BNG Carnota

O venres 5 de novembro celebrouse un Pleno Ordinario, onde un dos puntos da orde do día era a Solicitude de Prórroga do Convenio para a creación e mantemento dunha Galescola en Carnota. A obra da Galescola xa foi licitada e contratada á empresa EXOGA polo goberno anterior no mes de marzo , por un importe de 550.000 euros. Xa debería estar rematada e xustificada antes do 31 de decembro do presente ano . A ubicación da Galescola seleccionada polo concello e valorada positivamente pola Xunta foi a carón da pista polideportiva de Carnota, onde pasaría a formar parte do conxunto de institucións públicas xa existentes, formada polo Colexio Primario, o Centro de Saúde, a Casa do Concello e as propias instalacións deportivas municipais. A razón de que se solicite a prorrogación é por non térense iniciado sequera as obras da mesma, ou mellor dito, porque novo goberno local do PP non quixo subir o último escalón que faltaba para a creación da Galescola de Carnota, que era simplemente "d...

O portavoz do BNG de Carnota Tomás Freire vén de entrevistarse coa Delegada Provincial de Vicepresidencia, Tareixa Novo, a fin de coñecer a situación actual da Galescola de Carnota. Na conversa mantida soubemos que a escola infantil aprobada para o noso concello no mandato municipal anterior foi a oitava que se aprobou en toda a provincia da Coruña, non habendo ningunha outra nun entorno de 50 quilómetros. Tan importante logro para Carnota (e por suposto para a nosa comarca) debeuse á áxil e eficaz xestión do anterior alcalde Xosé Manuel García, ao poñer de inmediato a disposición da Vicepresidencia terreos que cumprían os requisitos. En consecuencia, a obra foi xestionada, licitada e contratada hai xa 5 meses pola empresa EXOGA por un importe de 550.000 euros, estando previsto o inicio das obras no presente ano. Distintos impedimentos por parte do Partido Popular de Carnota provocaron que aínda non se iniciasen as obras, e particularmente, o seu desacordo coa ubicación e tamén co feit...

Encarna Otero Cepeda naceu en Compostela hai 57 anos, e leva militando no nacionalismo desde os 20, cinco anos antes de licenciarse en Historia na Universidade de Tolouse-Le Mirail. Logo dunha vida adicada ao ensino, á nosa cultura (deixando tras de si un gran legado de obras publicadas) e ao noso País mediante a súa activa e fructífera participación no BNG, no ano 2005 entra no goberno galego para exercer como Directora Xeral de Fomento e Calidade da Vivenda, dependente da Consellería de Vivenda e Solo. En tan pouco tempo, o froito da súa actividade no goberno é moi salientábel, mesmo para un concello como Carnota: grazas ao seu esforzo personal, por fin poderemos ver cumprida a desexada recuperación do conxunto mariñeiro tradicional de Caldebarcos . Ademais, un dato que non moitos veciños coñecen: Encarna Otero pasou este ano o seu descanso estival no noso concello, concretamente no lugar de Portocubelo en Lira. No BNG de Carnota vimos mantendo unha comunicación fluída con Encarna de...

Da Orde do Día , moitos puntos eran simple información orgánica. Pero houbo varios puntos bastante polémicos, que pasamos a comentar: · Aprobación inicial da Ordenanza fiscal reguladora do Imposto sobre Bens Inmóbeis (IBI) (Punto 3 da Orde do Día) Cando vimos este punto na convocatoria do Pleno, botámonos literalmente as mans á cabeza: O concello pretendía incrementar o dito imposto en nada menos que un 37%, logo de anos manténdose no 0,4%. Como é lóxico, non perdemos tempo en facer público a través do noso portavoz local o noso rexeitamento a tan esaxerado e desmedido aumento deste imposto aos nosos veciños, que unha vez máis, volven a ser vítimas da peculiar percepción da economía municipal que ten o novo goberno. En declaracións aos medios de comunicación o día antes do pleno, Tomás Freire afirmou atinadamente que existen outras medidas para recadar diñeiro sen meterse en canto se ten a oportunidade nos petos dos veciños. A proba é que, efectivamente, o BNG herdou no 99 un Concello...

