BNG Carnota

No pleno municipal do día 13 de decembro de 2024 , o BNG de Carnota trasladou diferentes cuestións relacionadas coa xestión municipal, os servizos públicos, o patrimonio, o ensino e as actuacións previstas no litoral. Un dos asuntos abordados foi a preocupación polas queixas, falta de información e denuncias presentadas por parte da veciñanza pola corta indiscriminada de grandes masas forestais en terreos privados , realizada coa autorización do Concello e sen seguir os trámites correspondentes. O BNG amosou no pleno a súa preocupación por esta forma de actuar, pola ausencia de información clara á veciñanza afectada e pola necesidade de garantir que calquera intervención deste tipo respecte a normativa e os procedementos administrativos. Tamén se tratou a situación do CEIP de Carnota . O pleno aprobou por unanimidade unha moción de urxencia na que a ANPA apoia o informe do propio centro, no que se solicitan as reformas necesarias para o mellor funcionamento do colexio. O BNG lembrou...

O BNG de Carnota levou ao pleno municipal do 13 de decembro a súa preocupación por diferentes asuntos que afectan directamente á veciñanza e ao interese xeral do concello: a corta indiscriminada de grandes masas forestais, a situación do CEIP de Carnota e os termos do convenio de cesión da Casa do Mar de Lira. En primeiro lugar, o BNG amosou a súa preocupación polas queixas, a falta de información e as denuncias presentadas por parte da veciñanza en relación coa corta de grandes masas forestais en terreos privados, que se estaría realizando coa autorización do Concello mais sen seguir os trámites correspondentes. Para o BNG, calquera actuación deste tipo debe facerse con todas as garantías legais, ambientais e administrativas. A xestión do territorio non pode depender da improvisación nin da falta de transparencia. Cando existen queixas veciñais e denuncias, o Concello ten a obriga de informar, comprobar os feitos e garantir que se cumpren os procedementos estabelecidos. No mesmo pleno...

O BNG reclamou á Xunta de Galiza o reforzo de varios servizos médicos e a creación de novas especialidades no Hospital Público Comarcal Virxe da Xunqueira, en Cee. O deputado Oscar Insua presentou iniciativas no Parlamento galego para demandar máis medios nun hospital que atende a veciñanza da Costa da Morte e que continúa sen contar con servizos suficientes para garantir unha atención en igualdade de condicións co resto de Galiza. Entre as medidas reclamadas polo BNG está a creación dunha nova praza de psiquiatría para reducir as listas de agarda e mellorar a atención ás persoas usuarias. Tamén se demanda a recuperación do servizo de hospitalización a domicilio, HADO, dotándoo do persoal necesario para que funcionen as dúas unidades existentes hai un ano. O BNG reclama ademais un verdadeiro servizo de cardioloxía, coas prazas necesarias para que funcione as 24 horas do día e os 365 días do ano; unha quenda máis de diálise; e a ampliación do servizo de REA, sala de reanimación, á qu...

O BNG da Costa da Morte, a través do deputado Oscar Insua, presentou iniciativas no Parlamento galego para urxir á Xunta a convocar a liña de axudas ás entidades locais destinada á construción, reforma, reparación, adecuación ou mellora das instalacións deportivas de titularidade municipal. A formación nacionalista advirte de que moitas instalacións deportivas da comarca se atopan nun estado moi deficiente. O problema agrávase pola falta dun sistema de financiamento local actualizado, que leva máis de vinte anos sen reformarse, obrigando os concellos a depender doutras administracións para acometer investimentos. O BNG lembra que desde 2023 o goberno galego non volveu convocar estas axudas para mellorar instalacións municipais nin para adquirir material deportivo inventariábel. A organización sinala que este ano tivo que ser a Deputación da Coruña quen financiase obras como a renovación do complexo municipal de Cee, San Paio de Refoxos, ou o novo campo municipal de Vimianzo, Os Irma...

