BNG Carnota

O BNG de Carnota puxo en reparto un novo número de A Moa , o boletín local da organización nacionalista. Nesta ocasión, o reparto comezou pola Montaña, achegando á veciñanza información, análise e contidos propios sobre a actualidade municipal e política de Carnota. A Moa é unha ferramenta de comunicación directa coa veciñanza, pensada para informar, render contas e trasladar propostas fóra da inmediatez das redes sociais. Nun tempo no que boa parte da comunicación política queda reducida a mensaxes rápidas, o boletín permite explicar con máis calma os asuntos municipais, as denuncias do BNG, as propostas e a posición da organización sobre os temas que afectan ao concello. Desde o BNG de Carnota convidamos a veciñanza a ler, comentar e compartir este novo número. A información municipal debe estar ao alcance de todas e todos, tamén en papel, lugar a lugar e casa a casa.

Máis dun cento de persoas participaron na homenaxe a Castelao organizada polo BNG de Carnota na Casa do Mar de Lira, nun acto celebrado o venres 24 de outubro dentro do Ano Castelao, con motivo do 75 aniversario do seu falecemento. O acto contou coa presenza da portavoz nacional do BNG, Ana Pontón, e de Primitivo Pedrosa . A presentación correu a cargo de Cristina Caamaño e varias persoas realizaron unha lectura pública de fragmentos de Sempre en Galiza , a obra fundamental de Castelao. A homenaxe tamén tivo unha parte musical, coa actuación da veciña Fátima Dosil, que interpretou o coñecido tema “Lela”. O acto rematou coa entoación do himno galego, acompañado polo gaiteiro Xosé Manuel. Na súa intervención, Ana Pontón destacou a pegada de Castelao no pensamento nacionalista galego e lembrou o seu papel na creación, en 1944, do Consello de Galiza, institución galega no exilio, polo que é recoñecido como primeiro presidente galego. Primitivo Pedrosa lembrou que Castelao celebrou un a...

O BNG da Costa da Morte amosou a súa satisfacción pola boa acollida das “Xornadas do Mar: Presente e futuro do mar na Costa da Morte”, celebradas no Salón do Bitácora, no Ézaro. As xornadas reuniron patróns maiores de confrarías, traballadores e traballadoras da pesca e do marisqueo, persoas expertas e representantes do BNG para analizar os principais problemas do sector na comarca e avanzar propostas de futuro. O encontro foi presentado por Bieito Lobeira, membro da Executiva Nacional do BNG; Rosana Pérez, deputada de Mar do BNG no Parlamento galego; e Xurxo Rodríguez, responsábel comarcal do BNG Costa da Morte. Segundo a organización, participaron máis de medio cento de persoas. O BNG destacou a dinámica positiva da xornada e sinalou que as persoas participantes pediron continuidade a este tipo de foros para seguir analizando a situación do mundo do mar e dos seus profesionais. Entre as conclusións, salientouse a necesidade de que a pesca e o marisqueo gañen representación real no...

O pasado 2 de outubro presentou a súa renuncia como concelleiro do BNG o noso compañeiro Iván Franco Caamaño por motivos laborais e persoais que lle impiden realizar as tarefas relacionadas co cargo político que desempeñaba. Iván foi concelleiro e tenente de alcalde co goberno do BNG 2011-2019 onde realizou un traballo impecable e desinteresado sempre pensando no mellor para a veciñanza de Carnota. Traballo que continuou realizando na oposición desde o ano 2023. Dende o BNG de Carnota agradecemos a súa lealdade ca veciñanza de Carnota e co proxecto político do BNG de Carnota, seguindo o seu traballo como militante do BNG que é e seguirá sendo sempre a súa casa. A renuncia de Iván da entrada como concelleira a nosa compañeira Socorro González, incorporándose ao grupo municipal do BNG xunto con Moncho Noceda (portavoz municipal) e Belén Campos (concelleira). Graciñas Iván polo teu compromiso e noraboa a Socorro pola súa entrada no grupo municipal!

A Asemblea Local do BNG de Carnota ven de elixir novo candidato á alcaldía de Carnota por unanimidade: Primitivo Pedrosa.   Primitivo (Primi) é un veciño de Vilar de Carnota, fillo de María Rosa de González e de Primitivo, casado e cun fillo e unha filla. De profesión mariñeiro, patronea a súa embarcación de pesca artesanal Maria Rosa II, con base no porto de Muros.  Na actualidade tamén ostenta a representación dos armadores de pesca artesanal de baixura na Confraría de Pescadores de Muros, destacando pola súa labor incansábel, desde fai anos, a prol dos intereses dos traballadores e traballadoras do sector pesqueiro en distintas instancias, tanto a nivel autonómico, estatal e mesmo europeo, participando en distintos foros como experto no Parlamento Europeo e na Comisión Europea.   A nivel organizativo, Primitivo é membro da Comisión de Pesca do BNG e formou parte nas distintas candidaturas do BNG as eleccións, ás municipais do 2023, ao Parlamento Europeo, ao...

