BNG Carnota

Edición nº 28 correspondente ao inverno do 2008 deste Voceiro local do BNG de Carnota, desta volta cunha sorpresa moi especial para alegrar eses tempos de invernía. Sumario: «Cámbiase traballador de Carnota por un de fóra, custe o que custe» O alcalde das disculpas e lamentos O PP acusa de crispar crispando As insólitas aventuras do Mariscal Nonarrasca Galescola «enterrada no monte» Centro Interxeneracional si, pero non Un por dous, dous; dous por dous, catro... Novas relacionadas A Moa nº 27 (verán do 2008) A Moa nº 26 (primavera do 2008) Ver todas as edicións dispoñíbeis

Se os seis primeiros meses desta lexislatura do PP de Carnota se caracterizaron pola perda de servizos fundamentais (Galescola, Escolas de Informática, Escola de Idiomas, redución do servizo de axuda a domicilio…), este último ano caracterizouse pola creación de novos impostos como os das taxas polos servizos administrativos (fotocopias, compulsas, certificacións…), o cobro do servizo de axuda a domicilio, etc. Isto debeuse a unha clarísima e absoluta falta de xestión do equipo de goberno do PP, motivada pola acción de goberno errática que está marcando a lexislatura. Pero ademais, outro factor que influiu extremadamente na crítica situación que vive o concello de Carnota foi a substitución de personal residente no noso municipio (e para cuxos salarios se dispoñian de axudas) por traballadores alleos contratados directamente, o que ademais aumentou moi significativamente os gastos municipais nese concepto. Para que vos fagades unha idea, estas son as cifras: CONTRATADOS PO...

A concelleira popular Marisol Piñeiro saíu recentemente á palestra para asegurar a Galescola que o PP atopou contratada ao chegar ao goberno de Carnota «estaba enterrada no monte, non vale», para xustificar así o rexeitamento do novo goberno municipal ao proxecto. Disque unha imaxe vale máis ca mil palabras, analisade logo a seguinte captura da zona prevista para a Galescola (en amarelo ): (En vermello, Centro de Saúde. En azul celeste, CEIP San Gregorio de Carnota. En violeta, Casa do Concello. En verde, pavillón polideportivo de Carnota). Ademais, recoñeceu que «temos o compromiso do vicepresidente (Quintana) de que en canto poñamos un sitio, farán o necesario para traer a Galescola». O que o PP non parece ter tan claro é a excusa para non ter ofrecido aínda ningunha ubicación alternativa (o que é fácil de explicar, pois o propio arquitecto municipal mantivo sempre que a aprobada é única alternativa viábel). Porén o PP segue fantaseando, en palabras da propia concelleira, co seu «es...

O alcalde acusou recentemente en varios medios ao BNG de crispar á poboación á raíz das numerosas queixas remitidas por veciños ao Valedor do Pobo por mor dos recibos do saneamento que levan recibindo desde fai meses sen contar en ningún caso con ese servizo. O BNG de Carnota quere desmarcarse das acusacións sen fundamento que se emitiron desde a alcaldía, pois como formación política non participou en ningún aspecto do procesamento das ditas queixas ao Valedor, se ben varias persoas vencelladas ao BNG si apoiaron a protesta, ao igual que outras moitas afíns ao PSOE ou ao PP. Tampouco o BNG deu difusión á iniciativa na súa web , no seu voceiro nin en ningún outro medio. Por iso non son comprensíbeis os ataques directos ao BNG como única resposta a unha protesta veciñal absolutamente lexítima. Capítulo aparte merece o feito de que algunhas das persoas que transmitiron esa queixa foran mentadas na prensa con nome e apelidos para tratar de demonizar e politizar esta protesta veciñal, po...