Máis dun cento de persoas participaron na homenaxe a Castelao organizada polo BNG de Carnota na Casa do Mar de Lira, nun acto celebrado o venres 24 de outubro dentro do Ano Castelao, con motivo do 75 aniversario do seu falecemento. O acto contou coa presenza da portavoz nacional do BNG, Ana Pontón, e de Primitivo Pedrosa . A presentación correu a cargo de Cristina Caamaño e varias persoas realizaron unha lectura pública de fragmentos de Sempre en Galiza , a obra fundamental de Castelao. A homenaxe tamén tivo unha parte musical, coa actuación da veciña Fátima Dosil, que interpretou o coñecido tema “Lela”. O acto rematou coa entoación do himno galego, acompañado polo gaiteiro Xosé Manuel. Na súa intervención, Ana Pontón destacou a pegada de Castelao no pensamento nacionalista galego e lembrou o seu papel na creación, en 1944, do Consello de Galiza, institución galega no exilio, polo que é recoñecido como primeiro presidente galego. Primitivo Pedrosa lembrou que Castelao celebrou un a...

O BNG da Costa da Morte cualificou como “nefastos e reiterativos” os orzamentos da Xunta de Galiza para 2026, ao entender que volven deixar a comarca sen os investimentos e servizos que precisa. A organización nacionalista considera que as contas presentadas polo goberno galego son “puro fume” e amosan unha falta total de compromiso coa Costa da Morte. Como exemplo, lembra que nos orzamentos de 2025 a Xunta incluíra 8 millóns de euros para a ampliación da autovía, sen que se executase nada durante o ano. Agora volve aparecer outra partida de 8 millóns, malia que o proxecto do corredor segue sen estar aprobado definitivamente. O BNG tamén denuncia a situación das obras para o servizo de tratamentos de quimioterapia no hospital comarcal, que tiña que estar funcionando en setembro e aínda continúa en obras. O responsábel comarcal, Xurxo Rodríguez Baña, definiu os orzamentos como “unha tomadura de pelo á Costa da Morte” e denunciou que o PP continúa sometendo a comarca a un trato discri...

O BNG da Costa da Morte amosou a súa satisfacción pola boa acollida das “Xornadas do Mar: Presente e futuro do mar na Costa da Morte”, celebradas no Salón do Bitácora, no Ézaro. As xornadas reuniron patróns maiores de confrarías, traballadores e traballadoras da pesca e do marisqueo, persoas expertas e representantes do BNG para analizar os principais problemas do sector na comarca e avanzar propostas de futuro. O encontro foi presentado por Bieito Lobeira, membro da Executiva Nacional do BNG; Rosana Pérez, deputada de Mar do BNG no Parlamento galego; e Xurxo Rodríguez, responsábel comarcal do BNG Costa da Morte. Segundo a organización, participaron máis de medio cento de persoas. O BNG destacou a dinámica positiva da xornada e sinalou que as persoas participantes pediron continuidade a este tipo de foros para seguir analizando a situación do mundo do mar e dos seus profesionais. Entre as conclusións, salientouse a necesidade de que a pesca e o marisqueo gañen representación real no...

No pleno do día 17 de outubro de 2025 , o BNG de Carnota fixou posición sobre varios asuntos de relevancia municipal: o destino do POS adicional, a suba das taxas do lixo, a delegación de competencias do pleno no alcalde para a investigación de bens de dominio público e outros datos de xestión económica coñecidos na sesión. Un dos puntos tratados foi a aprobación do POS adicional 4/25 . O BNG abstívose, unha vez máis, pola falta de diálogo do goberno municipal. Os 161.538,69 euros que lle corresponden a Carnota vanse utilizar integramente para gastos correntes , sen destinar nin un euro a obras , malia que no pleno anterior o alcalde recoñecera que existen moitas necesidades demandadas pola veciñanza. A preguntas do BNG sobre o destino destes cartos, o alcalde respondeu que se empregarán para pagar a débeda do lixo , que acumula xa case un ano de atraso no pago . No pleno coñeceuse tamén outra cifra concreta vinculada á xestión municipal do verán: 4.865 euros é o importe que, segun...

