BNG Carnota

Carnota xa é, tras Sanxenxo e Barreiros, o Concello con máis vivendas turísticas por quilómetro cadrado O BNG, a través do deputado Oscar Insua, presentou varias iniciativas no Parlamento galego na que pide á  Xunta de Galiza que leve a cabo unha batería de actuacións para impulsar a vivenda pública na Costa da Morte. Trátase dunha cuestión que segue a ocupar a primeira posición nos estudos sociolóxicos como principal problema existente para a cidadanía. Insua solicitou que o Goberno galego inicie a tramitación para construír vivendas de promoción pública (VPP) nos concellos da Costa da Morte, así como que realice un estudo real e obxectivo sobre a vivenda na comarca, e que leve a cabo unha campaña de información pública naqueles municipios que promovan a inscrición no Rexistro Único de Demandantes de Vivenda en Galiza. O deputado afirmou que “precisamos ter unha radiografía real da demanda de vivenda, porque os datos do rexistro non se corresponden coa realidade, e iso débese á fa...

O BNG de Carnota criticou os recortes educativos que veñen sufrindo os centros escolares do municipio, como o CEIP Plurilingüe e o CEIP O Pindo, e amosou o seu apoio ás familias das crianzas, que se están manifestando nas últimas semanas para demandar á Xunta máis profesorado para atender as necesidades especiais e mestres de apoio, así como persoal auxiliar coidador e compensación das horas lectivas perdidas. Diversos representantes da formación nacionalista participaron na concentración que tivo lugar este domingo 20 de outubro na Praza da Pedra de Carnota, convocada pola ANPA do CEIP Plurilingüe, para amosar a súa solidariedade coa comunidade escolar afectada pola política educativa do Goberno galego. O vice-responsábel local do BNG de Carnota, Primitivo Pedrosa, sinalou que “a Xunta de Galiza ten que cumprir con feitos a necesidade de un rural vivo, porque non chega só con anuncios propagandísticos; hai que apostar polo rural e dotalo dos servizos axeitados, e a educación pública d...

A mocidade nacionalista da Costa da Morte, que vén de renovar a súa asemblea comarcal de Galiza Nova hai poucas semanas , comeza con forza convocando o vindeiro venres 14 de xullo ás 20:30 horas no Ézaro un acto público de apoio á candidatura do BNG que aspira a facerse co grupo propio galego nas Eleccións Xerais do 23 de xullo. Intervirán a secretaria xeral de Galiza Nova , Marta Gómez , e o membro da candidatura do BNG Ignacio Siota . O acto dará paso a unha actuación musical con MJ Pérez , Malleira , Dùin e remate con foliada libre.  Non faltes e, sobre todo, se es mozo ou moza de ata 30 anos e estás co nacionalismo galego, únete a Galiza Nova !

A Xunta de Galiza vén de facer público o peche inmediato das escolas unitarias de Portocubelo (Lira) e O Viso (San Mamede) polo feito de non acadar neste curso un número determinado de alumnos. Esta decisión política, coa que xa levaban tempo ameazando, e de feito asi nolo viñan comentando nais e pais nos últimos meses, supón a consecuencia máis directa e cruda do austericidio perpetrado polo Partido Popular desde as institucións de goberno que controla e desde a Xunta que debera ser a máxima interesada en velar, precisamente, pola posta en marcha e mellora dunha rede de servizos sociais públicos, de proximidade e calidade no medio rural que atenda á nosa realidade poboacional dispersa. Con esta decisión da Xunta de Galiza, Carnota perde as escolas unitarias nos dous lugares máis habitados do noso municipio. Desde o BNG entendemos que a sociedade local, e a súa institución de goberno máis próxima, que é o Concello, non poden ficar impasíbeis ante esta agresión contra os intereses ...

Milucho Louro no I Foro de Debate organizado por esta pioneira entidade xuvenil. Se algo logrou demostrar o executivo municipal de Carnota todos estes anos é que para o BNG a mocidade é algo máis que unha consigna á hora de facer campaña para tentar quedar ben cada catro anos; a nosa convicción é que hai que darlle a voz á infancia , pois é a verdadeira depositaria do futuro do noso Concello e da nosa nación; ao facelo descubrimos ata que punto saben perfectamente o que queren e como conseguilo. Por iso o BNG puxo en marcha no pasado mandato o I Plan Municipal de Infancia e de Adolescencia (2018 – 2021) , que deu como principal froito o nacemento do Consello Municipal da Infancia e da Adolescencia , un organismo que vén a funcionar coma un executivo municipal "paralelo" conformado integramente por nenos e nenas do municipio. O BNG apostará por darlle plena autonomía para debater os seus problemas, tomar as súas decisións e mesmo dispoñer dun pequeno orzamento que poden d...