Carnota volveu demostrar este 25 de novembro que a loita contra as violencias machistas tamén se constrúe desde os pobos, desde a organización social e desde o compromiso colectivo. A mobilización impulsada por Sonlilá, co apoio do grupo de Acción Feminista do BNG do BNG, puxo voz a unha realidade que non pode ser silenciada: a violencia machista continúa condicionando a vida de milleiros de mulleres e crianzas, tamén na Galiza, tamén nos concellos pequenos, tamén nos espazos onde ás veces se pretende agochar baixo o silencio ou a falsa normalidade. Desde o BNG de Carnota queremos recoñecer o traballo das mulleres organizadas, do movemento feminista e de todas as persoas que participaron nesta xornada de denuncia e reivindicación e que abandeiran esta loita todo o ano. A resposta fronte á violencia machista non pode limitarse a declaracións institucionais un día ao ano: precisa recursos públicos, educación en igualdade, prevención, protección efectiva e unha implicación real de todas a...

A mocidade nacionalista da Costa da Morte, que vén de renovar a súa asemblea comarcal de Galiza Nova hai poucas semanas , comeza con forza convocando o vindeiro venres 14 de xullo ás 20:30 horas no Ézaro un acto público de apoio á candidatura do BNG que aspira a facerse co grupo propio galego nas Eleccións Xerais do 23 de xullo. Intervirán a secretaria xeral de Galiza Nova , Marta Gómez , e o membro da candidatura do BNG Ignacio Siota . O acto dará paso a unha actuación musical con MJ Pérez , Malleira , Dùin e remate con foliada libre.  Non faltes e, sobre todo, se es mozo ou moza de ata 30 anos e estás co nacionalismo galego, únete a Galiza Nova !

Captura da app Cando se achega o ecuador da rolda de Asembleas veciñais con que o BNG de Carnota tenta achegar á veciñanza o seu traballo no goberno de Carnota e recoller todas as súas necesidades e inquedanzas para incorporalas ao novo Programa de Goberno 2019-2022, o BNG de Carnota presenta unha app para dispositivos móbiles. A aplicación xa se pode descargar na tenda de Google Play para dispositivos Android , e permite lanzar propostas ao equipo de campaña do candidato nacionalista Milucho Louro, para que as poidan sumar ao traballo de recollida de ideas que levamos un mes a desenvolver polos distintos lugares do noso Concello. É a primeira vez que o BNG opta por unha plataforma deste tipo para comunicarse coa veciñanza, continuando coa nosa decidida aposta por Internet e as novas tecnoloxías coma un método para achegarse e contactar coa veciñanza que se atopa desprazada fóra do noso municipio. Neste eido, cabe lembrar a exitosa traxectoria das redes sociais do BNG, con perf...

Comprácenos convidarte a acompañarnos na presentación de Emilio Louro como candidato do BNG á alcaldía de Carnota. Será o vindeiro sábado 26 de xaneiro ás 20:00 horas no Salón de Actos do Concello.  Tamén participarán no acto Moncho Noceda e a nosa portavoz nacional Ana Pontón.  Ao remate ofreceremos uns pinchos no Comba. Agardamos contar contigo!

Entrevista a Emilio Louro, novo candidato do BNG de Carnota Quen é Milucho? Son un veciño de Lariño de 52 anos que desenvolvin a maior parte da miña vida profesional, nada menos que 26 anos, na Confraría de Pescadores de Lira; participo activamente no movemento asociativo veciñal, sendo presidente da AA.VV. de Lariño durante 9 anos, e tamén son patrono da Fundación Lonxanet para a pesca sostible desde o 2001. Que sentistes cando a militancia do BNG che elixiu de candidato? Gran satisfacción e agradecemento polo nivel de respaldo e consenso da militancia, e ao mesmo tempo a enorme responsabilidade de ter que continuar un traballo encomiábel. Como asumes o testemuño de 8 anos de goberno do BNG? O equipo de goberno fixo fronte ao saneamento das contas municipais, malia o que foi quen de cumprir en gran medida o seu programa e de facer participe a veciñanza da vida municipal, un gran traballo de transparencia. No caso de chegares a alcalde, cal será a túa estratexia? Seguir na mesma sen...

