BNG Carnota

Na madrugada de hoxe finou Antón Caamaño (Antón do Corenteno), a consecuencia dunha enfermidade dexenerativa. Antón militou no BNG desde sempre, chegando a ostentar o cargo de concelleiro nacionalista no Concello de Carnota durante varios anos, ademais dunha intensa actividade social e política (especialmente na Asemblea local do BNG de Carnota) durante toda a súa vida, da que adicou gran parte aos seus compañeiros e viciños, ata os seus derradeiros alentos. Antón, excelente compañeiro e amigo, nunca te esqueceremos!

A Asemblea Local do BNG de Carnota queda definitivamente convocada para o vindeiro sábado 21 de Outubro. A convocatoria foi efectuada por vía postal, a recibiredes en breve. Un saúdo.

Unha vez máis a lacra dos accidentes laborais golpea no corazón da nosa comarca. Os feitos producíronse na factoría Ferroatlántica de Cee, tras rexistrarse unha explosión nun dos seus fornos ás 21 horas do xoves, que se saldou con tres traballadores feridos por queimaduras, e que presuntamente se atopaban reparando unha avería no mesmo. Segundo as últimas informacións, o prognóstico dos tres traballadores é o de "moi grave". Desde o BNG de Carnota queremos manifestar toda a nosa solidariedade cos traballadores lesionados e as súas familias, e os nosos desexos que este tipo de accidentes non volvan a repetirse, instando ás autoridades competentes a facer cumprir dunha vez por todas coa lexislación en materia de seguranza laboral, despois da omisión/ocultación do gravísimo problema da precariedade en Galiza que o anterior governo da Xunta levou a cabo.

Na tardiña do pasado domingo 21 iniciouse un lume enriba de O Pindo. Pouco tempo despois alertouse dun foco preto do lugar de San Cibrán. A medianoite, un novo foco iniciouse nos montes de Lira. Tres días despois, O noso Concello está en boca de toda España, e novamente por outra desgraza que tingue de negro a nosa natureza, con lugares desaloxados, casas e cubertos calcinados e máis da metade da superficie forestal municipal absolutamente arrasada. De feito, de norte a sur, comezando pola mesma desembocadura do Xallas que da a benvida ao noso Concello ata o Ancoradoiro que da comezo ao colindate Concello de Muros, todo foi pasto das lapas excepto o tramo de monte entre Lira e San Mamede. Os focos sempre comezan xunto a pistas forestais, en lugares estratéxicos e de relativo difícil acceso, a entrada da noitiña -xusto cando os medios aéreos deixan de ser úteis-, cordinados e incluso valéndose dos ventos para cumprir cos seus davastadores obxectivos; o que ademais de facernos ver a inte...

Tralo sonoro retroceso do PP entre o seu "feudo ausente", as negociacións entre as dúas maiores forzas de progreso de Galiza parece que comezan a fructificar, de feito case con total seguridade podemos afirmar que imos ter cambio de goberno configurado por unha coalición socialista-nacionalista, e o que é máis importante, cambio de formas e de fondo. Mentres tanto, outros seguen ao seu, como se nada pasara: (...) En lugar de prepararse para una entrega fluida del aparato de gobierno (...) el Ejecutivo de Manuel Fraga parece empeñado en apurar hasta el final los privilegios del poder. (...) no ha habido apenas un día en que el Diario Oficial de Galicia haya dejado de anunciar apresuradas convocatorias de concursos públicos, adjudicaciones de contratos o nombramientos de funcionarios para puestos de responsabilidad (...) desde cuestiones tan perentorias como "el análisis económico de los usos del agua" hasta la concesión de licencias para nuevas cadenas de radio y tel...