O Consello Municipal da Infancia e da Adolescencia , organismo de participación xuvenil posto en marcha durante esta lexislatura para darlle voz e capacidade de decisión ao maior tesouro que ten Carnota, que é a mocidade, dou boa mostra do seu dinamismo ao organizar o pasado martes o I Foro de debate da Infancia e da Adolescencia . Unha das actividades deste foro foi un debate cos novos candidatos á alcaldía de Carnota, para coñecelos e plantexarlles propostas e preguntas xurdidas durante o obradoiro celebrado con anterioridade. Só Milucho Louro, o novo candidato do BNG, atendeu o convite, mentras que PP e PSOE mandaron aos segundos da súa lista. En canto ao contido do debate, Milucho salientou as oportunidades que para a mocidade brinda o Proxecto Carnota Amiga da Infancia e o I Plan Municipal de Infancia e de Adolescencia (2018 – 2021) , que prevé non só o estabelecemento dun conxunto de mecanismos dinamizadores para unha participación xuvenil real e activa, e tamén que esta s...

O ceense Pablo Álvarez e a camariñá Noela Rial liderarán a organización xuvenil na nosa comarca Pablo Álvarez e Noela Rial, novos dirixentes de Galiza Nova A mocidade do BNG, organizada en Galiza Nova , conta desde esta semana con novos referentes na nosa comarca. Ocupará a responsabilidade comarcal Pablo Álvarez , veciño de Cee de 21 anos, estudante de Ciencias Políticas e grande artífice e referente na loita pola recuperación ao patrimonio público do Castelo do Príncipe da Ameixenda. Acompañaranos coma vicerresponsábel a moza camariñá Noela Rial e Tomás Facal , veciño de Zas, nas tarefas de organización. “Afrontamos esta nova etapa con moitísima ilusión e co obxetivo de facer chegar as nosas ideas e inquedanzas a mocidade de toda a Costa da Morte, e por suposto tentando atraer a todas as mozas e mozos que pensan como nós e que aínda non se atreveron a dar o paso de achegarse, mais sen dúbida tamén a todo aquel que estea desposto a pelexar por un futuro na nosa te...

O compsromiso adquirido polo BNG coa mocidade do noso municipio na pasada campaña electoral xa é por fin unha realidade: esta noite inaugúrase en Lamas de Castelo (Pedrafigueira) a Casa da Xuventude de Carnota , unhas novas instalacións destinadas ao uso e goce da mocidade do noso concello, e que contará, entre as súas instalacións destacadas, un local de ensaio a dispor dos grupos e artistas musicais do noso municipio, e do que pronto se presentará o regulamento de uso. Cartel do acto inaugural. Fonte Para este proxecto o Concello de Carnota acondicionou un local municipal en desuso sito en Lamas de Castelo . Despois de varios meses de traballos, que contaron coa axuda da Deputación da Coruña , por fin esta noite, 24 de marzo terá lugar a inauguración das instalacións por todo o alto, para o que se contou coa colaboración imprescindible da Asociación Gremio de Músicos de Carnota . A cita arrinca ás 20:00h cunha c hurrascada, tras o que se desenvolverá unha charla sobre as as...

A aposta do Concello de Carnota pola cultura e a mocidade reforzarase na vindeira lexislatura cunha serie de actuacións que xa está a concretar coa mocidade activa do Concello. O edificio de Pedramarrada albergará un Centro Xuvenil se a Xunta non nos devolve o Centro de Día A proposta máis notábel será a creación dun Centro xuvenil en Pedramarrada , no edificio hoxe en desuso do Centro de Día. No caso de que a Xustiza non revirta o discutido traslado deste servizo ao veciño concello de Muros imos destinar este edificio a Centro Xuvenil en acordo con varios colectivos, un lugar onde a mocidade do Concello poida reunirse e organizarse, e dispoña dunhas instalacións con conexión a Internet, ludoteca, biblioteca xuvenil e local de ensaio, entre outros servizos. A intención é que esta nova instalación non sexa un contedor pechado senón que teña unha dinámica propia e que a mocidade non só sexa usuaria senón peza clave do seu funcionamento, para que o centro se adapte ás necesidades da xe...

