BNG Carnota

O BNG de Carnota pon en valor que Carnota apareza no Congreso dos Deputados grazas ao traballo institucional do Bloque Nacionalista Galego. A publicación parte dunha análise de Newtral sobre as preguntas rexistradas no Congreso , na que se recollen máis de 40.000 preguntas ao Goberno durante a lexislatura. Nese mapa de actividade parlamentar, Carnota aparece como un dos concellos polos que houbo iniciativa institucional, e de feito, as 5 veces que se mencionou no Congreso foi por boca de  Néstor Rego , único deputado do BNG. Lembramos que Galiza conta, cando menos na teoría, con 23 representantes na cámara baixa do estado español. Para o BNG de Carnota, isto demostra unha cuestión clara: se está o BNG Galiza está, e cando Galiza conta con voz propia nas institucións do Estado, tamén os concellos pequenos podemos aparecer na axenda política. Carnota non pode depender de que outros falen por nós nin de que as grandes forzas estatais lembren os problemas do noso pobo só cando lles c...

A nosa mensaxe de campaña era clara: votar ao BNG para frear a extrema dereita de Vox (con quen todo apuntaba que se desputaba o último escano da Coruña) e devolver a voz do pobo galego a Madrid, ausente dos grandes debates desde que o BNG perdeu a súa representación, ao contrario das forzas nacionais bascas e catalás que si reivindicaron e obtiveron o seu espazo. Parte do pobo galego entendeu a mensaxe e optou por ter voz propia, e o BNG duplicou os seus votos polo que o obxectivo conseguiuse parcialmente, e o BNG impúxose a Vox deixándoos sen ningún escano en Galiza. Porén foi a dereita españolista de Ciudadanos quen se faría finalmente cos últimos escanos en xogo na Coruña e Pontevedra pola fragmentación do nacionalismo, que finalmente imposibilitou que o BNG obteña representación en Madrid, quedándose ás portas malia duplicar os votos obtidos no anterior proceso. O BNG duplica en Carnota En Carnota os resultados do nacionalismo foron positivos, pois recuperou un pulso nas Ele...

Ana Pontón: « Nun escenario sen maiorías absolutas, 1, 2, 3 deputados e deputadas do BNG son máis útiles para Galiza que 23 ao servizo de Sánchez, Casado ou Iglesias » Moncho Noceda ante a fachada do Concello ( fonte ) O Consello Nacional do BNG aprobou as súas listas para as vindeiras Eleccións Xerais do 28 de abril, e que agardamos servirán para que Galiza recupere por fin a voz perdida no Congreso nos últimos anos de ausencia nacionalista, durante os que estivo representada por deputados e deputadas que atenderon máis os intereses políticos alleos que os do pobo galego que os elixiu, e que estivo impotente ou directamente ausente en debates tan importantes para o País coma son os orzamentos do Estado, que supuxeron unha aldraxe a Galiza tras outra, tanto en tempos de goberno do PP coma do PSOE co apoio das Mareas. Pois ben, o alcalde de Carnota Moncho Noceda , que como a nosa veciñanza ben sabe determinou poñer fin á súa traxectoria no goberno de Carnota, non remata desde l...

Evento suspendido ata novo aviso Por non termos recibido permiso de manifestación e pola presenza continua de Policía na zona desde as 10:00h con instrucións de identificar a todos os asistentes, suspendemos esta concentración ata novo aviso. Esta monarquía non merece un euro máis dos cidadáns. Este sábado 7 de xuño ás 13:00h ante a Casa do Concello , o nacionalismo carnotán chama a todas as veciñas e veciños a participar nunha concentración que continúe no plano máis próximo á nosa veciñanza coa axitación social iniciada o pasado luns coa renuncia do xefe de estado e máximo representante da coroa monárquica, Juan Carlos, data en que as potentes maquinarias dos poderes fácticos do sistema e os medios de comunicación comezaron a traballar arreo para garantir un traspaso de poderes discreto e incuestionado ao seu terceiro fillo, Felipe, por ser o varón da casa. O BNG lamenta que o PP e o PSOE correran a pechar filas en torno á sucesión, perpetuando asi o modelo profundamente antidemo...

