixo pública a proclamación de Emilio Louro coma candidato do BNG causou gravísimos problemas non só a Milucho senón á súa familia e os seus fillos, que están destrozados polo acoso, e que desencadearon a súa decisión de antepoñer o benestar e a tranquilidade dos seus seres queridos antes...

O BNG de Carnota condena un incidente que empaña definitivamente o proceso electoral Pouco antes da media noite, ao pouco de chegar ao seu fogar familiar en Lariño, a familia do noso candidato á alcaldía, Emilio Louro, unha vez finalizada a xornada electoral, percibiu rebumbio e movementos estranos nas proximidades do seu domicilio, que alertaron aos cans do entorno. Nese intre unha ou varias persoas rociaron a casa de Milucho con algún produto químico que desprendía un intensísimo cheiro desagradábel, e logrando dalgún xeito infiltralo tamén na vivenda, de maneira que aos poucos minutos era practicamente imposíbel permanecer no seu interior polo cheiro insoportábel que se prolongaría durante varias horas. Foi o aínda alcalde Moncho Noceda quen alertou á Policía Local, que se achegou de inmediato á zona, redactou un informe e chamou á súa vez á Garda Civil, que xa está a investigar o incidente asi coma se os seus autores lograran acceder dalgún xeito ao interior da propiedade. In...

O BNG de Carnota vén de sufrir unha derrota nas eleccións municipais, tras ceder 3 dos seus 6 escanos actuais, os mesmos que medrou o PSOE, gañador da cita coas urnas nunha xornada electoral cunha participación que rondou o 70%, lixeiramente superior á rexistrada hai 4 anos. En canto aos resultados por mesa, que podedes ver no cadro, o BNG gañou en dúas urnas (Lariño e Caldebarcos), mentras que en San Mamede fomos segunda forza a só 6 votos do PP, que tamén gañou en Carnota, mentras que o PSOE gañou no Pindo e en Lira, que resultou ser a mesa que lle valiu a vitoria. Felicitamos ao PSOE de Carnota, e ao seu candidato Juan Manuel Saborido Rama, Moma, polos resultados. En canto ao BNG de Carnota, tomamos nota da mensaxe dura pero clara da nosa veciñanza: o povo é quem mais ordena , e ordenou que o BNG pase á oposición os vindeiros catro anos. Agora será tempo de analisar erros e acertos, e poñerse desde xa a traballar para desenvolver unha oposición activa e constructiva que siga ...

Pequeno fotoresumo dos actos e iniciativas da campaña do BNG Co cheo absoluto rexistrado hoxe no acto de peche de campaña de Lira, concluíu a campaña política do BNG para facer de Carnota un lugar para vivir , poñendo o colofón a uns duros meses de traballo moi intenso, que empezou practicamente no mesmo momento da elección unánime de Milucho Louro coma o novo candidato do BNG á alcaldía de Carnota , en agosto. A partir de aí, no BNG comezou unha ilusionante misión colectiva con tres obxectivos principais: dar a coñecer ao flamante candidato , confeccionar unha excelente candidatura , e iniciar un proxecto político transformador para o noso Concello, que continúe facendo gala da honestidade, humildade e transparencia que caracterizou ao executivo de Moncho Noceda estes 8 anos. Para isto desenvolvemos unha intensisima campaña iniciada en xaneiro, e entre os actos de presentación do candidato e da candidatura completa (nos que nos acompañaron Ana Pontón e Ana Miranda) celebramos...

Se hai algo que se botou en falta sempre en Carnota foi a ausencia de centros de interpretación para a musealización e posta en valor do seu amplísimo patrimonio histórico, natural e etnográfico. Se ben, no primeiro caso, a posta en marcha neste mandato do Museo Aberto de Carnota supuxo un importante avanzo, seguimos sen contar con espazos físicos onde coñecer a ampla diversidade natural e cultural do Concello. Pois ben, de continuar o BNG no goberno, Carnota non contará con un senón con dous Centros de Interpretación: un centrado nos valores naturais e xeolóxicos do Monte Pindo e outro dedicado ao riquísimo patrimonio etnográfico, centrado nos hórreos que son un dos nosos sinais de identidade. Fermosa panorámica desde o Monte Pindo coa praia de San Pedro do Pindo debaixo ( cc ) O Centro de Intepretación do Monte Pindo fará xustiza á falta de investimentos públicos neste espazo O Monte Pindo, xoia da coroa de Carnota, supón un grandisimo recurso e polo de atracción que, corr...

