Desde o BNG de Carnota denunciamos que esta modificación volve evidenciar un problema de fondo: o Concello non conta cun plan de obras propio, claro e pactado, que ordene as prioridades do municipio e dea resposta equilibrada ás necesidades das parroquias e lugares.
Coa modificación aprobada polo goberno local, o POS quedaría distribuído do seguinte xeito:
Obras do POS:
- Lira, saneamento: 113.053,10 euros.
- Lariño, recollida de augas: 65.513,41 euros.
- O Viso, aseos públicos: 31.533,81 euros.
- Gastos correntes: 115.000 euros.
Plan adicional:
- Lombáns, galería no campo de fútbol: 79.408,43 euros.
- Quilmas, reparación de pista: 44.360,99 euros.
- Gastos correntes: 162.093,81 euros.
En conxunto, o plan queda con 333.839,65 euros destinados a obras e 277.093,81 euros destinados a gastos correntes.
Para o BNG, esta maneira de actuar non é a adecuada. O POS debe servir para atender necesidades reais, corrixir déficits históricos e planificar investimentos útiles para a veciñanza. Cando se modifican actuacións sen diálogo coa oposición e sen unha planificación municipal propia, o resultado é unha política de obras improvisada e pouco transparente.
Parada e O Pindo volven quedar sen actuacións de saneamento, mentres o Concello incrementa a parte destinada a gasto corrente. O BNG considera necesario explicar con claridade os criterios desta modificación, os motivos polos que se eliminan esas actuacións e cal é a alternativa prevista para garantir servizos básicos nos lugares afectados.
Carnota precisa planificación, diálogo e prioridades claras. O POS non pode funcionar como unha ferramenta de corrección improvisada das contas municipais, senón como un instrumento para mellorar os servizos e infraestruturas do concello.
Comentarios
Publicar un comentario