Moncho Noceda pon fin á súa traxectoria na alcaldía cunha aposta pola continuación do proxecto do BNG e pola renovación das ideas Emilio Louro, Milucho, candidato do BNG Carnota A Asemblea Local do BNG de Carnota proclamou esta tarde por unanimidade a Emilio Louro Lamela , máis coñecido entre a nosa veciñanza coma Milucho, como novo candidato do BNG á alcaldía de Carnota. A decisión chegou despois dun proceso de reflexión interna iniciado logo de que Moncho Noceda, actual portavoz e rexedor do noso municipio, comunicara recentemente á Asemblea a súa intención de poñer fin á súa etapa na alcaldía de Carnota, ao atoparse xa preto da súa idade de xubilación. Foi precisamente Moncho o encargado de transmitirlle a Milucho que fora proposto pola asemblea. Finalmente aceptou, segundo explicou, pola necesidade de continuar co proxecto nacionalista que levou a Carnota en só oito anos de ser un concello intervido e ao borde da insolvencia a ser viábel e estar saneado, mantendo e mesmo mello...

O BNG de Carnota logrou reunir e publicar, grazas á colaboración veciñal, todos os exemplares antigos Portada do nº 8 , lanzado en 1997 Se hai algo tradicional na política local de Carnota son os tránsfugas, e a revista A Moa , voceiro local do BNG e Galiza Nova de Carnota. Non casualmente chámase coma a atalaia do Olimpo Celta, desde a que se vixían desde millóns de anos os devires das terras bañadas pola fouce de Carnota, e desde a que levamos case un cuarto de século informando a toda a veciñanza de Carnota diseminada polo mundo adiante da actualidade do seu Concello desde a óptica do nacionalismo local, e tamén denunciando, sempre cun punto de vista retranqueiro e incisivo, as numerosas trapalladas que por desgraza se teñen cometido nestes confíns. Os cadriños da Moa, sempre cheos de humor e reivindicación A piques de cumprir os seus 22 anos e 35 edicións, A Moa fixo sitio nos nosos fogares para todo tipo de contidos: novas de actualidade, resultados electorais, sisudas aná...

A Asemblea Local das e dos nacionalistas carnotáns renova o seu Consello Local A militancia do BNG de Carnota reuniuse na tarde de onte para adoptar varias decisións importantes de cara ao futuro da organización das e dos nacionalistas de Carnota. A Asemblea elixiu coma novo responsábel local do BNG de Carnota a Iván Franco Caamaño , veciño de Carnota de 38 anos, que substitúe na máxima responsabilidade despois de sete anos a Belén Campos , quen continuará nun Consello Local do que tamén formarán parte Mario Maceiras (organización), Pilar Tubío (actas) e Jorge Fiuza (finanzas). O BNG de Carnota quere agradecer o traballo incansábel desenvolto pola compañeira Belén nesta etapa complicada á fronte do BNG. Asumiu a responsabilidade cando o PP tiña maioría absoluta e o BNG 3 edís e menos de 900 votos. Hoxe o BNG goberna Carnota en maioría absoluta, con 6 edís e case 1.300 votos; e todo isto no medio da crise interna que vén de superar exitosamente o nacionalismo. Hoxe o BNG ofre...

Nun acto ateigado de veciñanza ata o aforo máximo que se podía dispoñer no restaurante A Morosa, no que o bo humor e a ilusión caldeou o ambiente, foi o propio candidato Moncho Noceda quen exerceu de mestre de cerimonias, comezando por nomear os 21 homes e mulleres que serán as caras visíbeis deste proxecto . O aspirante a revalidar a alcaldía transmitiu que o proxecto de goberno do BNG seguirá na liña da transparencia, a honradez e a participación veciñal. Para poder levalo a cabo, é necesario que o BNG conte co suficiente apoio veciñal para gobernar sen ataduras nin chantaxes de ninguén, só mirando os intereses veciñais . Neste senso, e dado que resulta máis que probábel a existencia dun pacto PP-PSOE para desprazar ao BNG do goberno, Noceda animou a traballar con ilusión e forza para convencer á xente de que o 24 de maio confíen maioritariamente nun proxecto que servirá para consolidar a idea dun concello xusto, democrático e transparente, pensado por e para a xente. ...

A firme aposta do BNG de Carnota polas novas tecnoloxías para informar á veciñanza cumpre xa unha década. Un 24 de abril de 2005, ás 17:32h, colgamos na nova páxina  www.bng-carnota.org   esta mensaxe : Benvidos ao blog do BNG de Carnota! A través deste espazo dixital pretendemos dar conta das novas máis relevantes sucedidas no noso concello aos viciños e visitantes, e recoller as suxerencias, comentarios, opinións e críticas de todos aqueles que desexen axudarnos a crecer como organización, e a facer de Carnota un mellor lugar para todos e todas. Unha aperta afectuosa Daquela Internet estaba aínda moi lonxe de estar xa non en case todos os petos, senón na inmensa maioría dos fogares. Onde o había, a información alternativa consultábase en  Vieiros  e o máis social que existía eran os foros e as salas de chat. Nese contexto o BNG de Carnota necesitaba unha canle de comunicación coa veciñanza que estaba fóra, do mesmo xeito que A Moa , o noso voceiro local en papel...

