Saltar ao contido principal

O PSOE fracasa no seu intento de sacar adiante uns salarios políticos que decepcionan á maioría da veciñanza

Novo goberno municipal do PSOE de Carnota (foto: La Voz de Galicia)

O alcalde de Carnota pasaría a ser o 2º rexedor da bisbarra que máis lle custa a cada veciño e veciña

O PSOE de Carnota non logrou no pleno municipal que tivo lugar o pasado xoves que prosperara a súa pretensión de incrementar ostensibelmente os salarios políticos do goberno de Carnota asi coma as indemnizacións por asistencias a Xuntas de Goberno e outros organismos.

O BNG lembra que a proposta do PSOE suporía multiplicar por 8 o custo das Xuntas de Goberno ás arcas municipais, aumentar case un terzo o salario do alcalde ata o máximo permitido por Lei tamén e duplicar as dedicacións exclusivas. A proposta foi observada desde o primeiro momento con incredulidade por parte da veciñanza e logo con decepción, pois non se ve xustificado convertir a Carnota no segundo concello da comarca (non o terceiro, como dixemos nun principio, pois supostamente o alcalde dumbriés José Manuel Pequeño xubilouse en nadal) no que cada veciña e veciño máis aboará ao seu alcalde.

De feito, unha enquisa feita nas nosas redes sociais Facebook e Twitter indica que a inmensa maioría da nosa veciñanza non ve con bos ollos o salario que pretendía o Moma; outra enquisa do Facebook Carnota A Coruña sinala que un altísimo volume de veciños e veciñas tampouco aprobaba a idea de duplicar as dedicacións exclusivas.

Incribelmente o alcalde, quen finalmente terá que rectificar esta proposta, afirmou hoxe na prensa que os enormes incrementos que pretendía atribuírse suporían «un descenso dun 10% dos salarios».

O BNG si apoiará unha proposta comedida e acorde co Plan de Axuste

O BNG reitera a súa intención de aprobar un soldo digno para o alcalde dun pobo digno, por unha contía coma a que viña percibindo ata agora o anterior alcalde, Moncho Noceda. Ademais non pode ser doutro xeito, pois lembramos que Carnota está sometida a un Plan de Axuste en vigor ata o 2023 que entre outras medidas limita os salarios do alcalde. Este plan foi no seu día aprobado co apoio do PSOE de Carnota.
Etiquetas:

Comentarios

Publicar un comentario

Publicacións populares deste blog

Toma a palabra!

Esta páxina está pechada por cuestións técnicas e alleas á vontade do BNG, e consérvase para a súa consulta. O BNG de Carnota habilita este espazo para que poidas expresarnos libremente as túas queixas, dúbidas, suxerencias... Para facilitar a resolución da cuestión que nos plantexes será de moita utilidade que a redacción sexa clara e concisa. Se a túa mensaxe se dirixe a algún membro do noso grupo municipal síntete libre de plantexalo dese xeito no teu texto e faráselle chegar coa maior brevidade posíbel. Tamén dispós da opción de escribirnos un correo electrónico a carnota(arroba)bng-galiza.org. Agradeceríamos o ton constructivo das mensaxes, e que os debates, de estabelecérense, se desenvolvan co debido respecto mutuo a todas as posicións. Por outra parte lembrar que, como vén sendo habitual no espazo para comentar os artigos desta páxina, eliminaremos os comentarios inxuriosos dedicados a atacar a vida personal das persoas que participan na vida política de Carnota. Desex...
209 comentarios
Ler máis

Acordo da Asemblea local do BNG de Carnota de 28/05/11

Dando cumprimento ao acordado polo conxunto da Asemblea Local do BNG de Carnota o pasado sábado 28 de maio, difundimos para o coñecemento de toda a veciñanza o documento que recolle a postura do BNG de Carnota a respecto do actual panorama político post-electoral no noso concello, despois de telo posto en coñecemento dos responsábeis do PSOE no día de onte. ACORDO DA ASEMBLEA LOCAL DO BNG DE CARNOTA Reunido o conxunto da militancia do BNG de Carnota en Asemblea Local, organismo convocado en tempo e forma e plenamente lexitimado para adoptar o seguinte acordo, pola unanimidade dos asistentes acordamos: Nas Eleccións Municipais do 22 de maio de 2011 o pobo de Carnota decantouse clara e maioritariamente por un cambio de goberno no Concello de Carnota. Os candidatos á alcaldía do BNG e do PSOE manifestaron en público e en privado o compromiso de, no caso de non se producir unha maioría absoluta, outorgar o seu voto na sesión de investidura aos candidatos da lista que, entre elas, obti...
188 comentarios
Ler máis

O novo alcalde de Carnota cobrará a metade que o anterior; en conxunto, os soldos políticos descenden un 82%

Evolución dos salarios de carácter político en Carnota entre os anos 2007 e 2011 Só unha semana despois de acceder ao goberno municipal de Carnota o BNG puido cumprir cunha das propostas clave  do seu programa e tamén dar cumprimento a unha das súas principais reivindicacións durante catro anos liderando a oposición carnotá: a redución drástica dos gastos de carácter político, que co PP só no 2010 ascenderon a case 190.000 euros  incluíndo retribucións, dietas e seguridade social de dous concelleiros con dedicación exclusiva e unha liberada política. Xa na presentación da candidatura asi como no seu programa electoral o BNG de Carnota anunciou que, no caso de obter o suficiente respaldo veciñal o 22 de maio, outorgaría unha única dedicación exclusiva, a do alcalde, nunca superior aos 2.000 euros brutos . Dito e feito: No pleno desta fin de semana, no que se trataron as dedicacións e o reparto das áreas de traballo, a corporación municipal aprobou (coa abstención do PP)...
91 comentarios
Ler máis