O pasado 2 de outubro presentou a súa renuncia como concelleiro do BNG o noso compañeiro Iván Franco Caamaño por motivos laborais e persoais que lle impiden realizar as tarefas relacionadas co cargo político que desempeñaba. Iván foi concelleiro e tenente de alcalde co goberno do BNG 2011-2019 onde realizou un traballo impecable e desinteresado sempre pensando no mellor para a veciñanza de Carnota. Traballo que continuou realizando na oposición desde o ano 2023. Dende o BNG de Carnota agradecemos a súa lealdade ca veciñanza de Carnota e co proxecto político do BNG de Carnota, seguindo o seu traballo como militante do BNG que é e seguirá sendo sempre a súa casa. A renuncia de Iván da entrada como concelleira a nosa compañeira Socorro González, incorporándose ao grupo municipal do BNG xunto con Moncho Noceda (portavoz municipal) e Belén Campos (concelleira). Graciñas Iván polo teu compromiso e noraboa a Socorro pola súa entrada no grupo municipal!

O BNG de Carnota presentou no Parlamento galego máis de 1.600 sinaturas recollidas entre a veciñanza para reclamar á Xunta de Galiza a restitución do servizo de pediatría no centro de saúde do concello. A entrega realizárona Primitivo Pedrosa , dirixente do BNG de Carnota, xunto co deputado nacionalista Oscar Insua e o responsábel local da formación, Nando Siaba. A reclamación central é que a Xunta provea de forma urxente a praza de pediatría cun profesional médico especialista e que restabeleza tamén o servizo de enfermaría pediátrica. O BNG sinala que desde hai máis dun ano as nais e pais veñen denunciando a falta do servizo médico de pediatría, sen que a Consellaría de Sanidade do Partido Popular cubrise a praza. A organización lembra que a enfermaría pediátrica atendía revisións de idade, curas e vacinas das crianzas en idade infantil. A falta de pediatra obriga as familias a desprazarse até Muros, onde, segundo denuncia o BNG, o servizo está tamén máis abandonado polo Sergas. ...

O BNG de Carnota denunciou a situación caótica que están a vivir as familias polo servizo de pediatría, tanto no noso concello como no de Muros, onde se presta atención para toda a comarca só tres días á semana: luns, mércores e venres, até as 12.00 horas. A organización nacionalista sinala que existe unha situación de desinformación que está a provocar desprazamentos inútiles e confusión entre as familias. Segundo denunciou o BNG, hai persoas usuarias que acoden con fillos ou fillas a Muros e alí son derivadas outra vez a Carnota. A situación agrávase nos casos de urxencia. Segundo indica o BNG, as crianzas de até 3 anos teñen que desprazarse a Mazaricos ou a Noia. Ao mesmo tempo, Carnota segue sen especialista pediátrico desde hai moitos meses, polo que as familias teñen que desprazarse a Muros, onde agora o servizo tamén está máis abandonado polo Sergas. Primitivo Pedrosa , dirixente do BNG de Carnota, reclamou á Xunta de Galiza o restabelecemento urxente e inmediato do servizo de...

Primitivo Pedrosa , mariñeiro e candidato á alcaldía do BNG Carnota nas vindeiras eleccións municipais, falou en Radio Nordés - Cadena SER sobre os recortes de fondos europeos para a pesca.  

O BNG da Costa da Morte reclamou á Xunta de Galiza rutas de autobús máis curtas e rápidas para conectar a Costa da Morte con Santiago de Compostela. A formación nacionalista sinala que a recente reorganización das rutas e horarios do transporte público non mellorou a situación da Costa da Morte. Ao contrario, segundo denuncia o BNG, a comarca quedou cun servizo peor e con conexións menos eficientes coa capital galega. O BNG criticou tamén a falta de información actualizada sobre os horarios e rutas. A organización cualificou de “auténtico despropósito informativo” a situación da web bus.gal, sinalando que non ofrece información veraz nin actualizada. Tamén denuncia que nas paradas non figuren os horarios oficiais dos autobuses, malia a instalación de novas marquesiñas. Oscar Insua resumiu a situación cunha comparación clara: hai 30 anos a viaxe en autobús a Compostela facíase por Santa Comba e duraba 2 horas e 45 minutos; hoxe, segundo denuncia, “lévanche por Noia e dura ata 3 horas”...