Estes son os homes e as mulleres que formamos parte da candidatura do BNG de Carnota. Candidatura Ramón Noceda Caamaño (Moncho O Roxo). Lariño. Iván Franco Caamaño. Carnota. Belén Campos Díaz. Caldebarcos. Jorge Fiuza Barreiro. Sofán - Lira. Marupe Armendariz Villar. Canedo. Iago Maceiras Dosil. Lira. Lourdes Piñeiro Caamaño. O Pindo.  Fernando Siaba Espasandín (Nando). Louredo. Cecilia Caamaño García. Mallou. Agustín Lamela Caamaño. Lariño. Begoña Pérez Domínguez. Carnota. Suplentes Marisa Agulleiro Malvarez. San Mamede. Manuel González Costa. Quilmas. Fátima Dosil Caamaño. Lira. Cándido Caamaño Lado (Marcelino). O Pindo. Mª Manuela Núñez García. Lariño. David Añón Portela.Vilar de Carnota. Susana Riveiro Siaba. Louredo. Pedro Balayo Caamaño. Lira. Remedios Dosil González. Lira. Antón Federico Beiro Oreiro (Tono de Albela). Canedo Foto da candidatura do BNG - Asembleas Abertas de Carnota Composición con todos os membros da candidatura Alg...

O BNG de Carnota esgota a lexislatura 2011-2015 tal e como a comezou, cumprindo o seu compromiso de participación e transparencia na acción de goberno e que o levou a desenvolver unha trintena de Asembleas Veciñais e Sectoriais durante este mandato . Para iso, imos desenvolver ao longo deste mes unha última xeira de Asembleas Veciñais polas distintas localidades para dar conta da súa acción de goberno e tamén recoller as propostas veciñais ao novo programa que agardamos poder desenvolver entre os anos 2015-2019. Ademais, por primeira vez e de xeito pioneiro, vai a desenvolver unha Asemblea vía streaming dirixida á Carnota emigrada, é dicir, a toda a xente que sendo natural de Carnota tivo que sair a buscarse a vida polo mundo, pero seguen tendo moito que dicir. Asemblea veciñal: Non ao tanque de Gas Natural xunto ao Colexio de Carnota A veciñanza do núcleo no que se radica a Casa do Concello e boa parte dos servizos municipais terán a súa Asemblea Veciñal o xoves 16 de abril ás 17...

As mentiras de PP e PSOE, ao descuberto O PSOE tenta convencer á veciñanza de que este pleno  non existiu ( CC ) No pleno celebrado o pasado venres PSOE e PP votaron en contra de que o concello de Carnota se poida personar como acusación no xuízo que se segue no Tribunal Superior de Xustiza de Galicia por un presunto delito de prevaricación polo que están imputados José Oreiro, Marisol Piñeiro, Carlos Bousoño e Rosa Rama . Argumentaron, para xustificarse, que Ramón Noceda presentara a denuncia como alcalde de Carnota sen estar habilitado para iso polo pleno. Así o dicía o portavoz socialista, Suso Campos e o refrendaba coa súa posición o outro concelleiro socialista, Juan Manuel Saborido. Todo o pobo coñece a súa cantarea: “ O pleno que o habilita non existiu ” , “ É un pleno fantasma ”... Vamos explicar a situación: unha denuncia por prevaricación pode (e debe) presentala calquera persoa que vexa indicios dese delito, sexa Ramón Noceda ou calquera outra persoa. Agora ben, se...

Unha das Asembleas Abertas en Carnota Despois dun longo proceso participativo -que aínda continuará esta semana-, e de varias Asembleas Abertas, afrontamos a recta final da confección da candidatura BNG - Asembleas Abertas de Carnota , e que se anticipa totalmente renovada, xa que o 85% dos seus membros titulares, 8 de 11, serán caras novas, e dos que 7 nunca antes participaran en candidaturas no noso concello. Asi mesmo, o proceso de participación veciñal aberto en outubro de 2014 só se pode calificar como moi positivo, pois traducirase na incorporación de preto dun 40% de persoas que non militaron nunca no BNG nos postos titulares da lista, porcentaxe que se disparará entre as suplencias ao incorporar multitude de veciñas e veciños non adscritos politicamente mais que si quixeron dar un espaldarazo ao proxecto liderado por Moncho Noceda para o noso concello. Con este proceso, aínda inconcluso pois a lista definitiva non será aprobada ata o 11 de abril, o BNG quixo facer par...