Unha vez máis, e pese á ameaza da presencia de máis de cincocentas cámaras vixiando o entorno de colexios electorais da Galiza rural onde o PP adoita a facer gala das máis rastreiras artimañas para "roubar os votos". Na ligazón de abaixo atoparedes unha serie de comentarios publicados polos que aínda non deben comprender as reglas do xogo democrático que son unhas Eleccións. O primeiro mensaxe incluso fai as recomendacións oportunas para levar a cabo a "carretaxe" dunha forma "disimulada", sacándose da manga incluso que "vamos a intentar dejar a las personas que llevaremos a votar a más de doscientos metros del colegio electoral (en ese caso no es delito)", cousa que por certo é falsa. Hola me he enterado que el 19-J habrá doscientas cámaras gravando colegios electorales, sobre todo en el interior de las provincias de Lugo y de Ourense. A nosotros ya nos dieron órdenes de que tengamos mucho cuidado y creo que vamos a intentar dejar a las persona...

Á espera do que poida definir finalmente o "voto emigrante", o PP e Fraga acaban de perder dun xeito estrepitoso a maioría absoluta nas Eleicións Autonómicas, tras ceder cinco escanos. Nembargantes, o análise non pode resultar todo o satisfactoria para o BNG como chegaron a anticipar as enquisas a pé de urna, pois perdemos dun xeito difícilmente explicábel 4 escanos. Por outra parte, o voto útil deixa de ser útil en mans do PSOE, e o feito de que Zapatero gañara o governo central non pode en ningún caso condicionar o cambio en clave de País que a inmensa maioría dos galegos confesou desexar en vísporas das Eleicíóns, e moito menos o vai ser en mans do "útil" voto ao PP, útil para manter ao entramado de "amijiños" que sumiu xa durante anos ao PP na loita de poderes interna. Nós, pola nosa parte, debemos recoñecer a Anxo Quintana o indubidábel feito de converter a nosa opción en revelación da campaña e tamén ao feito de afianzar o novo liderazgo no BNG e apr...

Sábado 4 de xuño Encontro co sector dos mariscadores ás 12h na aula de cultura da Casa do Mar en Fisterra. Falarán: Bieito Lobeira Domínguez , candidato nº 2 por Pontevedra, e ex-deputado encargado de asuntos do mar. Mercedes Díaz Mayán , candidata nº 14, pola Costa da Morte, e secretaria da confraría do Pindo. Mitin ás 21h na Casa do Mar en Lira (Carnota). Presenta: Mario Maceiras, Responsable local de Galiza Nova Falarán: Xosé Manuel García Martínez , Alcalde de Carnota. Mercedes Díaz Mayán , candidata nº 14, pola Costa da Morte. Ánxela Bugallo Rodríguez , candidata nº 2. Domingo 5 de xuño Mitin ás 18h no CEIP de Vilarmide (Muxía). Presenta: Luisa Gerpe García , Responsable local de comunicación. Falarán: Manuel Antelo Pazos , candidato nº 11, pola Costa da Morte. Carlos Aymerich Cano , candidato nº 3 Mitin ás 20.30h na Casa de Pedra (Camariñas). Presenta: Luis M. Suárez Pérez , Responsable local de Camariñas. Falarán: Manuel Antelo Pazos , candidato nº 11, pola Costa da Morte. Carlo...

O candidato do BNG á presidencia da Xunta de Galiza nas vindeiras Eleicións Autonómicas do 19-X, Anxo Quintana, aproveitará a súa visita á Costa da Morte o vindeiro luns día 6 para achegarse ao noso Concello unha vez máis e coñecer un pouco máis a fondo os nosos sectores productivos. Ademais ás 20 horas deste sábado día 4 terá lugar un acto na Casa do Mar de Lira, para o que contaremos coa presenza da candidata nº 2 polo BNG pola provincia da Coruña Ánxela Bugallo . Intervirán tamén Serxio Sendón (responsábel comarcal de Galiza Nova), Manolo García (alcalde de Carnota) e Merche Díaz (concelleira e nº 14 da lista nacionalista ao Parlamento) . Esperamos que o acto sexa do voso interese para garantir unha boa presenza que aúpe ao que cremos máis valedeiro Presidente da Xunta cara aos duros días que lle esperan. Adiante Quin, Carnota está contigo! O Blog de Quin