A Asemblea Local do BNG de Carnota ven de elixir novo candidato á alcaldía de Carnota por unanimidade: Primitivo Pedrosa.   Primitivo (Primi) é un veciño de Vilar de Carnota, fillo de María Rosa de González e de Primitivo, casado e cun fillo e unha filla. De profesión mariñeiro, patronea a súa embarcación de pesca artesanal Maria Rosa II, con base no porto de Muros.  Na actualidade tamén ostenta a representación dos armadores de pesca artesanal de baixura na Confraría de Pescadores de Muros, destacando pola súa labor incansábel, desde fai anos, a prol dos intereses dos traballadores e traballadoras do sector pesqueiro en distintas instancias, tanto a nivel autonómico, estatal e mesmo europeo, participando en distintos foros como experto no Parlamento Europeo e na Comisión Europea.   A nivel organizativo, Primitivo é membro da Comisión de Pesca do BNG e formou parte nas distintas candidaturas do BNG as eleccións, ás municipais do 2023, ao Parlamento Europeo, ao...

Despois de 99 días sen convocar un pleno ordinario , o Concello de Carnota volveu celebrar sesión plenaria o venres 8 de maio. Para o BNG, esta demora é unha mostra clara de como o gobeno local degrada a transparencia, o control democrático e a participación da veciñanza. O pleno municipal é o máximo órgano de representación política do Concello. Nel están representadas as persoas elixidas pola cidadanía e é o espazo no que deben debaterse os asuntos de maior importancia para Carnota: propostas, ordenanzas, orzamentos, preguntas, fiscalización do goberno e toma de decisións públicas. Cando non hai plenos, a veciñanza perde información, redúcese a capacidade de control sobre o goberno local, limítase a participación democrática e péchanse espazos fundamentais para coñecer, debater e propoñer. Por iso, desde o BNG de Carnota chamouse a asistir á sesión plenaria. A presenza da veciñanza nos plenos é unha ferramenta básica de transparencia: permite coñecer de primeira man que se decide,...

O deputado do Bloque Nacionalista Galego, Óscar Insua, presentou unha proposición non de lei na Comisión 5ª do Parlamento para exixir a recuperación inmediata dos servizos de pediatría e enfermaría pediátrica no centro de saúde de Carnota, que levan case un ano sen cobertura. A iniciativa, que foi rexeitada polo PP, pon de relevo a precarización sanitaria que sofren os veciños e veciñas deste concello e a falta de compromiso do Goberno galego coa sanidade pública.  Dende 2024, as familias de Carnota denuncian a ausencia dun pediatra fixo, obrigándoas a desprazarse a Muros para atención básica. A situación agravouse coa eliminación da enfermaría pediátrica en marzo, deixando sen revisións, vacinas ou curas específicas aos menores. A resposta da Consellería de Sanidade foi redirixir as consultas a médicos de atención primaria sen formación pediátrica específica, contravindo protocolos internacionais que exixen triaxe por especialistas. “Vostedes están desmantelado a sanidade para dic...

A veciñanza de Carnota protagonizou unha mobilización masiva para reclamar a recuperación do servizo de pediatría e de enfermaría pediátrica no centro de saúde. A concentración puxo de manifesto o cansazo das familias diante dunha situación que se arrastra desde hai case un ano. A falta de pediatría obriga a desprazamentos, dificulta o seguimento sanitario das crianzas e supón unha perda evidente de servizos públicos nun concello rural. O manifesto lido na mobilización lembrou que a veciñanza leva case un ano denunciando a falta de pediatría no centro de saúde de Carnota, unha situación agravada pola ausencia de enfermeiro pediátrico. Tamén advertiu de que a proposta de deixar a atención das crianzas maiores en mans dos médicos de cabeceira supón unha rebaixa da calidade asistencial e unha perda do dereito a unha atención especializada. ias denunciaron que esta situación é consecuencia de recortes, xubilacións sen reposición e falta de planificación. A demanda é clara: unha sanidade ...

O deputado do BNG da Costa da Morte , Oscar Insua, rexistrou varias iniciativas no Parlamento galego para reclamar á Xunta que teña en conta as demandas da ANPA do CEIP Plurilingüe de Carnota e realice os estudios e informes necesarios sobre as deficiencias estruturais no centro de ensino, así como que se executen as obras necesarias de forma inmediata. Oscar Insua, xunto a Primitivo Pedrosa , membro do Consello Local do BNG Carnota, reuníronse con representantes da ANPA do colexio de Carnota para coñecer de primeira man a problemática. A asociación de pais e nais do alumnado vén denunciando a situación penosa na que se atopa o centro, que precisa de reformas estruturais que debe resolver o goberno galego, e dirixiuse por carta ao conselleiro de Educación en decembro de 2024 dándolle traslado dun informe elaborado polo propio centro no que se recollen as necesidades máis urxentes. O BNG subliñou que en dito estudo relátase que o sistema de calefacción non funciona correctamente,  a...