Formación de Coso Carnóbrigo Facemos un alto no noso camiño hacia as urnas para divulgar o proxecto musical de 3 rapaces e unha rapaza do noso Concello que están loitando por un lugar no escenario do Festigal , un dos cenarios clave da axenda musical galega que se celebra o 24 de xullo, vésperas do Día da Patria, no Campus Sur compostelán. Este festival convocou un concurso de novas promesas musicais vía Facebook no que está ben situado Coso Carnóbrigo  ( Coso da fortaleza de pedra ), un grupo de folk-metal, como se autodefinen, composto por Roldán Figueira, e Antón Beiro ás guitarras, Kiko Figueira na batería e Paula Teixeira no micro. Polas súas veas corre sangue carnotá e ademais actúan en galego polo que vos pedimos que compartades no voso perfil de Facebook o seu single de presentación , adianto do disco Sacrificial que están a preparar, pois é a única forma de que o voso apoio sexa compatibilizado pola organización do Festigal. Nós non temos redes clientelares per...

Esta é a triste realidade da mocidade da Costa da Morte. Que emigren os culPPabéis! Este nadal, miles de mozas e mozos galegos soñan con volver a casa. Nin escravitude, nin emigración! Na Galiza esiximos dereitos! Fantástica iniciativa de Galiza Nova Costa da Morte para que non esquezamos aos que faltarán nestas festas. Segue ás mocidades nacionalistas da nosa comarca en Facebook e Twitter .

Galiza Nova da Costa da Morte vén de presentar en sociedade un impactante traballo audiovisual encamiñado a arengar á mocidade a implicarse nos problemas que lle afectan, comezando co seu apoio ás candidaturas do BNG o vindeiro 22 de maio pero extendendo este compromiso cun futuro mellor no día a día. Da gusto ver que en toda a comarca hai xente nova que decide dar a cara para axudar a cambiar o mundo no que viven, combatindo todas as calamidades destes tempos como paro, emigración, falta de oportunidades e de alternativas de lecer... que en Carnota alcanzan extremos insospeitados pola ausencia de políticas propias, o dispendio de recursos e tamén o clientelismo e partidismo en todas as contratacións. No video tivemos representación da mocidade carnotá a través de Nuria Pampín, Chema Riveiro, Iván Franco e Mario Maceiras, que nun ton constructivo chaman á xente nova a participar no deseño dun futuro mellor, con máis autoorganización, máis emprego e máis oportunidades para todos ind...

Esta semana celebramos o Día Internacional das Mulleres, que ten lugar no medio dunha importante ofensiva regresiva en canto ás políticas de igualdade imprescindíbeis para avanzar cara a unha sociedade máis democrática, que artelle medidas que atendan ás demandas das mulleres e loiten contra a discriminación de xénero. Un bo exemplo desta política regresiva de recortes é a eliminación das axudas ás mariscadoras e tamén das axudas para as mulleres que sofren violencia de xénero. Unhas decisións que, baixo a excusa dos axustes debidos á crise, agravan a situación das mulleres galegas e sobre todo no rural. Tampouco en Carnota somos alleos ás consecuencias dunhas políticas equivocadas para afrontar os problemas das mulleres. Todo o paquete de medidas sociais postas en marcha polo anterior goberno municipal, impulsadas pola concelleira do BNG Merche Díaz, foron suprimidas en canto o PP accedeu ao goberno: Asistencia a domicilio, cursos de alfabetización, idiomas ou informática, asi com...

A militancia de Galiza Nova elixiu o pasado domingo e por unanimidade a Nuria Pampín Rei como nova responsábel en Carnota. Esta moza de 22 anos, veciña de Lira , toma o testigo no cargo de Mario Maceiras, co obxectivo de continuar cun traballo humilde pero constante ao servizo da mocidade e de Carnota, e tamén co claro reto de dar a coñecer o proxecto nacionalista tamén entre os máis novos. Na reunión, á que asistiu tamén a responsábel local do BNG, Belén Campos, a militancia carnotá decidiu sobre as liñas de traballo para os próximos meses, co obxectivo de continuar a ser a organización xuvenil referencial na localidade, mais sen perder de vista o duro traballo político que vai esixir a cita coas eleccións municipais, que xa se albisca no horizonte. Neste senso, Galiza Nova non pode máis que avaliar de "rotundo fracaso" esta lexislatura do goberno municipal do PP, pois "só se ocupou de frear os avances que se conseguiran co anterior goberno nacionalista, pagar favores a...

O domingo 27 de xaneiro organizouse unha saída en autobús con nenos de educación primaria e secundaria de Carnota para asistir ao partido que disputaban no Estadio de Riazor o Deportivo da Coruña e o Real Valladolid. A persoa adulta asignada para acompañalos foi Mª Jesús (Chus) González Senande, concelleira do PP no municipio e veciña de Lira. Segundo coinciden diversas persoas que se puxeron en contacto co BNG de Carnota, nun momento da viaxe de ida produciuse un insólito altercado entre a edil e os cativos. A sra. Chus González, facend o uso do micrófono do autobús e tras identificarse como concelleira, dirixiuse aos rapaces para pedirlles directamente o voto para a súa formación ou ben para que lles dixeran aos seus pais "que vot aran a Rajoy". Logo dun intre de estupefacción dos asistentes, parte dos nenos comezaron a increpala por "ir darlles un mitin" e berraron proclamas contra o PP. Nese momento, a edil popular mesmo enleouse nunha vergonzosa rifa verbal cos...