Rematando coa quinta das nosas  proposta ⭐ estrela  do noso Programa , unha vez coñecidas as da parroquia de  O Pindo ,  Lariño , Carnota e Lira , o BNG presenta a que ten previsto desenvolver no vindeiro mandato na parroquia de San Mamede . Outra vella demanda da nosa veciñanza e dos seus axentes sociais é a carencia dun recinto municipal que poida acoller eventos culturais, musicais, etc... de certa entidade. Tradicionalmente o Salón de Actos do Concello ten suplido esta carencia en multitude de ocasións, pero o seu aforo é bastante limitado; os novos tempos fan necesario un local cun aforo maior, e por iso o BNG traballa pola creación do Auditorio de Carnota  no Viso, que permitirá a organización de todo tipo de espectáculos e eventos musicais e culturais. A posta en marcha deste recinto poderemos ampliar a programación cultural do noso municipio, incluílo na Rede Cultural provincial e multiplicar as posibilidades que ten Carnota para acoller eventos no...

Acción en Carnota en defensa do dereito a decidir das mulleres sobre o seu corpo Unha das maiores transformacións vividas no Concello de Carnota nos últimos anos foi o aumento significativo da sensibilización sobre as problemáticas específicas que sofren as mulleres, e moi nomeadamente no sentido das discriminacións e das violencias machistas, que motivaron medidas e políticas específicas. O goberno local do BNG de Carnota asumiu con absoluta convicción que un executivo municipal non pode permanecer impasíbel ante esta lacra ou percibila coma algo estrutural ou alleo, agardando tan só a saír a lamentarse ante o seguinte caso mediático de violencia machista; o goberno debe ser totalmente consciente da gravísima problemática que segue a suporlle ás mulleres o machismo aínda inherente en parte da nosa sociedade, e ten que ser proactivo tanto na diagnose coma na prevención e corrección de situacións de posíbel discriminación contra as mulleres. Por iso o goberno de Carnota, a tra...

A seguinte  proposta ⭐ estrela  do noso  Programa   tras  O Pindo ,  Lariño  e Carnota será en Lira. O Viveiro de Empresas multiplicará as oportunidades para emprender en Carnota (Imaxe: Edita Cambeiro ) Trátase dun proxecto innovador que vimos madurando desde aproximadamente 2016: o  Viveiro de Empresas de Carnota  é unha instalación municipal de carácter público que se radicará en Lira e que permitirá ao Concello ofrecer nunhas condicións moi vantaxosas un espazo a aquela xente emprendedora que teña unha idea para poñer en marcha un negocio no noso Concello, ou queira redimensionar a iniciativa que xa teña creada. Pero o Viveiro non só suporá un local totalmente equipado e conectado, cos principais servizos comúns mancomunados; tamén conlevará o apoio e o asesoramento empresarial e financieiro ás persoas que aposten por Carnota e polo rural galego á hora de emprender. Agardamos que coas grandes facilidades para a posta en marcha d...

O Centro Social de Cornido xa está rematado e á disposición da veciñanza Unha das principais apostas do BNG de Carnota nesta lexislatura para contribuír a participación e a autoorganización veciñal foi a implantación de novos centros sociais ; é dicir, locais veciñais de titularidade municipal que veñen a subsanar a carencia de espazos de reunión e de celebración de eventos en moitos dos núcleos do noso Concello, sobre todo nos máis pequenos e rurais. O BNG seguirá apostando pola ampliación da rede de centros sociais á disposición da nosa veciñanza. Neste mandato xa logramos crear dous, en  Cornido e Outeiro . O primeiro xa está en marcha e á enteira disposición dos seus usuarios, a veciñanza de Cornido, e de feito vimos de empregalos en varios actos do BNG neste fermoso núcleo situado ante os pes do Monte Pindo. O segundo aínda non está dispoñíbel pero o proxecto  xa foi elaborado, financiado e sometido a información pública , por tanto coas obras a piques de iniciars...

Tras O Pindo e Lariño , chegou o momento de explicar a proposta ⭐ estrela do noso Programa para a parroquia de Carnota. Carnota acollerá un cámping de titularidade municipal que servirá para mellorar o seu conxunto monumental Para Carnota temos previsto un gran proxecto, que se está a xestionar xa polo goberno en coordinación con outros axentes sociais, para a creación dun  cámping semiurbano de titularidade municipal  proxectado preto do conxunto privilexiado integrado polo hórreo de Carnota, o máis famoso de Galiza, igrexario, rectoral e pombal de Carnota. Con esta actuación resolveranse varios problemas: porá en valor un amplo espazo inutilizado, e dotará ao noso municipio finalmente do seu arelado cámping, unha vella demanda histórica que por distintos motivos nunca puido poñerse en marcha. A iniciativa signficará a creación de varios postos de traballo, axudará a desestacionalizar o turismo e parte dos seus beneficios reinvertiranse en actuacións de recuperaci...