Non hai dúbida algunha de que nestes momentos estamos a atravesar unha crise económica a nivel internacional, nacional e por suposto que ten que ter os seus efectos a nivel local. Os efectos da crise son múltiples, pero onde principalmente se deixa sentir é a nivel de emprego. En Carnota ten unha incidencia especial o efecto que a caída da construcción ten tanto a nivel local como nacional, e polo tanto é un factor que fai que Carnota fora especialmente afectada e vulnerable pola presente crise económica, ao igual que todos os concellos da Galiza costeira. Sen embargo, hai un factor fundamental que tamén está a afectar a nivel local no afondamento da crise en Carnota: A ineficacia da administración pública local, e é neste apartado onde nos imos centrar para clarificar as responsabilidades que neste senso ten o actual goberno municipal do PP en Carnota. En primeiro lugar o goberno do PP de Carnota impediu que se executara a Galescola de Carnota , que xa estaba contratada. Por un lado i...

Un estudo realizado por Vicepresidencia e baseado en enquisas telefónicas a máis de 700 pais de nenas e nenos usuarios das Galescolas desvelou que o 90% se amosa satisfeito con esta iniciativa desenvolvida polo BNG e que xa conta con 210 centros en toda Galiza (92 deles construídos só nesta lexislatura), prestando cobertura actualmente a arredor dun millón de cidadáns da nosa nación, como concluíu outro estudo publicado recentemente. Os aspectos máis valorados polos familiares son os equipamentos, atencións e servizos prestados por estes centros, e a súa calidade en xeral. De feito, instalacións, confort e material son os factores que xeran un maior grao de satisfacción, e moi especialmente o lugar onde se ubican estes centros , que o 95,1% dos entrevistados cualifica de bo ou moi bo . Unha porcentaxe que supera o 90% avaliou tamén o bo funcionamento referido a información e matrícula, período de adaptación, funcionamento diario, resolución de problemas, atención personalizada e c...

Anxo Quintana vén de estrear o seu videoblog , un espazo no que comparte audiovisualmente momentos tanto da súa actividade institucional e política como da súa vida personal. Esta iniciativa é a primeira a nivel nacional e das primeiras no estado español (xunto co de Artur Mas de CIU). Máis que tratarse dunha web política ao uso, a iniciativa dá verdadeira relevancia ás opinións e críticas dos usuarios, seguindo os criterios de participación social que están a transformar a rede de redes a nivel mundial. De feito os visitantes xa poden comentar, compartir e descargar en alta calidade cada un dos clips e axiña enviar as súas propias reflexións en video.

O carballo añón ( Quercus Lusitanica , tamén coñecido como carballo anano ) conta cunha única poboación en Galiza radicada en apenas un quilómetro cadrado de Monte Pindo, dentro do triángulo que forman o Chan das Lamas, a Braña dos Aguillóns e o lugariño de San Cibrán. E agora vén de ser declarada especie protexida polo Observatorio da Biodiversidade, grazas aos esforzos da asociación ecoloxista ADEGA , que propuxo a catalogación desta especie en perigo e realizou tamén o seu inventariado. O Observatorio, presidido polo director xeral de Conservación da Natureza e integrado por expertos, universidades galegas, asociacións ecoloxistas e técnicos da Consellería, acordou por unanimidade a incorporación do carballo añón do Monte Pindo ao catálogo, para o que se tivo moi conta a súa singularidade. Acadado este importantísimo primeiro paso de cara á súa protección, agora ADEGA solicitará a declaración da área de distribución desta especie e do propio Monte Pindo como Monumento Natural, Pais...

Onte mesmo a Vicepresidencia da Igualdade e o Benestar (xestionada polo BNG) publicou un informe da situación dos nenos de 0-3 anos. Ata o 2005, logo de 16 anos de PP na Xunta, só un de cada dez nenos tiñan acceso a unha praza nunha gardería pública. Hoxe, só 3 anos despois, un de cada tres nenos galegos teñen acceso a esa praza. As prazas públicas pasaron de 6.595 a 10.909, nada menos que un 65,4% de incremento. En toda Galiza creáronse, nos mesmos anos, un total de 92 novas escolas infantís públicas, pasando de 118 en 2005 ás 210 existentes hoxe en día. De feito, a Rede Galega de Escolas Infantís deseñada polo BNG xa ten presencia en 35 comarcas, o que supón unha cobertura próxima ao millón de habitantes. Só no noso entorno Zas , Ponteceso e Boiro xa teñen a súa. E a previsión para o ano 2012 fálanos xa de 12.497 prazas. O PP non podía permitir que unha formación política sen ningunha experiencia de goberno na Xunta deixara en evidencia as súas miserias de 16 longos anos. Por is...