Que razón teñen os guionistas dos guiñois de Canal + ao caracterizar a Manuel Fraga de Chiquito de la Calzada, en alusión ás súas críticas burlescas ás imaxes de Touriño nun ximnasio. Recentemente usou dunha forma esperpéntica un argumento que incomprensíbelmente o PPdeG esgrime como punta de lanza eleitoral sen a máis mínima vergonza ou recato: que se o PSOE chega á Xunta converterá a Galiza nunha "sucursal" de Madrid.Sí, señores e señoras, o mesmo presidente "pecador de la pradera" para o que Galiza non necesitou nada durante 8 anos de "goberno Aznar", agora de repente esixe a "débeda histórica diodenal", e di que "no puedo, no puedo" soportar o abandono de Zapatero para con Galiza. Pero agora este chiste de mal gusto aínda foi máis alá: Disque só o voto ao PP é bó para o noso país, porque o "fistro vaginal" de Touriño depende de Madrid e ¡¡¡¡ao BNG non lle interesa Galiza!!!! (Jaaaar, no puedo, no puedo...). Desde o BNG de ...

Hai que andar espantados ante a terríbel cruzada homófoba que se está desatando no Estado español. Xa de sempre lembramos as declaracións de Fraga ao respeito, normais vindo dun ex-dirixente da ultra-dereita fascista pero lamentábeis vindo do actual presidente de Galiza e incluso dos galegos que son homosexuais (por moito que lle pese). Tamén son ben coñecidas as posturas oficiais da Igrexa católica, para os que os homosexuais son "indignos da salvación".Pero a histórica aprobación da maioría dos partidos do Congreso da Lei pola que se aproba o matrimonio homosexual desatou unha ira anti-homosexual sen precedentes en democracia. As faccións da dereita máis fanáticas e reaccionarias (e que por desgracia recuperaron o control absoluto do PP en poucos anos) chaman á desobedencia dos alcaldes e edís para que se neguen a casar gais e lesbianas. Inmediatamente altos cargos populares quítanse a carauta erixíndose en homófobos convencidos, a prensa afín ao PP maniféstase de forma ver...

Xa está listo para descargar a Proposta de Regulamento do Funcionamento do Voceiro Local A Moa, un documento que pretende afianzar o noso voceiro local como unha edición democrática e participativa, áxil e de calidade, e mantendo en todo caso a maior representatividade posíbel dos pareceres da nosa Asemblea Local. O documento será apresentado na vindeira Asemblea Local e submetido a análise e aprobación da militancia, polo que quedades convidados mentres tanto a botarlle unha ollada e a mellorar os aspectos que consideredes oportuno. Podedes descargalo documento aquí ou ben na sección adicada ao Voceiro Local na columna da dereita. Comisión Elaboradora d'A Moa

As evidencias non se poden rebater por máis voltas que se lle queiran dar. O nacionalismo no estado español está directamente asociado ó desenvolvemento económico, social e cultural dos pobos que o compoñen. Hai alguén hoxe que cuestione que as sociedades máis avanzadas do estado español son a Catalana, a Vasca e a Madrileña. As dúas primeiras están directamente relacionadas cos denominados nacionalismos periféricos e a última está asociada ó nacionalismo centralista. Dito doutro xeito ¿podería desesnvolverse algúnha nación sen unha clara aposta por ela dos membros que a compoñen? Non deixemos escapar esta oportunidade. Somentes un goberno nacionalista forte é sinónimo de desenvolvemento económico, social e cultural. As propostas centralistas somentes se adican a marea-la perdiz para viver da esmola.