Polo dereito das mulleres a decidir Desde esta semana, igual que noutros concellos de Galiza gobernados polo BNG, nas inmediacións da Casa do Concello de Carnota pendura unha faixa en defensa do dereito das mulleres a decidir e por un aborto libre e gratuito, contra o criterio que tratan de impoñer determinados sectores ultradereitistas co apoio do actual partido no goberno da Xunta e do estado, o Partido Popular. O BNG de Carnota denuncia asi a reforma involucionista da lei do aborto do PP impulsada por Gallardón, e reitera a convicción inquebrantábel dos nacionalistas carnotáns de que son as mulleres e só as mulleres quen poden e teñen que decidir sobre a súa maternidade, e a exercitar ou non a opción do aborto libre, gratuíto e en condicións de seguridade sanitaria; xusto o contrario do que promulga a filosofía que representa esta reforma do PP que lexisla contra as mulleres e nos coloca, en termos de seguridade sanitaria, peor mesmo que fai trinta anos e adoptando o camiño con...

Revista A Moa nº 33 - Verán de 2013 Edición nº 33 monográfico: "A situación de emerxencia obriga a prescindir de 6 empregados municipais", correspondente ao verán de 2013 deste Voceiro local do BNG de Carnota. Sumario : • As débedas herdadas asfixian as arcas municipais • Os ingresos municipais tocan o seu chan histórico • Carnota ingresa un terzo que no ano 2010 pero seguía mantendo o mesmo personal fixo e indefinido • Que aforro suporán estes despedimentos ás arcas municipais? • O obxectivo destas e outras medidas é garantir a viabilidade financieira do concello sen tocar os servizos básicos • O goberno deu exemplo minimizando soldos políticos, creando a Bolsa Municipal de Emprego e mellorando a eficiencia enerxética • O BNG de Carnota lamenta os despidos e apoia o goberno local • A oposición tenta aproveitar o río revolto para revivir a pantasma do pacto PP-PSOE en Carnota • O ex-alcalde de Carnota José Oreiro, imputado por prevaricación nas súas contratacións...

O pasado mércores 18 de xuño de 2008 unha comisión do BNG de Carnota entrevistouse con Rafael Eimil, Xefe da Demarcación de Costas de Galicia, co obxecto de interesarse polos proxectos en materia medioambiental que abranguen o noso concello, e en especial sobre o estado do Paseo Marítimo do Pindo. Así confirmounos a contratación, xa en breve, do Paseo Marítimo de Portocubelo a Mar de Lira. A recuperación medioambiental do entorno do faro de Lariño e a recuperación medioambiental do sendeiro marítimo de Mallou-Maceiras están pendentes da resolución do Estudo de impacto ambiental, pero que confía en que antes dun ano serán resoltos. Todos estes proxectos, ao igual que o Paseo Marítimo do Pindo, foron xestionados polo anterior goberno local liderado polo BNG. A respecto do asunto central da entrevista, Eimil asegurou que o Paseo marítimo do Pindo estaba sendo executado de acordo co proxecto orixinal, se ben por "cuestións estéticas e adaptativas" se fixeran “pequenas modific...

O debate sobre o sistema de financiamento autonómico é vital para entendermos o papel de Galiza no Estado español. Como nacionalistas, interésanos enormemente que se esclarezan os fluxos fiscais entre Galiza e o Estado. Non só non lle debemos ter medo ningún a esta cuestión, senón que a debemos suscitar abertamente. O nacionalismo tivo claro desde sempre –eis os traballos de Alexandre Bóveda durante a II República- que a fiscalidade era unha arma en mans do Estado para incrementar o noso grao de dependencia e furtar así toda posibilidade dun desenvolvimento autocentrado de ...

Só en catro concellos de todo o estado se está a producir actualmente unha situación coma a de Carnota, na que o alcalde se ve obrigado a delegar as súas funcións municipais durante parte da semana debido á súa acta de deputado no Congreso. Ademais do caso do popular José Oreiro en Carnota, dous alcaldes máis do PP atópanse na mesma situación: Ángeles Muñoz en Marbella, e José Folgado en Tres Cantos (Madrid). Os outros casos son Ana Oramas, de Coalición Canaria, rexedora en La Laguna (Tenerife), e Rosa Apolonio, do PSOE, en Montilla (Córdoba). Esta situación está a provocar unha polémica de certa repercusión pola peculiaridade de ser Marbella (125.000 habitantes) un dos municipios afectados. Xa diversas forzas políticas -incluíndo o PP- manifestaron as súas dúbidas sobre a ideonidade de que unha mesma persoa acapare os cargos de alcalde dun municipio e deputado na Cámara Baixa. As críticas do grupo popular chegaron logo de que o alcalde de Madrid, Ruíz Gallardón, anunciara estes días a...