BNG Carnota

Máis dun cento de persoas participaron na homenaxe a Castelao organizada polo BNG de Carnota na Casa do Mar de Lira, nun acto celebrado o venres 24 de outubro dentro do Ano Castelao, con motivo do 75 aniversario do seu falecemento. O acto contou coa presenza da portavoz nacional do BNG, Ana Pontón, e de Primitivo Pedrosa . A presentación correu a cargo de Cristina Caamaño e varias persoas realizaron unha lectura pública de fragmentos de Sempre en Galiza , a obra fundamental de Castelao. A homenaxe tamén tivo unha parte musical, coa actuación da veciña Fátima Dosil, que interpretou o coñecido tema “Lela”. O acto rematou coa entoación do himno galego, acompañado polo gaiteiro Xosé Manuel. Na súa intervención, Ana Pontón destacou a pegada de Castelao no pensamento nacionalista galego e lembrou o seu papel na creación, en 1944, do Consello de Galiza, institución galega no exilio, polo que é recoñecido como primeiro presidente galego. Primitivo Pedrosa lembrou que Castelao celebrou un a...

Hoxe fai 4 anos que o vídeo turístico promocional de Carnota "O Legado" era galardonado nos The Golden City Awards , os premios audiovisuais de turismo máis prestixiosos a nivel mundial no marco da ITB (Feira Internacional de Berlín). Pois ben, recentemente publicouse nun portal especializado clubrural.com que Carnota resultara como pobo favorito da provincia da Coruña.  Estamos encantados de que o traballo realizado de promoción polo goberno de BNG Carnota , poidese contribuir en certa medida a este recoñecemento popular

O BNG de Carnota logrou reunir e publicar, grazas á colaboración veciñal, todos os exemplares antigos Portada do nº 8 , lanzado en 1997 Se hai algo tradicional na política local de Carnota son os tránsfugas, e a revista A Moa , voceiro local do BNG e Galiza Nova de Carnota. Non casualmente chámase coma a atalaia do Olimpo Celta, desde a que se vixían desde millóns de anos os devires das terras bañadas pola fouce de Carnota, e desde a que levamos case un cuarto de século informando a toda a veciñanza de Carnota diseminada polo mundo adiante da actualidade do seu Concello desde a óptica do nacionalismo local, e tamén denunciando, sempre cun punto de vista retranqueiro e incisivo, as numerosas trapalladas que por desgraza se teñen cometido nestes confíns. Os cadriños da Moa, sempre cheos de humor e reivindicación A piques de cumprir os seus 22 anos e 35 edicións, A Moa fixo sitio nos nosos fogares para todo tipo de contidos: novas de actualidade, resultados electorais, sisudas aná...

Ata 46 caravanas contaron onte na cabeceira da praia de Maceiras. Fonte: FB Carnota A Coruña . O BNG valora que Carnota é un municipio extremadamente atractivo para as caravanas e de feito xa leva varios anos sendo un dos destinos preferidos na nosa nación para as persoas apaixoadas deste tipo de turismo; mais desgrazadamente o noso Concello aínda non conta cunhas instalacións apropiadas para esta actividade, polo cal cada ano veñen repetíndose problemas de convivencia entre estas e outras formas de disfrutar do verán na nosa terra, e coa propia veciñanza. Porén este ano a situación desbordouse completamente coa chegada masiva de caravanas e ante o efecto chamada de varias redes sociais que promocionaron este destino desde un enfoque pouco respectuoso co entorno e irresponsábel. Isto obrigou ás autoridades locais a adoptar medidas urxentes coma o peche ao tráfico rodado de determinadas vías e o desaloxo de zonas costeiras absolutamente ateigadas de caravanas que converteran o eco...

Despois de varios anos de parálise dos traballos do edificio municipal do Viso (San Mamede), o goberno nacionalista de Carnota tivo por fin a posibilidade de destinar unha partida dos recursos económicos precisos para reanudar as obras, cumprindo asi co seu programa electoral . Asi Carnota disfrutará por fin, cando menos en parte, dun edificio municipal cuxa tramitación polo anterior executivo local do PP foi absolutamente rocambolesca, sen ter moi claro para que serviría nin como facer fronte aos 700.000€ que o Concello tería que achegar ao proxecto, e que debían xustificarse antes de 2017, baixo risco de ter que devolver o importe total do investimento inicial, procedente de fondos europeos; unha ameaza que poñía en risco a propia viabilidade do Concello de Carnota. Porén, o inxente esforzo da actual corporación para sanear as arcas municipais e pagar as débedas herdadas comeza a dar os seus froitos, e este ano, o primeiro da serie histórica recente con remanente de tesoureiría ...