O goberno municipal de Carnota asegurou nun artigo publicado hoxe mesmo na prensa que a residencia de maiores prevista para Carnota polo anterior goberno municipal «non está entre as súas prioridades». No artigo recoñécese que a proposta chegara de man do candidato nacionalista no contexto das pasadas eleccións municipais, e coa que o propio vicepresidente da Xunta Anxo Quintana amosara o seu firme compromiso, mais que tras os comicios e co cambio de goberno municipal o proceso quedou «estancado» pois o actual executivo decidiu que non entraba nos seus plans (que logo de 17 meses aínda estamos por saber cales son). Aínda nos choca escoitar iso poucos meses despois de que o goberno municipal botara abaixo a Galescola contratada e puxera en tea de xuizo o Centro de Día xa en funcionamento co pretexto de que pretendía promover un «centro interxeneracional» (do que nunca máis soubemos) no que se agruparan os servizos sociais de Carnota, e nomeadamente gardería infantil, centro de dí...

A estas alturas xa nada nos sorprende. Todo é parte do mesmo. Somentes é cuestión de ter un pouco de memoria. No comenzo da nova lexislatura os médicos de Carnota deixaron de ser substituídos durante as súas vacacións . A excusa do PP é que non teñen competencias . En consecuencia, a pasividade do novo goberno municipal significou o peche durante semanas dos centros médicos de Lira e o Pindo e o saturamento do único servizo que quedou en funcionamento, o de Carnota. Co goberno anterior nunca se producira esta situación... casualidade . Pouco despois suprímense uns servizos pioneiros na comarca e que eran un privilexio para un concello das dimensións de Carnota: a Escola de Idiomas, as escolas deportivas e a Escola de Informática, polas que pasaron moitos centos de veciños de todas as idades. A excusa, que non eran escolas senón cursillos . A consecuencia, a perda duns servizos públicos de calidade , gratuitos para o veciño e case gratuitos para o Concello... casualidade . Logo o gob...

Non é a primeira vez que un veciño nos comenta entre risos que o retrato de Feijoó saúda a calquera veciño que entre ao despacho da tenente de alcalde/ alcaldesa en funcións , e loxicamente no BNG considerámolo unha broma sen maldade. Mais no día de onte a páxina oficial do concello de Carnota ilustrou unha nova cunha imaxe da sra. Piñeiro no seu despacho , e na que efectivamente se pode observar a dita fotografía do portavoz popular con toda claridade, acompañada pola propia concelleira no que parece ser un acto electoral do PP (pois aparecen na imaxe varios elementos de campaña). No BNG preguntámonos a que se debe, pois non nos consta que esa dependencia sexa o despacho particular da sra. Piñeiro, nin tampouco que o señor Feijoó ostente ningunha responsabilidade institucional en Carnota ou en Galiza, dito isto sen ánimo de ferir ningunha sensibilidade. Mais parecen quedar claras as preferencias do equipo de goberno de Carnota para saír na foto, persoas do seu partido aínda que non...

Esta páxina está pechada por cuestións técnicas e alleas á vontade do BNG, e consérvase para a súa consulta. O BNG de Carnota habilita este espazo para que poidas expresarnos libremente as túas queixas, dúbidas, suxerencias... Para facilitar a resolución da cuestión que nos plantexes será de moita utilidade que a redacción sexa clara e concisa. Se a túa mensaxe se dirixe a algún membro do noso grupo municipal síntete libre de plantexalo dese xeito no teu texto e faráselle chegar coa maior brevidade posíbel. Tamén dispós da opción de escribirnos un correo electrónico a carnota(arroba)bng-galiza.org. Agradeceríamos o ton constructivo das mensaxes, e que os debates, de estabelecérense, se desenvolvan co debido respecto mutuo a todas as posicións. Por outra parte lembrar que, como vén sendo habitual no espazo para comentar os artigos desta páxina, eliminaremos os comentarios inxuriosos dedicados a atacar a vida personal das persoas que participan na vida política de Carnota. Desex...