Hoxe ás 20:00 horas celebrarase unha sesión plenaria ordinaria no Salón de Plenos da Casa do Concello de Carnota, coa seguinte orde do día: Aprobación da acta anterior (13/09/07) Lectura das resolucións da alcaldía. Aprobación inicial da Ordenanza fiscal reguladora do Imposto sobre Bens Inmóbeis (IBI). Ratificación da resolución da alcaldía do 19/09/07 para unha operación de tesourería. Solicitude dun "Punto de Información Cadastral". Aprobación inicial da ordenanza fiscal reguladora da taxa pola prestación do servizo da rede de saneamento municipal . Solicitude do 24-04-07 de subvención para a redacción do PXOM . Lectura da resolución da alcaldía do 01/09/07 sobre a adxudicación dun contrato para o asesoramento e asistencia xurídica do Concello . Nomeamento dos representantes do Concello en Carnotavento . Rogos e preguntas. Como podedes imaxinar, o pleno vai ser moi movidiño, polo que rogamos encarecidamente a maior asistencia veciñal posíbel.

Despois de anos desta histórica reivindicación dos veciños de Caldebarcos, o seu singular enclave mariñeiro tradicional vai ser plenamente restaurado e o seu entorno adecentado neste ano. O proxecto, xestionado a tres bandas polo anterior goberno de Carnota, a Confrar ía de Pescadores do Pindo e a propi a Consellería de Vivenda (grazas á mediación directa da Directora Xeral Encarna Otero), cataloga o conxunto como patrimonio arquitectónico etnográfico, e contempla a súa restauración e protección do vandalismo e deterioramento ao que estaba submetido. As tarefas de rehabilitación serán financiadas plenamente pola Consellería de Vivenda cun orzamento algo inferior aos 83.000 euros, e acometerá a substitución das cubertas, estruturas e carpinterías e dos elementos non tradicionais, mellora do pavimento, saídas de augas residuais e a limpeza e encintado dos muros de pedra. Ademais, no entorno inmediato faranse tarefas de adecentamento, mediante o alumeado sen tendido...

O BNG vén de cumprir os 25 anos da súa fundación na I Asemblea de Riazor (A Coruña) no 1982, que significou o punto de partida deste proceso transformador da realidade galega que se chama Bloque Nacionalista Galego e que se veu culminado, no ano 2005, coa entrada do nacionalismo galego no goberno de Galiza. Con motivo das conmemoracións, tivo lugar o pasado sábado día 29 un acto no Frontón de Riazor (Coruña), no que participaron Anxo Quintana, Xosé Manuel Beiras, Francisco Rodríguez e Encarna Otero. Tamén houbo varias actividades culturais e musicais. Ver máis información: Convocatoria na páxina nacional do BNG. Reportaxe en GZnación sobre o contexto social e político que culminou na Asemblea Fundacional do BNG. Podedes ver todos os videos do acto na canle do BNG en Youtube Listado de referencias ao BNG neste seu 25 aniversario Artigo na web nacional do BNG Artigo de Xosé Manuel Pereiro en El País O BNG aproveita o seu 25 aniversario para lanzar unha mensaxe de unidade , artigo de ...

Antonte, día 13 de setembro, tivo no lugar na Casa do Concello de Carnota un "pleno" que non só tivo lugar ás 13:30 horas tal como temíamos, senón que se convocou fóra de tempo e forma: sen respeitar os prazos, sen poñer sobre aviso a varios concelleiros e convocándoo en grande medida a través da prensa. Esta total falta de organización (queremos ser ben pensados e atribuírllo á novatada), non só fixo case imposíbel a asistencia de público, senón que mesmo puxo en serios apuros a asistencia dos propios concelleiros. De feito, polo BNG só puido comparecer o noso portavoz Tomás Freire , e iso facendo un tremendo esforzo personal ao estar recén saído do hospital e en proceso de recuperación do grave accidente de tráfico no que se viu involucrado a finais do mes de agosto. Se non fora por ese xesto o BNG de Carnota non tería representación ningunha. Os puntos máis relevantes da orde do día foron a solicitude dun estudo exte...