A aposta do Concello de Carnota pola cultura e a mocidade reforzarase na vindeira lexislatura cunha serie de actuacións que xa está a concretar coa mocidade activa do Concello. O edificio de Pedramarrada albergará un Centro Xuvenil se a Xunta non nos devolve o Centro de Día A proposta máis notábel será a creación dun Centro xuvenil en Pedramarrada , no edificio hoxe en desuso do Centro de Día. No caso de que a Xustiza non revirta o discutido traslado deste servizo ao veciño concello de Muros imos destinar este edificio a Centro Xuvenil en acordo con varios colectivos, un lugar onde a mocidade do Concello poida reunirse e organizarse, e dispoña dunhas instalacións con conexión a Internet, ludoteca, biblioteca xuvenil e local de ensaio, entre outros servizos. A intención é que esta nova instalación non sexa un contedor pechado senón que teña unha dinámica propia e que a mocidade non só sexa usuaria senón peza clave do seu funcionamento, para que o centro se adapte ás necesidades da xe...

Formación de Coso Carnóbrigo Facemos un alto no noso camiño hacia as urnas para divulgar o proxecto musical de 3 rapaces e unha rapaza do noso Concello que están loitando por un lugar no escenario do Festigal , un dos cenarios clave da axenda musical galega que se celebra o 24 de xullo, vésperas do Día da Patria, no Campus Sur compostelán. Este festival convocou un concurso de novas promesas musicais vía Facebook no que está ben situado Coso Carnóbrigo  ( Coso da fortaleza de pedra ), un grupo de folk-metal, como se autodefinen, composto por Roldán Figueira, e Antón Beiro ás guitarras, Kiko Figueira na batería e Paula Teixeira no micro. Polas súas veas corre sangue carnotá e ademais actúan en galego polo que vos pedimos que compartades no voso perfil de Facebook o seu single de presentación , adianto do disco Sacrificial que están a preparar, pois é a única forma de que o voso apoio sexa compatibilizado pola organización do Festigal. Nós non temos redes clientelares per...

O Concello de Carnota estrea este ano unha das programacións máis completas polo seu Entroido. Unha intensa axenda de actividades para todas as idades que durante case unha semana animará as rúas do noso municipio e na que destacan o importantísimo papel das distintas Asociacións do noso concello, que coa axuda do Concello conseguen que a cita se apresente do máis divertida sen supoñer grandes desembolsos do erario público. Desde o BNG de Carnota convidamos a toda a veciñanza a participar nas actividades culturais e de lecer que desde o 17 ata o 22 de febreiro darán cor ás rúas das distintas localidades do noso concello. ENTROIDO 2012 NO CONCELLO DE CARNOTA VENRES 17 17:30 PAVILLÓN DE CARNOTA (DETRÁS DO CONCELLO) Festa infantil e Concurso de orellas*. Degustación de orellas para todos os asistentes. Contaremos tamén cun desfile de disfraces (incluso ata a estrada xeral, se o tempo o permite) para premiar os máis orixinais e a súa posta en escena (individual e colectivo, at...

A plataforma Queremos Galego , que engloba unhas 700 asociacións, conseguiu hoxe que a súa convocatoria coincidente co Día das Letras Galegas abarrotara a praza do Obradoiro de Compostela, grazas a decenas de miles de persoas chegadas desde todos os puntos da nosa xeografía desafiando o sol abrasador e a xornada non laboral nin lectiva. O inmenso continxente humano partía ás 12 da Alameda compostelá detrás dunha faixa co lema "O galego, a forza do noso amor", frase de Uxío Novoneyra, o escritor homenaxeado con motivo desta xornada de reivindicación das nosas letras. A xornada transcorreu nun ambiente cordial e festivo durante a que non houbo que lamentar ningún incidente, e no medio dun forte descontento pola substitución das políticas lingüisticas consensuadas por todos os axentes sociais e políticos por un novo decreto que, no caso de ir adiante, sería co único apoio do PP e de colectivos marxinais abertamente contrarios á utilización normal do galego na nosa sociedade. Mái...

O traballo de investigación conxunto da USC , UDC e UVIGO acaba de traducirse en Nomes e voces , unha páxina web na que poderedes consultar información sobre represaliadas e represaliados polo alzamento fascista dirixido por Francisco Franco contra o goberno republicano no ano 1936. Así presentan o proxecto na súa web : O Proxecto de Investigación "Nomes e Voces" naceu en 2006, a través dun convenio das tres universidades galegas coa Consellería de Cultura da Xunta de Galicia, co obxectivo de estudar a represión en Galicia durante a guerra civil e o franquismo, recompilar información e ofrecer datos relativos ás vítimas. Abórdase, pois, unha investigación histórica que parte do golpe de estado de 1936, a guerra e os inicios da ditadura, e pretende un estudo profundo e completo deses procesos. Estarrecedor é atopar xa a día de hoxe 14.000 casos en toda Galiza , con nomes, apelidos e outra información persoal. Pero máis aínda, se cabe, saber que en Carnota xa rexistran ata ...