E estreamos un innovador xeito de ver e compartir en liña o noso voceiro local. Para iso, preme aquí . Le e difunde! *Fé de erratas: No artigo Paseo marítimo do Pindo: Manipulación popular figura erroneamente o dato de que o Paseo marítimo do Pindo supuxo un investimento de máis de 3 millóns de euros para o noso concello. Esa cifra refírese á totalidade de investimentos de Costas no noso concello, nos diversos proxectos que enumeramos no mesmo artigo. En realidade o Paseo marítimo do Pindo significou por si mesmo un investimento de arredor de un millón de euros.

Unha asociación de veciños de Caldebarcos que vén de restaurar un conxunto de muíños na localidade informou ao BNG de Carnota que o Concello, que non colaborou de ningún xeito coa iniciativa, si lles esixiu máis de medio millón das antigas pesetas co pretexto dunha suposta licenza de obras necesaria para esa intervención que a propia asociación de veciños emprendera altruistamente e co apoio da administración autonómica . Tan irracional medida subscitou o notábel enfado non só das persoas integradas na asociación, senón tamén o de moitos outros veciños de Caldebarcos que non se explican que un equipo de goberno elixido para defender e mellorar o seu pobo non só n on moveu un dedo para contribuír coa rehabilitación do precioso conxunto de muíños, senón que ademais multou deste xeito unha labor veciñal tan altruísta como positiva para o noso medio ambiente e mesmo para sectores produtivos coma o turismo. Por se isto fora pouco, inmediatamente despois de que a asociación se resignara a...

A futura Lei de Vivenda pecha a actividade normativa desenvolvida nestes tres anos pola Consellaría que dirixe a nacionalista Teresa Táboas. Trátase dunha rigorosa planificación lexislativa para acadar o obxectivo de garantir aos galegos e galegas o acceso a unha vivenda e que se traduciu en: A Lei de Medidas Urxentes en materia de vivenda e solo coa ampliación até o 40% da reserva de solo para vivenda protexida nos concellos de máis de 20.000 habitantes. A creación do Rexistro de demandantes de vivenda protexida para transparentar os procesos de adxudicación e garantir a igualdade de oportunidades. As Normas do Hábitat Galego, como aposta pola calidade das vivendas. O Plan Sectorial Galego de Solo Residencial para mobilizar 8,7 millóns de metros cadrados para 45.000 vivendas protexidas até 2017. Coa Lei de Vivenda o BNG pretende dar resposta aos problemas que sofren os galegos e galegas no acceso a unha vivenda: o acusado incremento do seu prezo, o limitado papel do mercado do alugue...

Só un ano despois de que o BNG de Carnota dera conseguido unha bandeira azul da que as praias do noso concello levaban tempo privadas, o novo goberno municipal xa perdeu este coñecido recoñecemento europeo á calidade dos areeiros. Galiza cedeu este ano o distintivo en 18 das súas praias, pese ao cal segue a ser un líder europeo en número de bandeiras azuis ondeando cada verán. Porén a situación en Carnota tórnase, unha vez máis, en dantesca grazas á actitude do equipo de goberno municipal e o seu non-alcalde José Oreiro. Na praia de Mar de Lira, durante o ano enteiro de vixencia da súa bandeira azul, a insignia non chegou sequera a pendurarse no mastro habilitado durante a anterior lexislatura a tal efecto. A causa desta situación inaudita foi que para facerse efectivo o distintivo a praia debía estar vixiada por un socorrista cualificado. Sobra dicir que non foi esa a aptitude "máis valorada" por este goberno, pois rexeitaron a principios do verán de 2007 a única candidata...