Información de urxencia para todos os veciños que xa están a conectarse á rede de saneamento cunhas tarifas abusivas e non regulamentares. O venres 13 de xullo tivo lugar na Casa do Concello un Pleno extraordinario de urxencia -comunicado aos membros do BNG con tan só un día de antelación- no cal, entre outros puntos, estaba incluída a ordenanza que ía regular as taxas do saneamento municipal. Non só non se nos xustificou en ningún momento o porqué da urxencia deste punto na Orde do día, senón que a única argumentación que utilizou o novo alcalde foi que o documento submetido a valoración do Pleno era “exactamente igual” ao prego de condicións da concesión do Servizo de Saneamento que deixara acordado o goberno do BNG coa empresa concesionaria. E tiña razón, salvo nun "pequeno" detalle: no novo documento aparecera por arte de maxia unha nova taxa de enganche para cada veciño que oscila entre os 300 e os 400 euros, do que non había nin rastro no acor...

O goberno saínte, liderado daquela polo nacionalista Manolo García, deixou aprobada unha longa serie de investimentos para a mellora do noso concello por valor superior a cinco millóns e medio de euros. Todos eses investimentos atópanse xestionados, financiados mediante diversos entes e contratados, e a maioría delas xa están en execución nestes momentos, como pode ser o caso da Senda Verde, o Centro de Interpretación da Cabana, obras de saneamento e beirarrúas, etc. Só decidimos publicar neste listado as obras de maior importancia, malia existir outro conxunto de obras menores tamén contratadas polo goberno anterior e que están sendo executadas nesta nova lexislatura. Estas cifras son aproximadas e están redondeadas para a áxil lectura do texto. • Saneamento integral do noso municipio Obras da fase secundaria en Lira, Pedrafigueira e As Breas: 400.000 € (financiados pola Xunta) Obras da fase secundaria en Mallou e Vilar: 450.000 € (financiados polo Concello) • Obradoiro de em...

As administracións competentes (Deputación da Coruña, Xunta de Galiza e Goberno do estado) veñen de destinar arredor de 240.000 € para creación e equipamento de bases náuticas en varios concellos da Costa da Morte, entre eles Carnota, dentro do Plan de Dinamización Turística da Costa da Morte. A primeira medida consitiu xa na contratación de casetas para as respectivas bases náuticas, por valor aproximado de 40.000 €. Estas bases serán equipadas pola Deputación grazas a un investimento superior aos 200.000 € para a compra de equipos de buceo, táboas de windsurf, catamaráns, kaiaks e embarcacións semiríxidas que se comezarán a repartir nesta primeira quincena de setembro entre as novas bases náuticas dos concellos integrados no Plan de Dinamización, é dicir Carnota, Muros, Corcubión, Camariñas, Malpica, Ponteceso, Carballo e Laracha. Por outra parte, acabamos de saber que a Consellería de Pesca da Xunta de Galiza acaba de aprobar o proxecto "Desafío Portos Pesqueiros" deseñad...

Na noite de onte, o portavoz municipal do BNG e actual líder da oposición Tomás Freire sufriu unha severa colisión fronto-lateral con outro vehículo á altura de Esteiro, cando se dirixía ao seu fogar. A pesar da aparatosidade do accidente, que mesmo requeriu a intervención dos bombeiros para extraelo dos restos do seu automóbil, afortunadamente o noso compañeiro non sufriu maiores danos que unha fractura no fémur dunha perna e lixeiras contusións. Está prevista a súa intervención ao longo do día de hoxe, mais a súa situación está fóra da gravidade. Desde o BNG de Carnota, unha forte aperta e todo o noso ánimo ao noso compañeiro Tomás, coa firme seguridade de que axiña estará de novo ao noso lado. Sobrecolledora imaxe do vehículo de Tomás despois do i mpacto. Fonte: A Voz Lugar da colisión, na entrada de Esteiro

Só en catro concellos de todo o estado se está a producir actualmente unha situación coma a de Carnota, na que o alcalde se ve obrigado a delegar as súas funcións municipais durante parte da semana debido á súa acta de deputado no Congreso. Ademais do caso do popular José Oreiro en Carnota, dous alcaldes máis do PP atópanse na mesma situación: Ángeles Muñoz en Marbella, e José Folgado en Tres Cantos (Madrid). Os outros casos son Ana Oramas, de Coalición Canaria, rexedora en La Laguna (Tenerife), e Rosa Apolonio, do PSOE, en Montilla (Córdoba). Esta situación está a provocar unha polémica de certa repercusión pola peculiaridade de ser Marbella (125.000 habitantes) un dos municipios afectados. Xa diversas forzas políticas -incluíndo o PP- manifestaron as súas dúbidas sobre a ideonidade de que unha mesma persoa acapare os cargos de alcalde dun municipio e deputado na Cámara Baixa. As críticas do grupo popular chegaron logo de que o alcalde de Madrid, Ruíz Gallardón, anunciara estes días a...