Unha asociación de veciños de Caldebarcos que vén de restaurar un conxunto de muíños na localidade informou ao BNG de Carnota que o Concello, que non colaborou de ningún xeito coa iniciativa, si lles esixiu máis de medio millón das antigas pesetas co pretexto dunha suposta licenza de obras necesaria para esa intervención que a propia asociación de veciños emprendera altruistamente e co apoio da administración autonómica . Tan irracional medida subscitou o notábel enfado non só das persoas integradas na asociación, senón tamén o de moitos outros veciños de Caldebarcos que non se explican que un equipo de goberno elixido para defender e mellorar o seu pobo non só n on moveu un dedo para contribuír coa rehabilitación do precioso conxunto de muíños, senón que ademais multou deste xeito unha labor veciñal tan altruísta como positiva para o noso medio ambiente e mesmo para sectores produtivos coma o turismo. Por se isto fora pouco, inmediatamente despois de que a asociación se resignara a...

O pasado luns 9 de xuño Encarna Otero Cepeda (directora xeral de Fomento e Calidade da Vivenda da Xunta) visitou Caldebarcos para entrevistarse coa empresa que vai comezar de inmediato coas obras do proxecto para a rehabilitación das casetas mariñeiras tradicionais de Caldebarcos, iniciativa promovida pola propia Consellaría de Vivenda e Solo xunto coa Confraría de Pescadores do Pindo e na que xa levan traballando varios meses . Encarna Otero manifestou que é obxetivo do seu departamento a recuperación e valorización do noso patrimonio mariñeiro, e que xa están traballando para a posta en marcha dun plano de rehabilitación integral da totalidade das casetas tradicionais de Carnota, en colaboración ca Consellaría de Pesca e mais coa Demarcación Xeral de Costas de Galiza. Á entrevista con Encarna Otero asistiron a secretaria da Confraría de Pescadores do Pindo e concelleira do BNG, Merche Diaz, os membros do goberno municipal Marisol Piñeiro e Santiago Brea, o presidente da Comunidade de...

Somos galegos e o noso idioma propio e orixinal é o galego. Igual que calquera pobo do mundo, nós tamén temos o dereito inalienábel a que a nosa lingua sexa de uso normal en Galiza. Por razóns históricas, e mediante diferentes mecanismos de imposición, o castelán é un idioma introducido desde hai séculos na sociedade galega, mais non debemos esquecer que o galego é o idioma natural de Galiza e que non estaría nun proceso de retroceso e de perda de falantes se non fose pola situación de anormalidade, dependencia e subordinación a respecto do castelán que é o idioma do poder dominante. Por iso, non só é lexítimo, senón tamén necesario, que o pobo galego aspire a que a súa lingua volva a unha situación normal para ser usada por todos os galegos e galegas sen dificultades nin discriminacións, igual que calquera idioma normal do resto do mundo. Hoxe a situación dista moito diso. É xustamente o idioma propio e natural de Galiza, o galego, o que atopa serios atrancos para o seu uso en diferen...

O Bloque Nacionalista Galego ten o pracer de te convidar ao acto de precampaña que terá lugar no Salón de Actos do Concello de Carnota este xoves 21 de febreiro ás 20:30 horas. No acto, que será presentado polo noso portavoz municipal Tomás Freire , participarán a portavoz municipal en Fisterra e candidata do BNG pola provincia da Coruña Mónica Góñez , e a conselleira de cultura da Xunta de Galiza Ánxela Bugallo . Agardamos poder contar coa túa participación e ver difundida a convocatoria entre os teus achegados. contigo, Galiza decide !

Despois de anos desta histórica reivindicación dos veciños de Caldebarcos, o seu singular enclave mariñeiro tradicional vai ser plenamente restaurado e o seu entorno adecentado neste ano. O proxecto, xestionado a tres bandas polo anterior goberno de Carnota, a Confrar ía de Pescadores do Pindo e a propi a Consellería de Vivenda (grazas á mediación directa da Directora Xeral Encarna Otero), cataloga o conxunto como patrimonio arquitectónico etnográfico, e contempla a súa restauración e protección do vandalismo e deterioramento ao que estaba submetido. As tarefas de rehabilitación serán financiadas plenamente pola Consellería de Vivenda cun orzamento algo inferior aos 83.000 euros, e acometerá a substitución das cubertas, estruturas e carpinterías e dos elementos non tradicionais, mellora do pavimento, saídas de augas residuais e a limpeza e encintado dos muros de pedra. Ademais, no entorno inmediato faranse tarefas de adecentamento, mediante o alumeado sen tendido...