A situación que tanto advertimos e tanto nos temíamos desde hai un ano faise vergonzosa realidade de novo: o centro médico de Lira botou o peche un ano máis polas vacacións do seu facultativo, por segunda vez na súa historia. Nun ano enteiro, o goberno municipal non fixo absolutamente nada por tratar de buscarlle unha solución, e esta vez non poderán dicir que os colleron despistados. Ou tal vez si, pode que o esqueceran axiña porque a súa única reacción coñecida hai un ano foi tan só durante a vixencia do problema, ao día seguinte de reincorporarse os médicos das súas vacacións o problema xa non existía para o goberno municipal, o que da unha boa idea do seu xeito de actuar en xeral. Temos que lembrar que nos anos anteriores a ameaza desta situación foi permanente, pero grazas ao bo facer do daquela alcalde nacionalista Xosé Manuel García, que removiu ceo e terra para que os centros nunca pecharan, os veciños nin se enteraron do problema na maior parte dos casos. Neste caso, o centr...

O pasado mércores 18 de xuño de 2008 unha comisión do BNG de Carnota entrevistouse con Rafael Eimil, Xefe da Demarcación de Costas de Galicia, co obxecto de interesarse polos proxectos en materia medioambiental que abranguen o noso concello, e en especial sobre o estado do Paseo Marítimo do Pindo. Así confirmounos a contratación, xa en breve, do Paseo Marítimo de Portocubelo a Mar de Lira. A recuperación medioambiental do entorno do faro de Lariño e a recuperación medioambiental do sendeiro marítimo de Mallou-Maceiras están pendentes da resolución do Estudo de impacto ambiental, pero que confía en que antes dun ano serán resoltos. Todos estes proxectos, ao igual que o Paseo Marítimo do Pindo, foron xestionados polo anterior goberno local liderado polo BNG. A respecto do asunto central da entrevista, Eimil asegurou que o Paseo marítimo do Pindo estaba sendo executado de acordo co proxecto orixinal, se ben por "cuestións estéticas e adaptativas" se fixeran “pequenas modific...

As forzas políticas estatais continúan sen facer nada positivo para que se avance no estabelecimento de normas que impidan que o escándalo antidemocrático do voto dos residentes ausentes poda salpicar o normal desenvolvimento das próximas eleccións galegas. É o BNG quen está a promover en solitario o proceso de reforma. Non hai nengunha razón obxectiva para que a reforma non poda entrar en vigor antes da celebración dos comicios autonómicos. Hai unha proposta de modificación da lexislación electoral española apresentada en tempo e forma no Congreso dos Deputados polo Bloque Nacionalista Galego. PP e PSOE téñeno ben doado: abonda con que apoien esta proposta do BNG –ou poden alternativamente apresentar unha similar- para que dese xeito poidamos ir ao próximo proceso eleitoral con todas as garantías democráticas. Recentemente, concluíron os traballos da comisión de investigación aberta no seo do Parlamento Galego sobre o caso da axente eleitoral. A comisión saldouse cun balanzo positivo ...

O pasado luns 9 de xuño Encarna Otero Cepeda (directora xeral de Fomento e Calidade da Vivenda da Xunta) visitou Caldebarcos para entrevistarse coa empresa que vai comezar de inmediato coas obras do proxecto para a rehabilitación das casetas mariñeiras tradicionais de Caldebarcos, iniciativa promovida pola propia Consellaría de Vivenda e Solo xunto coa Confraría de Pescadores do Pindo e na que xa levan traballando varios meses . Encarna Otero manifestou que é obxetivo do seu departamento a recuperación e valorización do noso patrimonio mariñeiro, e que xa están traballando para a posta en marcha dun plano de rehabilitación integral da totalidade das casetas tradicionais de Carnota, en colaboración ca Consellaría de Pesca e mais coa Demarcación Xeral de Costas de Galiza. Á entrevista con Encarna Otero asistiron a secretaria da Confraría de Pescadores do Pindo e concelleira do BNG, Merche Diaz, os membros do goberno municipal Marisol Piñeiro e Santiago Brea, o presidente da Comunidade de...