O líder do PP e novo alcalde de Carnota José Oreiro sufriu onte unha severa caída polas escaleiras nunha cafetería de Carnota, coas lamentábeis consecuencias de fracturas múltiples, ademais dunha pequena conmoción cerebral. Desde o BNG de Carnota queremos manifestar o noso pesar por este desafortunado accidente, transmitirlle a José Oreiro o noso ánimo nestes momentos dificiles e desexarlle unha pronta recuperación e reincorporación á actividade política.

O PP, durante os oito anos que estivo na oposición, non se cansaba de dicir que o Concello de Carnota estaba arruinado. Durante a campaña un dos seus eixos principais foi dicir que o Concello estaba arruinado. E cando acadou á alcaldía, segueu co mesmo conto. A calquera que lle entra pola porta o primeiro que lle di é que o Concello de Carnota está arruinado. Di que está arruinado pero non di por qué, e é que as cifras non son o seu. Será que o Concello non ten cartos? O Goberno saínte deixoulle 147.000 euros montantes na caixa. Será que os proveedores non cobraban cunha relativa regularidade? Cando menos non deixamos xerada unha alarma de falta de pago como o PP deixou hai 8 anos. Será que o Concello ten unha cantidade de débedas que non poida asumir? O Consello de Contas de Galiza, que é o máximo órgano fiscalizador dos concellos, puxo ao Concello de Carnota como un dos exemplos galegos de boa xestión financieira, tal e como foi publicado na prensa . Tamén é curioso o feito de que no...

As primeiras andainas deste novo goberno municipal non podían ser máis desalentadoras. Como a maioría xa sabedes, dous centros médicos do noso concello (a Casa do Mar de Lira e o do Pindo) atopáronse coa obriga de cesar temporalmente a súa actividade debido ás respeitivas baixas dos seus facultativos. De feito, esta problemática víñase repetindo nos últimos anos, se ben as súas repercusións foron nulas en canto ao grao de atención médica que recibiron os nosos veciños, grazas ás atinadas xestións do daquela alcalde nacionalista Xosé Manuel García Martínez con todos os órgaos competentes. Este ano, a problemática habitual das gardas médicas acadou tintes críticos, derivando no cese de funcionamento da atención médica nas dúas localidades mencionadas, o que supuxo unha situación inaudita en canto aos servizos médicos dos veciños de Lira e O Pindo e o consecuente despilfarro de recursos da administración debido aos demais especialistas que si seguiron activos nese tempo pero carentes de c...

O pasado venres, a partir das 20:00h, tivo lugar no Salón de Actos do Concello de Carnota o segundo pleno desta lexislatura. Para sorpresa dos membros do BNG na corporación municipal e de moitos dos asistentes, ningún dos puntos da orde do día tratou a controvertida cuestión das gardas médicas, que mesmo fora motivo do primeiro bando municipal do novo goberno popular, e que dera lugar ao apoio do grupo do PP á concentración organizada por varios veciños ás portas do Centro Médico de Carnota, tan só un día antes do pleno. Porén, o pleno centrouse en cuestións orgánicas (como a aprobación das taxas do Saneamento) que non supoñían a priori demasiadas tensións entre o goberno e unha oposición sosegada que mesmo apoiou algúns puntos como a axuda pola natalidade. Sen embargo, isto non impediu que volvera a producirse a lamentábel actitude autoritaria do novo alcalde José Oreiro da que xa tivéramos varias mostras tanto no primeiro pleno como na toma de posesión, á que nese momento non déramos...