O pasado martes tivo lugar o mitin do BNG na parroquia de Lariño. Foi no novo Centro Cultural da localidade nun acto presentado pola candidata nº 5 Consuelo Lamela. De seguido intervén o mozo veciño de Lariño e nº 7 da candidatura do BNG Guillerme Lago, cun discurso plagado de referencias á difícil situación dos mozos do noso concello con dificultades para atopar traballo e que mesmo se ven obrigados a saír a buscalo fóra, situación que grazas ao compromiso e esforzo do BNG está comezando a mudar por fin. Os datos, de feito, son esperanzadores: se ben durante os catro anos no goberno de Oreiro (PP) se produciu o maior fenómeno migratorio masivo dos tempos recentes, e as cotas de paro se elevaban ata o 13%, hoxe estamos a percibir unha inversión desta tendencia e logo de oito anos de goberno nacionalista a mocidade está a comezar a vislumbar as condicións óptimas para o seu retorno, e cun paro situado agora no 8% segundo o Instituto Galego de Estadística, o que supón un dos maiores desc...

O Concello de Carnota presentou nestes comezos de decembro o seu excelente programa cultural para convertir este nadal nunha época rebosante de actividades, festa, diversión e cultura para todos e todas. PROGRAMACIÓN DAS XORNADAS CULTURAIS NADAL 2007 20 de decembro 19:30h. Salón de Actos da Casa do Concello CONCERTO DE NADAL protagonizado polas alumnas e os alumnos da Escola Municipal de Música. 21 de decembro 19:00h. Colexio do Pindo O PAZO DE PAPEL, fabulosa obra de teatro a cargo da compañía Teatro Buratini . 25 de decembro 20:00h. Colexio de Carnota NADAL MÁXICO 2006. 1º Circuito galego de maxia , contaremos coa incríbel actuación de cinco prestixiosos magos. 30 de decembro 19:00h. Salón de Actos da Casa do Concello MAMACABRA, gran espectáculo infantil de música e teatro. 31 de decembro 12:30h. Praza do Concello. ESPECTÁCULO PIROTÉCNICO para darlle a mellor benvida ao novo ano. 5 de xaneiro 19:30h. CABALGATA DE REIS Sairá á hora sinalada de Lamas de Castelo, e os Reis Magos i...

O Concello de Carnota leva días recibindo continuas mostras de solidariedade de xente de dentro e de fóra indignada coa inusitada virulencia desta nova lacra incendiaria. Ante o apoio popular a Concellaría de Medio Ambiente vai constituír gardas de vixiancia dos nosos montes. As autoridades non permiten que xente sen capacitación técnica nin seguro participen na extinción directa dos lumes, polo que o Concello desexa aproveitar as mostras de apoio recibidas mediante a creación de turnos constituídos por veciños e voluntarios e cordenados pola dita concellaría. A súa laboura consistiría en turnos sucesivos de gardas, de xeito que sempre houbese ao menos un grupo vixiando calquera incidencia anómala que se puidera producir nos montes de Carnota, xa non só posíbeis conatos de incendio senón o acceso de vehículos ou persoas ás pistas forestais. Nestes momentos xa non existe ningún lume activo no Concello de Carnota, polo que é o momento idóneo para centrar todos os esforzos en efectuar unh...

O Director Xeral de Xuventude da Xunta de Galiza Rubén Cela e a Delegada da Vicepresidencia na provincia da Coruña Tereixa Novo visitaron o pasado venres o noso concello para estar coas mozas e mozos da primeira tanda do Campamento de verán organizado aquí pola Vicepresidencia da Igualdade e do Benestar. Esta visita encadrouse nun contexto bastante inusual pois grande parte do dito campamento do verán contemplaba o adecentamento do Castro de Mallou, que como todos sabedes resultou arrasado polo grande incendio que rexistraron os montes da dita localidade durante a última quincena de xullo. Os citados membros da área de Vicepresidencia, acompañados polos membros do goberno local Merche Díaz, Pepe Domínguez e Manuel Noceda, aproveitaron a visita para xantar cos mozos no Colexio de Carnota onde están aloxados, a piques chegar mañá un novo grupo de mozos para darlles o relevo e continuar cos traballos, e coñecer as sensacións que causou esta experiencia de convivencia e solidaridade ...