Como producto dos esmerados esforzos do Ministro de Defensa José Bono para imitar ao seu antecesor no cargo, a cidade da Coruña vive sumida nunha pura euforia belixerante e armamentística (é un dicir). O certo é que hai de todo, opinións para tódolos gustos desde logo, algunhas ao menos curiosas como La Voz de Galicia, que está a cubrir o esperpéntico feito como quen promociona un ameno parque de atraccións nos que disfrutar dos artiluxios máis divertidos; unha alternativa de lecer sana, para o tempo libre de toda a familia... En fin, como non podería ser doutro xeito, recomendamos aos responsábeis deste teatro dantesco a supresión inmediata do acto, que xa está a causar mobilizacións de protesta por Galiza adiante. Nota: Vede esta imaxe tomada por "La Voz de Galicia", na que se permite aos cativos brincar cos artiluxios de asasinar que utilizan os exércitos. O pé de foto de "La Voz" reza que: "El ejército ha desplegado todas sus armas e instrumentos para acerc...

A última enquisa realizada por Sondaxe sobre a intención de voto nas vindeiras Eleicións Galegas non deixan lugar a dúbida: O PP xa non revalidará a maioría absoluta, ao perder nada menos que 5 deputados e un 7% dos votos, co que se quedaría dous escanos por debaixo da maioría. Á vista destes resultados, só debemos reafirmarnos co noso compromiso firme de conseguir que sexa un presidente nacionalista o artífice do cambio tan desexado por miles de galegos. Porque só Anxo Quintana cumplirá con esa esperanza; polo contrario, dar o noso apoio indiferentemente a PP ou PSOE só significará hipotecar á nosa Terra catro anos máis baixo uns intereses alleos, ou o que é peor, permitir que siga sendo a moeda de cambio útil somentes para o "tira e afrouxa" que ZP e Rajoy manteñen en Madrid. En Carnota estamos convencidos que os galegos seremos quen para, dunha vez por todas, rachar cos tópicos e coa tendenza actual, para erixirnos en lexítimos defensores donoso país e do noso futuro. Porq...

A Convención Nacional Eleitoral celebrada hoxe ás 6 da tarde no Hotel Porta do Camiño de Compostela e durante a que o BNG presentou aos seus candidatos e as ideas forza do seu programa pulverizou todas as espectativas de asistencia. Xente a ateigar o recinto. Xente a ateigar os corredores. Xente a ateigar unha sala anexa ao salón principal, na que se findou por instalar unha pantalla de vídeo xigante. Deste xeito ficaron apresentadas en sociedade, nun acto aberto á participación cidadá, as candidaturas e o programa de Goberno do BNG. “Se despois do 19 de Xuño Fraga seguise a ser presidente, o cal é altamente improbábel, o que sucedería é que Galiza deixaría de ser Galiza”, replicou Quintana ás recentes declaracións do presidente do PP segundo as cais de gobernar o BNG España deixaría de ser España. Amplia a nova na páxina web do BNG

Infórmase e convócase a tódolos viciños de Carnota a xuntanza para o nomeamento da Comisión Xestora para a constitución da Asociación de Amigos dos Hórreos (nome provisional). A xuntanza terá lugar o día 17 de maio no Salón de Plenos do Concello de Carnota, ás 12:30 horas do mediodía, e á que foron convocados os partidos políticos con representación municipal, asociacións culturais e veciñais. En vindeiras datas daremos boa conta nestas páxinas do resultado de dita xuntanza, e do desenvolvemento do proceso constituinte desta iniciativa que desde o BNG de Carnota consideramos trascenental para o futuro do noso Concello, así como para o recoñecemento do patrimonio tradicional de toda Galiza.

convócase á militancia do BNG de Carnota, á asemblea local que terá lugar no Comba o vindeiro luns, 23, ás 20 h.