Milucho Louro no I Foro de Debate organizado por esta pioneira entidade xuvenil. Se algo logrou demostrar o executivo municipal de Carnota todos estes anos é que para o BNG a mocidade é algo máis que unha consigna á hora de facer campaña para tentar quedar ben cada catro anos; a nosa convicción é que hai que darlle a voz á infancia , pois é a verdadeira depositaria do futuro do noso Concello e da nosa nación; ao facelo descubrimos ata que punto saben perfectamente o que queren e como conseguilo. Por iso o BNG puxo en marcha no pasado mandato o I Plan Municipal de Infancia e de Adolescencia (2018 – 2021) , que deu como principal froito o nacemento do Consello Municipal da Infancia e da Adolescencia , un organismo que vén a funcionar coma un executivo municipal "paralelo" conformado integramente por nenos e nenas do municipio. O BNG apostará por darlle plena autonomía para debater os seus problemas, tomar as súas decisións e mesmo dispoñer dun pequeno orzamento que poden d...

Coñecida a que preparamos para O Pindo , hoxe continuamos coas propostas ⭐ estrela  do noso Programa de Goberno para o noso Concello pola parroquia de Lariño. Moi pronto o aspecto de degradación que presenta o entorno do Faro de Lariño será historia Un dos grandes proxectos do novo goberno, e que de feito xa está a piques de porse en marcha, é a recuperación intergral do entorno do Faro de Lariño , que pronto será recuperado por un proxecto hostaleiro, e tamén están a piques de iniciarse as obras de demolición do antigo campo de fútbol, que dará paso a un amplo espazo aberto para o goce deste espazo natural privilexiado. Incluirá unha zona de lecer cunha zona para as autocaravanas, solucionando dunha tacada dous problemas do municipio: o estacionamento indiscriminado de autocaravanas nos nosos areais e o grave impacto visual das ruínas do campo de fútbol nesta paisaxe privilexiada. Sen dúbida a recuperación deste espazo único, xunto co atractivo que xerará a posta ...

Mañá martes 21 de maio producirase o primeiro debate entre os 3 aspirantes á alcaldía de Carnota na Radio Nordés — Cadena SER . O coloquio terá lugar arredor das 12:20 horas . Convidamos a toda a veciñanza a seguilo en directo pola súa radio ou en streaming na páxina web de Radio Nordés .

Praia de Boca do Río, unha das máis fermosas e concorridas do municipio (fonte: Flickr de Irene Serrat ) O BNG de Carnota repasa as súas principais apostas programáticas para seguir explorando as potencialidades do noso Concello. Entre elas, unha das que será obxecto de maior atención no caso de revalidar o equipo de Milucho Louro o goberno municipal, serán as praias , un dos maiores atractivos do noso Concello. O noso municipio conta con case medio cento delas, moitas delas practicamente virxes, e somos conscientes que cun repertorio tan amplo non sempre dispoñen dos servizos que veciñanza e visitantes demandan. Máis e mellores servizos para veciñanza e visitantes Por iso, o BNG activará un Plan integral de mellora de servizos das praias máis concorridas e populares do municipio, nas cinco parroquias. Estes areais de cabeceira acollerán unha serie de atencións, mellorando os seus accesos e pasarelas (no seu caso), ampliando a rede de duchas, e dotando tamén de aseos públicos toda...

Iniciamos un repaso das propostas ⭐ estrela do noso Programa de Goberno para cada parroquia e que poden resultar máis ilusionantes e proveitosas para a veciñanza. Comezamos pola do Pindo. Por fin o Coaduiro terá un fácil acceso pola beira de Carnota, creando un novo recurso turístico para O Pindo Un dos proxectos contemplados no noso programa que máis nos ilusiona é a creación dun novo  camiño ata a fervenza do Ézaro pola beira de Carnota . Este magnífico fenómeno natural, único na Europa continental na que un río verte as súas augas no Atlántico en fervenza, nunca foi aproveitado apenas como recurso polo noso Concello pese a compartir a titularidade do espazo con Dumbría. Con esta actuación, que combinará seccións de sendeiro de pe con pasarela de madeira, conseguiremos aproveitar tamén este recurso único que atrae cada ano a moitísimos milleiros de visitantes. Agardamos que con esta actuación respectuosa co medio ambiente se cree un novo recurso turístico que poidan ...

  O BNG de Carnota refresca o seu compromiso coa participación veciñal, que non foi espectadora senón parte activa na confección do seu programa electoral. E é que cando se lle da a voz á xente para que comuniquen as súas necesidades, é cando se ve ata que punto as súas propostas son do máis sensatas e acaídas para mellorar o día a día da nosa veciñanza. Esta aposta por confiar no pobo para resolver os problemas do pobo deu os seus froitos durante os últimos 8 anos de goberno local nacionalista, e desterrou -de momento e, agardamos, para sempre- etapas nas que se gobernaba en base a ocurrencias, a cada cal máis disparatadas, que hipotecaban durante décadas as arcas municipais máis que á hora da verdade non supoñían mellora perceptíbel algunha na calidade de vida da veciñanza. Nesta ocasión, o BNG desenvolveu 14 asembleas veciñais presenciais nos distintos lugares do municipio, ás cales hai que sumar un innovador encontro online coa Carnota emigrada que non pode acompañarnos fi...