Segundo a información publicada polo BNG de Carnota, o POS 2026 distribúese en dúas grandes partidas: a substitución do céspede do campo de fútbol de Lombáns, cun investimento de 234.166,79 euros, e unha partida de 266.921,44 euros destinada a gastos correntes.
A distribución deixa máis da metade do POS destinada a gasto corrente, fronte a unha única obra concreta incluída no plan. O BNG vén advertindo da necesidade de que o Concello conte cunha planificación clara das obras, con prioridades definidas e con criterios de equilibrio territorial.
O POS é unha das principais ferramentas de investimento municipal para concellos como Carnota. Por iso debe servir para atender necesidades reais, mellorar servizos públicos, actuar nas parroquias e resolver déficits pendentes.
A veciñanza ten dereito a coñecer con claridade a que se destinan os fondos, que actuacións quedan fóra e cal é o criterio político e técnico seguido polo goberno municipal á hora de configurar o plan.
Comentarios
Publicar un comentario