O BNG da Costa da Morte , a través do deputado Oscar Insua, presentou iniciativas no Parlamento galego para reclamar ao Sergas que provea a praza de pediatría no centro de saúde de Carnota de forma urxente, cun profesional médico especialista, así como a restablecer o servizo de enfermería pediátrica. Desde hai case un ano, os pais e nais de Carnota veñen denunciando a falla do servizo médico de pediatría no municipio, sen que a día de hoxe se cubrira dita praza pola Consellaría de Sanidade do Partido Popular, que está compartida co concello de Muros e que acudía ao mesmo os luns, mércores e venres de 8:30h a 12:00 h.  Oscar Insua e o vicerresponsábel local do BNG de Carnota, Primitivo Pedrosa, acompañados doutros membros da formación nacionalista no municipio, reuníronse este xoves 20 de marzo con familias de Carnota afectadas, que insistiron en que a situación, lonxe de solucionarse, agravouse ao coñecerse a semana pasada un novo recorte nos servizos sanitarios, pois veñen de que...

O BNG de Carnota denunciou o desmantelamento do servizo de pediatría no municipio e esixiu á Xunta de Galiza o seu restabelecemento inmediato. A formación nacionalista sinala que as carencias neste servizo levan anos afectando as familias, obrigando nais e pais a desprazarse a outros concellos para recibir atención sanitaria pediátrica. Para o BNG, esta situación supón un novo recorte dos servizos públicos no rural e agrava a vida diaria da veciñanza, especialmente das familias con crianzas. A sanidade pública debe garantir unha atención próxima, estábel e de calidade, tamén nos concellos rurais. O BNG anunciou que apoiará todas as iniciativas encamiñadas a restaurar o servizo de pediatría no concello e que trasladará ao Parlamento galego as reclamacións necesarias para acadar este obxectivo.

A veciñanza de Cubelo viuse obrigada a custear do seu propio peto o arranxo dunha vía pública do lugar, cun custo duns 12.000 euros, despois das reiteradas peticións ao alcalde de Carnota e da negativa do goberno municipal alegando falta de cartos. O BNG de Carnota levou este asunto ao pleno a través do seu voceiro municipal, Ramón Noceda, para denunciar unha situación que considera inaceptábel: que a veciñanza teña que asumir directamente o custo dunha obra pública por falta de resposta do Concello. O grupo municipal nacionalista tamén puxo este caso en relación coa obra iniciada no Viso e derrubada pouco despois de comezar. Segundo denunciou o BNG, aquela actuación supuxo un gasto de 10.500 euros para as arcas municipais e a perda dunha subvención de 31.533,81 euros, unha cantidade moi próxima ao importe que precisaba a veciñanza de Cubelo. Para o BNG, este caso evidencia a falta de planificación e a improvisación do goberno local á hora de atender as necesidades reais dos lugares ...

O Partido Popular rexeitou no Parlamento galego a iniciativa do BNG para iniciar en 2025 o rescate da autovía AG-55, mantendo así a discriminación que sofren Bergantiños e a Costa da Morte. O BNG reclamaba que a Xunta de Galiza iniciase os trámites para facer efectivo o rescate da autovía A Coruña-Carballo e rematar coa peaxe que penaliza diariamente a milleiros de persoas que se desprazan por traballo, estudos, atención sanitaria ou necesidades familiares. A decisión do PP contrasta co acordo da Xunta de outubro de 2024 para recuperar a concesión doutras catro autoestradas con peaxe na sombra: Salnés, Barbanza, Ourense-Celanova e Santiago-Brión. Para o BNG, deixar fóra a AG-55 supón un agravio comparativo coa Costa da Morte e Bergantiños. Daniel Pérez cualificou esta situación como unha peaxe inxusta e inxustificada que lastra o desenvolvemento económico e social da zona. O BNG lembra ademais que a gratuidade da AG-55 é unha demanda histórica e que esta infraestrutura naceu inicia...