Visto o transcurrir dos feitos acontecidos durante os últimos días, desde o BNG de Carnota só nos cabe lamentar a redución dos servizos médicos en dúas das localidades máis poboadas do noso concello -Lira e O Pindo- ao non haber substitutos para cubrir as ausencias temporais dos facultativos de ambos os centros médicos e agravándose no caso desta última parroquia por levaren xa sen médico de cabeceira desde a derradeira semana de xuño. Esta carencia exténdese tamén ao Servizo de Pediatría. Esta situación é inaudita no noso concello, e prodúcese xusto nun dos peores momentos posíbeis pola chegada masiva de turistas estivais. Esta época particular, unido ao envellecemento da poboación residente e a gran dispersión existente, converte en crítica a día de hoxe a situación dos servizos médicos no noso concello. Hai poucos días puxémonos en contacto con Manolo García -rexedor nacionalista de Carnota ata maio, agora reincorporado ao seu emprego como doutor- e informounos de que a posibilidad...

O goberno nacionalista en funcións do concello de Carnota acaba de aprobar o proxecto de obradoiro de emprego municipal que suporá a contratación de case medio cento veciños desempregados e arredor de media ducia de persoas máis para actividades formativas. Precisamente, o programa non só procura contratar durante un ano a 45 persoas en situación de desemprego nunhas condicións dignas -sobre mil euros de salario con todas as garantías sociais e laborais-, senón o que é máis importante, aproveitar ese tempo para formalas en competencias con alta demanda laboral na nosa zona, como poden ser os profesionais da xardinería, canteiría, carpintería... e mesmo en novas profesións puxantes con saída laboral garantida no futuro como instaladores de enerxía solar fotovoltaica e térmica. Por outra parte, non podemos omitir a enorme incidencia que esta iniciativa vai ter para a mellora da calidade de vida de toda a veciñanza de Carnota, pois a actividade deste obradoiro de emprego desempregarase en...

Por primeira vez na historia, a praia de Mar de Lira obtén o prestixioso distintivo que a sitúa entre as praias máis recomendábeis de Europa . Á parte de supoñer un pulo ao desenvolvemento turístico do noso concello, a bandeira azul vén a recompensar os esforzos do goberno municipal saínte para facer da nosa costa un espazo apto para todos os cidadáns, dotando ás principais praias de rampas de acceso para minusválidos, zonas apartadas do tránsito rodado e de acceso exclusivo aos usuarios das praias, aparcadoiros retirábeis logo da época estival, espazos de lecer e práctica deportiva para cativos e maiores, numerosos roteiros de sendeirismo complementando o propio atractivo das praias, zonas arboradas, asadores e merendoiros, e por suposto servizos básicos como fontes e duchas en todas elas. De feito, precisamente o distintivo bandeira azul fai balanzo tanto dos valores naturais (salubridade do areeiro, calidade das augas, enclave paisaxístico e natural...) coma a gama de servizos públi...

Poucas horas logo de saberse os resultados das eleicións xa estaba en boca de todos os veciños o rumor de que Oreiro non chegará a ocupar a alcaldía de Carnota debido ao seu cargo no Congreso dos Deputados, delegando así as súas responsabilidades nalgún dos seus segundóns. Xa sabíamos que a seriedade non é precisamente unha das virtudes que caracterizan ao futuro rexedor de Carnota, pero que a estas alturas queira simular que se está cuestionando quen vai ocupala alcaldía é unha absoluta irracionalidade, que somentes pode respostar ás demandas da prensa rosa. O Sr. Oreiro, totalmente ninguneado incluso polos seus no Congreso de Deputados, quere facernos crer que ten "tanto protagonismo" en Madrid que dubida se volver para Carnota. Entendemos que non lle guste pasar á historia como o simple levantamáns que foi durante estes anos, con escasísimas intervencións de aínda máis escasa relevancia, e rara vez sequera vencelladas a Galiza, xa non dicimos a Carnota. Pero todo o mundo ...

A exposición " Nazón de Breogán, un xeito de soñar Galiza " xa pode visitarse na Casa do Concello de Carnota. Esta mostra, organizada por Vicepresidencia , pretende mergullar ao espectador na historia do noso País desde o ano 1936. A exposición ten carácter itinerante e xa percorreu outros dezanove concellos galegos recibindo arredor de nove mil visitas. [ Ler nova na Voz ]

Logo duns días de necesario descanso polo duro traballo realizado durante a campaña, o BNG de Carnota xa está a traballar para organizármonos na oposición tras a perda da alcaldía que tivo lugar tras a xornada eleitoral do pasado 27 de maio, quedando o goberno do noso concello en mans do popular José Oreiro, como sen dúbida xa sabedes. Foi esta unha campaña durante a que o BNG de Carnota fixo un esforzo humano e material sen precedentes, pero sempre centrados nunha actitude construtiva, didáctica, dialogante e tentando fuxir da acritude que desde certos sectores da vida política local se tratou de impoñer mesmo agresivamente. De feito, se algo percibiron os veciños que acudiron aos nosos mitins ou leron o noso material editado, foi a nosa idea de seguir avanzando no desenvolvemento dun municipio próximo á cidadanía e atento ás súas problemáticas, próspero economicamente, xerador de emprego e substentábel medioambiental e urbanisticamente. Presentamos un programa de proxectos consi...

