Saltar ao contido principal

Un compromiso definitivo co desenvolvemento local

Xa está en poder do goberno municipal de Carnota e de todos os cidadáns interesados o paquete de conclusións do profundo estudo da Consultoría Europea Devalar.

Neste importante documento encadrado dentro da Axenda 21 Local estúdanse unha ampla serie de medidores da actividade do Concello e dos seus habitantes, poñéndoos en relación cunha profunda análise de situación e tamén achegando un amplo paquete de medidas para o desenvolvemento integral das potencialidades do noso concello sempre desde un profundo respeto polo seu medio ambiente e desde o desenvolvemento substentábel.

O completo estudo xira en torno a catro eixos fundamentais, divididos cada un en varios puntos nos que se estudan a situación, se marcan uns obxectivos concretos e finalmente se achega unha extensa serie de medidas para mellorar ese aspecto do noso desenvolvemento no futuro.

Eixo 1: Desenvolvemento Económico e emprego

1: Promoción da produción agraria sostible e dos produtos artesáns de calidade
2: Aproveitamento integral do monte
3: Explotación sostible dos recursos mariños
4: Integración mar-industria
5: Valorización de experiencias exitosas: a Cofradía de Lira
6: Capitalización da denominación Costa da Morte
7: Valorización da experiencia adquirida en traballo téxtil
8: Mellora da oferta turística: cara un turismo sostíbel
9: Dinamización do comercio e sector terciario local

Eixo 2: Calidade de vida

10: Promoción do transporte colectivo
11: Mellora da mobilidade
12: Preservación do patrimonio e a cultura local
13: Fomento da sociedade da información

Eixo 3: Preservación do medio ambiente e eficacia ambiental

14: Preservación dos espazos naturais de excepcional valor
15: Autosuficiencia enerxética
16: Educación ambiental
17: Xestión de residuos: Peche do ciclo dos recursos
18: A Auga

Eixo 4: Igualdade de oportunidades

Programa 19: Fomento dos espazos de participación social das mulleres
Programa 20: Promoción da igualdade no acceso ao mercado laboral
Programa 21: Atención e mellora da calidade de vida dos maiores

A aprobación deste documento en Pleno da corporación municipal suporía non só a aceptación destas liñas estratexias no momento político actual, senón o compromiso firme de todas as forzas políticas co seu cumprimento independentemente dos ventos políticos que sopren no futuro.

Desde o BNG de Carnota recibimos esta boa nova con entusiasmo e confiamos en que o documento (dispoñíbel para descargar nesta páxina) será aprobado en breve pola totalidade dos membros da corporación municipal.
Etiquetas:

Comentarios

Publicar un comentario

Publicacións populares deste blog

Toma a palabra!

Esta páxina está pechada por cuestións técnicas e alleas á vontade do BNG, e consérvase para a súa consulta. O BNG de Carnota habilita este espazo para que poidas expresarnos libremente as túas queixas, dúbidas, suxerencias... Para facilitar a resolución da cuestión que nos plantexes será de moita utilidade que a redacción sexa clara e concisa. Se a túa mensaxe se dirixe a algún membro do noso grupo municipal síntete libre de plantexalo dese xeito no teu texto e faráselle chegar coa maior brevidade posíbel. Tamén dispós da opción de escribirnos un correo electrónico a carnota(arroba)bng-galiza.org. Agradeceríamos o ton constructivo das mensaxes, e que os debates, de estabelecérense, se desenvolvan co debido respecto mutuo a todas as posicións. Por outra parte lembrar que, como vén sendo habitual no espazo para comentar os artigos desta páxina, eliminaremos os comentarios inxuriosos dedicados a atacar a vida personal das persoas que participan na vida política de Carnota. Desex...
209 comentarios
Ler máis

Acordo da Asemblea local do BNG de Carnota de 28/05/11

Dando cumprimento ao acordado polo conxunto da Asemblea Local do BNG de Carnota o pasado sábado 28 de maio, difundimos para o coñecemento de toda a veciñanza o documento que recolle a postura do BNG de Carnota a respecto do actual panorama político post-electoral no noso concello, despois de telo posto en coñecemento dos responsábeis do PSOE no día de onte. ACORDO DA ASEMBLEA LOCAL DO BNG DE CARNOTA Reunido o conxunto da militancia do BNG de Carnota en Asemblea Local, organismo convocado en tempo e forma e plenamente lexitimado para adoptar o seguinte acordo, pola unanimidade dos asistentes acordamos: Nas Eleccións Municipais do 22 de maio de 2011 o pobo de Carnota decantouse clara e maioritariamente por un cambio de goberno no Concello de Carnota. Os candidatos á alcaldía do BNG e do PSOE manifestaron en público e en privado o compromiso de, no caso de non se producir unha maioría absoluta, outorgar o seu voto na sesión de investidura aos candidatos da lista que, entre elas, obti...
188 comentarios
Ler máis

O novo alcalde de Carnota cobrará a metade que o anterior; en conxunto, os soldos políticos descenden un 82%

Evolución dos salarios de carácter político en Carnota entre os anos 2007 e 2011 Só unha semana despois de acceder ao goberno municipal de Carnota o BNG puido cumprir cunha das propostas clave  do seu programa e tamén dar cumprimento a unha das súas principais reivindicacións durante catro anos liderando a oposición carnotá: a redución drástica dos gastos de carácter político, que co PP só no 2010 ascenderon a case 190.000 euros  incluíndo retribucións, dietas e seguridade social de dous concelleiros con dedicación exclusiva e unha liberada política. Xa na presentación da candidatura asi como no seu programa electoral o BNG de Carnota anunciou que, no caso de obter o suficiente respaldo veciñal o 22 de maio, outorgaría unha única dedicación exclusiva, a do alcalde, nunca superior aos 2.000 euros brutos . Dito e feito: No pleno desta fin de semana, no que se trataron as dedicacións e o reparto das áreas de traballo, a corporación municipal aprobou (coa abstención do PP)...
91 comentarios
Ler máis