Tan mínima foi a marxe da victoria do PP nas pasadas eleccións municipais, que só un ano despois o PP de Carnota perdería a maioría absoluta aínda que os resultados arroxados por unhas hipotéticas eleccións locais fosen idénticos aos conseguidos polas distintas forzas en maio do 2007. Nas pasadas municipais o BNG obtivo 863 votos, por 1589 do Partido Popular e 811 do Partido Socialista. Daquela, só as cábalas numéricas ás que da lugar a Lei d'Hont deron ao PP a maioría necesaria para conformar goberno, a pesar de ter bastantes menos votos que a suma de BNG e PSOE, formacións que ata aquela substentaran o goberno. O motivo deste cambio no equilibrio de forzas é que a día de hoxe o censo do concello de Carnota xa non chega aos cinco mil habitantes, polo que en lugar de disputárense 13 asentos na corporación municipal coma antes, pasarían a estar en xogo 11. E precisamente sería o PP o que cedería eses 2 escanos, polo que esta variación traduciríase en 5 concelleiros para o PP, 3 para...

Recentemente 8 alcaldes do PP (Antas do Ulla, Lousame, Vilamartín de Valdeorras, As Neves, Muíños, O Pino, O Rosal e Riós) participaran nunha rolda de prensa en que a cúpula do seu partido acusaba ao Consorcio de Servizos de Igualdade e Benestar de "chantaxe" e á Vicepresidencia, con Anxo Quintana á fronte, de "mafia siciliana". Poucos días despois, o propio Quintana remitiulles cadansúa misiva lamentando que se sentiran coaccionados á hora de asinar o convenio co Consorcio, dando por cancelado dito acordo e garantíndolles que os seus concellos voltarían de inmediato aos niveis actualizados de investimento en servizos sociais e educación infantil que os seus concellos percibían no ano 2005, co último goberno do Partido Popular. Pois ben, ao longo das semanas seguintes o vicepresidente foi recibindo sucesivas cartas de ata 5 deses alcaldes, que no desexo de continuar co convenio se foron desmarcando das graves acusacións formuladas polo seu propio partido, chegando ...

O debate sobre o sistema de financiamento autonómico é vital para entendermos o papel de Galiza no Estado español. Como nacionalistas, interésanos enormemente que se esclarezan os fluxos fiscais entre Galiza e o Estado. Non só non lle debemos ter medo ningún a esta cuestión, senón que a debemos suscitar abertamente. O nacionalismo tivo claro desde sempre –eis os traballos de Alexandre Bóveda durante a II República- que a fiscalidade era unha arma en mans do Estado para incrementar o noso grao de dependencia e furtar así toda posibilidade dun desenvolvimento autocentrado de ...

Hai poucos días o alcalde tivo a ben convocar un Pleno Extraordinario para onte, 12 de maio, ás dúas menos cuarto da tarde . Unha vez máis, recorre a horarios intempestivos anulando a posibilidade da asistencia veciñal e practicamente tamén a dos membros da oposición. Isto non sería de demasiada importancia, de non ser pola insubstancialidade dun pleno que tan de contado se resolveu como se demostrou que non tiña tanto apuro. A orde do día compúxose do seguinte xeito: Ratificación dos Orzamentos aprobados anteriormente polo goberno . O alcalde comunica a renuncia á súa dedicación exclusiva. Moción do PP contra a nova Lei do Hábitat . De todos estes puntos, consideramos que o único que podería xustificar a convocatoria dun verdadeiro Pleno Extraordinario sería a ratificación dos Orzamentos para o ano 2008 . Se un día antes de anunciar na prensa a renuncia á súa dedicación exclusiva non considerou importante comunicarllo á oposición no Pleno ordinario que ese día tivo lugar,...