Logo do mitin de peche de campaña do BNG que se celebrará hoxe ás 20:00h. na Casa do Mar de Lira, a cita para todos os nosos veciños será na Festa de fin de campaña que o BNG de Carnota organiza na lonxa do porto do Pindo. Sardiñada, queimada, teatro, música folk e rock, agasallos... e todo de balde para os veciños do noso concello que acudan a disfrutar da festa e apoiar ao noso candidato Tomás Freire nestas derradeiras horas dunha campaña eleitoral que o BNG centrou en falar das súas propostas e presentar ao noso novo candidato. Quedades todos convidados! E para que Carnota siga avanzando, vota Tomás, vota BNG!

Hoxe, entre as 11:30 e as 14:00 horas, tivo lugar na emisora comarcal Radio Nordés (Cadena SER) o debate político entre os tres novos candidatos á alcaldía de Carnota. A orde de intervencións estaba distribuída do seguinte xeito: primeiro o candidato do PSOE, Manuel Noceda, logo o candidato do Partido Popular, José Domingo Cipriano Oreiro, e por último o candidato do BNG á alcaldía de Carnota, Tomás Freire. Sen embargo esa orde viuse alterada en numerosas ocasións por mor dos turnos de réplica por alusións subscitados polo xefe da oposición carnotana José Oreiro polas súas intervencións centradas unicamente na crítica constante a labor efectuada pola coalición de goberno BNG-PSOE nestes últimos 8 anos. De feito, se algo deixou claro José Oreiro durante o debate foi que non contaba en absoluto cun programa de propostas para Carnota, o que tamén explica a súa descarada estratexia de tentar ancorar o debate en todo momento na crítica desaforada aos proxectos e programas dos que si dispoñe...

A falta de poucos días para o peche da campaña, podemos dicir que cada día recibimos máis mostras de apoio co noso proxecto e co noso candidato Tomás Freire , e que damos case por superada a situación de certo descoñecemento que si podíamos percibir hai uns poucos meses. Ademais, os mitins que levamos organizados ( O Pindo , Lariño , Carnota , San Mamede, Mallou...) están a demostrar moitísimo interese dos veciños polas propostas do BNG para as diferentes parroquias do noso concello, e tamén o compromiso de integrarse na dinámica de participación veciñal a todos os niveis que o BNG vai implantar se mantén o goberno do noso concello. Mesmo no eido de Internet, só nos dez días que levamos de campaña recibimos arredor de 2.500 visitas. As nosas propostas, que se adiantaran na última tirada do noso voceiro local A Moa e que xa se difundiron entre os veciños en forma de díptico-resumo do programa e programa extendido , están elaboradas cos pés no chan, desde unha perspectiva coñec...

O pasado xoves 17 tivo lugar o mitin do BNG na Casa do Concello de Carnota, que xa supón o terceiro no que vai de campaña. O acto foi presentado polo compañeiro Xosé Taxes (Pepe de Xan), ex-concelleiro do BNG de Carnota e hoxe en día Xuíz de Paz do noso concello respaldado pola unanimidade da corporación municipal. A primeira intervención chegou de man de Euloxio Franco, número 3 da candidatura e unha das caras novas dos postos de saída das listas do BNG tras a espectacular renovación efectuada pola formación nacionalista carnotana de cara a esta convocatoria eleitoral e ao que de seguro será o equipo de goberno de Carnota durante os vindeiros catro anos. Euloxio, valdeorrés de nacemento, casou cunha veciña do noso concello hai vinte anos e desde hai dous fixou a súa residencia definitiva na parroquia de Carnota, logo de anos na emigración coa súa familia. Camioneiro de profesión e aficionado á escultura con materiais reciclábeis, destacou desde a súa chegada pola súa total introdución...