No último cónclave celebrado no mosteiro de San Estevo deron froito á publicación das Sagradas Escrituras dos PPs, e que vós, galegos, tendes o deber de aprender: 1. Ma+s Paro 2. Ma+s Emigración 3. Ma+s Caciquismo 4. Ma+s Enchufismo e amiguismo 5. Ma+s Prevaricacións 6. Ma+s Peaxes 7. Ma+s Restriccións lácteas 8. Ma+s Peche de caladoiros 9. Ma+s Control dos medios de comunicación 10. Ma+s Neglixencia na xestión dos problemas Amén

A amizade entre Fraga e Villar Mir ven xa dende moi atrás e que algunhas fontes sitúan no xurásico. É o de menos. Cada vez que o empresario ven a Galiza – en época electoral -, non dubida en darlle unha visita ó seu maior benefactor Fraga (a el débelle un incontable número de concesións hidroeléctricas, curiosamente algunhas delas son da última lexislatura), e froito desas xuntanzas xurden as máis insólitas propostas: Hai dúas lexislaturas anunciou a bombo e platillo a construcción dun novo forno para Ferroatlántica no concello de Dumbría coa creación de máis de 50 postos de traballo. Hai unha legxislatura volveu a reiterar o do forno e xa deixou vislumbrar a mellora do porto. E agora nesta legislatura xa abandonou o do forno e ven coa creación dun macroporto en Brens que lle vai solucionar os problemas a toda a comarca. Utilicemos a lóxica para analiza-la nova proposta : 1º A maior industria da Comarca (Ferroatlántica) está nun claro proceso de desfacerse da súa parte industrial e que...

Ferrol está de loito de novo polas desgraciada morte de catro traballadores de Navantia Ferrol, dos cais tres tiñan menos de 30 anos, que deixaron a súa vida prematuramente por intentar axudar a unha compañeira, que cometera o único "erro" de entrar antes de tempo a traballar na fragata F-311 Roald Amundsen, que se está a construír en Bazán. Fálase de descoido, de accidente, de neglixencia e fálla de control, ou de fuga de gases. A realidade é que a súa tarefa matutina consistía en limpar un minúsculo cubículo pechado, no que a concentración de osíxeno era dun 11%, e que en todo caso as mortes eran totalmente evitábeis. Unha vez máis, a precariedade laboral e a carencia dun emprego digno e galego desgrazadamente obriga a arriscar as vidas dos mozos galegos polo pan de cada día. Unha vez máis, a pregunta do millón: Ata cando? Mañán, ás doce da mañá, terá lugar na Praza de Armas de Ferrol unha concentración para manifestar a solidariedade cos traballadores falecidos e protesta...

Os datos son os que son, e cando ademáis quen os da é un organismo externo e interesado en que figure o máximo posible, e son aceptados tanto polo goberno da Comunidade Autónoma como polo Goberno do Estado, deben asumirse como certos: seguimos estando por debaixo do 75% do PIB medio comunitario por habitante, incluso incluindo as novas incorporacións do leste europeo. Dito doutro xeito, seguimos no vagón de cola da economía europea, e o que é peor, as perspectivas son as mismas de non hai un cambio.. Se facemos unha comparativa coas Comunidades de características similares á nosa como son o caso de Asturias, Cantabria e o País Vasco é obvio o superior desenvolvemento que teñen ditas Comunidades, pero se nos fixamos no resto das Comunidades do noso entorno como pode ser Castilla –León, curiosamente ten un desenvolvemento económico tamén moito mayor ó noso. Algo debe haber fallado nos últimos anos para que a famosa converxencia co noso entorno non se produza. Se analizamos polo miudo os ...

Xa está dispoñíbel un orixinal fondo de pantalla do BNG de Carnota, para saudar desde o teu ordenador a carreira do candidato do BNG Anxo Quintana á presidir a Xunta de Galiza. Galiza, ano 2005: Adiante Quin!

O pasado día 16 de abril membros da Iniciativa Lexislativa Popular para a protección, a conservación e a mellora dos ríos galegos achegaronse ao encoro do río Xallas en Carnota para manifestar o seu rexeitamento "á burla que supón que o único río de Europa que desemboca en fervenza no mar, o faga na actualidade por unhas tubarías", como declarou Xan Carlos Fernández, de ADEGA. Como parte do acto, tivo lugar a apertura simbólica das comportas do encoro. Ademais, os membros da promotora da iniciativa sacaron pancartas e esixiron o derrubamento do encoro, pois "é máis rendíbel cultural, social e turísticamente que a cantidade de watios que poida producirlle a unha empresa privada". Tamén aproveitaron para denunciar o cinismo das autoridades competentes, citando o feito de que a Xunta inaugurou a bombo e platillo a apertura da fervenza, pero que realmente acabou funcionando tan só unha hora diaria dos domingos do mes de agosto, ou o que é o mesmo, catro horas ao ano. Pe...