O goberno saínte, liderado daquela polo nacionalista Manolo García, deixou aprobada unha longa serie de investimentos para a mellora do noso concello por valor superior a cinco millóns e medio de euros. Todos eses investimentos atópanse xestionados, financiados mediante diversos entes e contratados, e a maioría delas xa están en execución nestes momentos, como pode ser o caso da Senda Verde, o Centro de Interpretación da Cabana, obras de saneamento e beirarrúas, etc. Só decidimos publicar neste listado as obras de maior importancia, malia existir outro conxunto de obras menores tamén contratadas polo goberno anterior e que están sendo executadas nesta nova lexislatura. Estas cifras son aproximadas e están redondeadas para a áxil lectura do texto. • Saneamento integral do noso municipio Obras da fase secundaria en Lira, Pedrafigueira e As Breas: 400.000 € (financiados pola Xunta) Obras da fase secundaria en Mallou e Vilar: 450.000 € (financiados polo Concello) • Obradoiro de em...

As administracións competentes (Deputación da Coruña, Xunta de Galiza e Goberno do estado) veñen de destinar arredor de 240.000 € para creación e equipamento de bases náuticas en varios concellos da Costa da Morte, entre eles Carnota, dentro do Plan de Dinamización Turística da Costa da Morte. A primeira medida consitiu xa na contratación de casetas para as respectivas bases náuticas, por valor aproximado de 40.000 €. Estas bases serán equipadas pola Deputación grazas a un investimento superior aos 200.000 € para a compra de equipos de buceo, táboas de windsurf, catamaráns, kaiaks e embarcacións semiríxidas que se comezarán a repartir nesta primeira quincena de setembro entre as novas bases náuticas dos concellos integrados no Plan de Dinamización, é dicir Carnota, Muros, Corcubión, Camariñas, Malpica, Ponteceso, Carballo e Laracha. Por outra parte, acabamos de saber que a Consellería de Pesca da Xunta de Galiza acaba de aprobar o proxecto "Desafío Portos Pesqueiros" deseñad...

A exposición " Nazón de Breogán, un xeito de soñar Galiza " xa pode visitarse na Casa do Concello de Carnota. Esta mostra, organizada por Vicepresidencia , pretende mergullar ao espectador na historia do noso País desde o ano 1936. A exposición ten carácter itinerante e xa percorreu outros dezanove concellos galegos recibindo arredor de nove mil visitas. [ Ler nova na Voz ]

O Concello de Carnota presentou nestes comezos de decembro o seu excelente programa cultural para convertir este nadal nunha época rebosante de actividades, festa, diversión e cultura para todos e todas. PROGRAMACIÓN DAS XORNADAS CULTURAIS NADAL 2007 20 de decembro 19:30h. Salón de Actos da Casa do Concello CONCERTO DE NADAL protagonizado polas alumnas e os alumnos da Escola Municipal de Música. 21 de decembro 19:00h. Colexio do Pindo O PAZO DE PAPEL, fabulosa obra de teatro a cargo da compañía Teatro Buratini . 25 de decembro 20:00h. Colexio de Carnota NADAL MÁXICO 2006. 1º Circuito galego de maxia , contaremos coa incríbel actuación de cinco prestixiosos magos. 30 de decembro 19:00h. Salón de Actos da Casa do Concello MAMACABRA, gran espectáculo infantil de música e teatro. 31 de decembro 12:30h. Praza do Concello. ESPECTÁCULO PIROTÉCNICO para darlle a mellor benvida ao novo ano. 5 de xaneiro 19:30h. CABALGATA DE REIS Sairá á hora sinalada de Lamas de Castelo, e os Reis Magos i...

Xosé Ignacio Porto Mato, artesán plástico e veciño do noso Concello, ven de ser o premiado por dito certame pola súa peza cerámica �Touro de dúas cabezas�, que podedes ver na imaxe ao carón desta nova, escollida xunto cun chal de liño de Carme Riveiro (Baio) como as dúas mellores das 239 obras presentadas por 74 artistas. A dictame foi feita pública polo responsábel de Cultura da Deputación Celestino Pozo, que destacou que ambos os gañadores son �nomes moi destacados da artesanía galega�. Da obra de Nacho Porto (que xa gañara o mesmo premio na súa terceira edición), o xurado salientou a innovación e orixinalidade da peza, �un motivo iconográfico e mitolóxico moi antigo� e o uso de varias técnicas como a arxila refractaria, os esmaltes e a serigrafía. Pola nosa parte, felicitar fortemente ao noso veciño por este importante recoñecemento á súa obra, a agradecer tamén que o seu constante traballo de anos está a converter o noso Concello nun interesante punto de proxección da nosa artesaní...