natural de Poole, unha cidade costeira sita ao sur de Inglaterra. De feito é a primeira vez, que saibamos, que unha persoa non orixinaria de Galiza se presenta ás Eleccións Municipais en Carnota.
A súa paixón por viaxar, ensinar e os deportes acuáticos (sobre todo o surf) levouna a coñecer Galiza, elixindo para afincarse coa súa familia o porto de Quilmas, onde atopou axiña o seu lugar. Neste breve pero intenso tempo Nicola puxo en marcha a fermosa iniciativa Sea Change Experience que combina experiencia turística e inmersión lingüistica; é dicir, aprender inglés ao tempo que se coñece Carnota e Galiza. Tan rápida foi a súa integración en Quilmas e O Pindo que xa participa na asociación empresarial carnotá ACEP, e mesmo protagonizou o xa famoso video turístico de Carnota "O Legado", papel que lle viña ao dedo pois a historia que se narra no video é moi parecida á súa, a dunha familia que chega a Carnota a pasar un tempo mais que acaba facendo dela o seu fogar.
Por todo o que significa o exemplo de que unha persoa de fóra aposte por Carnota para fixar o seu lugar de residencia e traballo nuns tempos nos que a fixación poboacional é máis necesaria que nunca, cremos que esas persoas teñen moito que decir a respecto da vida política do municipio. Porque Carnota tamén é súa.
Comentarios
Publicar un comentario