Publicamos integramente no blog do BNG de Carnota a entrevista feita onte 27 de abril polo medio de información dixital Vieiros ao candidato do BNG á presidencia da Xunta Anxo Quintana. É a primeira vez que se presenta como candidato á presidencia da Xunta e parte cunha boa valoración nas enquisas. Logo de pasar por unha das treboadas políticas que periodicamente azoutan o BNG, Anxo Quintana enfronta a cita electoral "co mellor ánimo", disposto a converterse no primeiro presidente nacionalista da historia de Galiza. Dous anticipos do que sería a súa acción política: o compromiso de presentar e consensuar un novo texto de Estatuto durante o primeiro ano de goberno e a urxente democratización dos medios públicos de comunicación. En que situación colleu ao BNG o adianto electoral? Co mellor ánimo. Hai tempo que tiñamos moitas ganas de ter a oportunidade de traballar para que haxa un presidente nacionalista en Galiza; sabemos que estas eleccións son unha oportunidade par...

O deputado do BNG Bieito Lobeira alertou o pasado día 14 dos perigos que suporía para a pesca o parque eólico marítimo que pretenden instalar nas augas de Carnota. Nas súas palabras: «A entrada en funcionamento deste complexo suporía un gran impacto medioambiental e provocaría a merma da riqueza pesqueira e marisqueira dun caladoiro moi sensible e rico». Ao respeito, ven de presentar unha iniciativa relativa á instalación de este tipo de recintos nas costas de Carnota. Para Lobeira, a Xunta debe posicionarse a favor dos sectores pesqueiros, polo que inquireu do governo autonómico únha postura clara a respeito da destructiva iniciativa planos construcción de parques eólicos marinos, si se ha elaborado algún informe sobre la incidencia de los mismos, y si se opondrá a su instalación. O alcalde Xosé Manuel García acompañou ao deputado durante a súa visita a Carnota, durante a que aproveitaría para advertir que a pretendida ubicación do complexo en Meixide é innegociábel: «Aderímonos e inv...

O xornalista da TVG Tino Santiago entrevistará este xoves 28 de abril (arredor das 9.45 horas) ao candidato do BNG á presidencia da Xunta, Anxo Quintana. A entrevista xirará arredor da actualidade política, marcada polo adiantamento eleitoral e pola inminencia do cambio galego que personifica Anxo Quintana. Malia isto seguimos reivindicando da Xunta un debate sério entre os principais candidatos ás vindeiras Eleicións Autonómicas, posibilidade que segue a ser boicoteada sistemáticamente por Fraga, instalado como sempre na descalificación permanente e no desprezo ao diálogo democrático e ás posturas discordantes. Señor Fraga, por que ten medo a debatir?

Desde o BNG de Carnota queremos facer eco das palabras do alcalde de Negreira nas que explica aos galegos os "sustanciosos" motivos polos que Fraga debe seguir governando a nosa Terra 4 anos máis. Sen desperdizo. José Blanco Pazos Alcalde de Negreira e teólogo BNG de Carnota

Xa está á vosa disposición a alternativa que o BNG ten elaborado a respeito do Plano Estratéxico de Infraestruturas e Transportes. Ver documento (PDF) Trátase do documento que a Xunta de Galiza debería ter feito e que, por distintas razóns (desde a incompetencia até o feito de ter ao conselleiro ocupado máis na guerra sucesoria que en xestionar os asuntos do seu departamento), non foi quen de facer. É un documento ben fundamentado do ponto de vista técnico e que pensamos fornece as chaves que debería guiar a política de infraestruturas que precisa este país. Tamén debedes saber que na web nacional se vai actualizar acotío a axenda do portavoz nacional e candidato á presidencia da Xunta de Galiza, Anxo Quintana, informando puntualmente de tódolos actos nos que vai participar.

