Carnota volveu demostrar este 25 de novembro que a loita contra as violencias machistas tamén se constrúe desde os pobos, desde a organización social e desde o compromiso colectivo.
A mobilización impulsada por Sonlilá, co apoio do grupo de Acción Feminista do BNG do BNG, puxo voz a unha realidade que non pode ser silenciada: a violencia machista continúa condicionando a vida de milleiros de mulleres e crianzas, tamén na Galiza, tamén nos concellos pequenos, tamén nos espazos onde ás veces se pretende agochar baixo o silencio ou a falsa normalidade.
Desde o BNG de Carnota queremos recoñecer o traballo das mulleres organizadas, do movemento feminista e de todas as persoas que participaron nesta xornada de denuncia e reivindicación e que abandeiran esta loita todo o ano. A resposta fronte á violencia machista non pode limitarse a declaracións institucionais un día ao ano: precisa recursos públicos, educación en igualdade, prevención, protección efectiva e unha implicación real de todas as administracións.
Carnota ten que ser un concello seguro, libre e igualitario. Un concello no que ningunha muller vexa limitada a súa vida polo medo, pola violencia, pola dependencia económica ou pola falta de apoio institucional.
Comentarios
Publicar un comentario