O saneamento non é unha obra menor nin unha mellora secundaria. É unha infraestrutura esencial para garantir calidade de vida, saúde pública, protección ambiental e igualdade entre os distintos lugares do concello. Que núcleos como Parada e O Pindo continúen sen avances neste ámbito amosa a necesidade dunha planificación máis seria e dunha defensa máis firme das prioridades veciñais.
Desde o BNG de Carnota consideramos que os fondos provinciais deben empregarse con criterios de equilibrio territorial, atendendo as necesidades reais das parroquias e dos lugares que levan anos agardando por servizos básicos.
O Concello debe explicar con claridade por que estas actuacións quedaron fóra, que alternativas se prevén e en que prazos se pensa dar resposta a estas demandas. A veciñanza afectada merece información, compromisos concretos e solucións, non anuncios que despois non se materializan.
O BNG seguirá reclamando que o saneamento avance en todo o concello e que os investimentos públicos sirvan para corrixir déficits históricos, non para prolongalos.
Comentarios
Publicar un comentario