O traballo político do noso portavoz nacional, Anxo Quintana, a favor da transparencia democrática e do direito dos cidadáns a seren verazmente informados comeza a dar os seus froitos. Así, o mércores 27 de Abril o programa informativo "Hora 25" da Cadea Ser, dirixido por Carlos Llamas, acollerá apartir das 22.00 horas un debate coas tres forzas políticas galegas, e ao que acodirá o noso candidato á presidencia da Xunta de Galiza, Anxo Quintana. Tivo que ser unha emisora privada e de ámbito estatal quen dera aos galegos a oportunidade de debatir

Quin mostrouse onte convencido de que "a candidatura mellor valorada pola cidadanía é a do BNG", no curso dunha breve entrevista con Iñaki Gabilondo, que podes escoitar na web da Ser . O líder do BNG afirmou que o que queren os galegos é ter un presidente "que fale de ti a ti ao presidente do Goberno español" e que "non faga como Fraga, que se agacha detrás do telón"."Fraga o que debería facer é permitir o debate e o intercambio de ideas, debería aceptar a proposta de debate que veño facendo. Non o fai, non a acepta, porque non está en condicións de gobernar", argumentou Quintana.

Desde fai un tempo, Anxo Quintana (candidato do BNG á presidencia da Xunta de Galiza) puxo á disposición dos galegos a iniciativa Fala con Quin 2005 : un enderezo electrónico ao que enviar os nosos comentarios, dúbidas e críticas, coa promesa de que o candidato nacionalista si responde. Desde aquí queremos animarvos a formular a Quin as vosas consultas aproveitando esta nova canle de comunicación co cidadán, iniciativa desde logo pioneira en Galiza. 

Desde Carnota, e para todolos galegos, apresentamos un traballo do que nos sentimos moi orgullosos: A páxina web Que é o BNG , na que vos apresentamos a tódolos cargos que compoñen o tecido interno do Bloque Nacionalista Galego, así como aos seus representantes nas institucións europea, estatal, nacional e até local, a través da súa imaxe e datos representativos. O enderezo é provisional, e de feito a páxina atópase en fase de probas. Por iso quedades convidados tanto a visitala páxina como para complementar a información que aínda nos falta, ou facer calquera comentario.

Citamos textualmente a pregunta de Paco Rodríguez, deputado do BNG nas Cortes Xerais do Estado, a respeito do famoso Parador de Turismo que supostamente se iba a edificar en Muxía, e que se nos vendeu aos concellos da Costa da Morte como "perla da coroa" dun Plano Galiza que xa en sí afrontaba dun xeito grotesco as consecuencias da maré negra para os nosos sectores pesqueiro e marisqueiro, e para o noso propio tecido económico, pero que aínda ve as súas promesas, compromisos e inversións reducidas dunha maneira sistemática. Data de entrada no Rexistro Xeral: 16 de febreiro de 2.005 Número de entrada: 42863 A LA MESA DEL CONGRESO DE LOS DIPUTADOS Francisco Rodríguez Sánchez, Diputado del GRUPO PARLAMENTARIO MIXTO (BNG), al amparo de lo dispuesto en el artículo 185 del Reglamento de la Cámara, presenta la siguiente pregunta para la que solicita respuesta por ESCRITO relativa al Parador de la Costa da Morte. Después de la reunión del Consejo de Ministros celebrado en el Palacio ...

Benvidos ao blog do BNG de Carnota ! A través deste espazo dixital pretendemos dar conta das novas máis relevantes sucedidas no noso concello aos viciños e visitantes, e recoller as suxerencias, comentarios, opinións e críticas de todos aqueles que desexen axudarnos a crecer como organización, e a facer de Carnota un mellor lugar para todos e todas. Unha aperta afectuosa http://bng-carnota.blogspot.com