Unhas mil cincocentas persoas chegadas de todos os puntos do Concello e da comarca ateigou está tarde a explanada do peirao de Portocubelo para expresar a súa solidariedade con Manuel Antonio Martínez Lustres e a súa familia e esixirlle ao goberno español o indulto para que o seu ingreso en prisión, que se prevé inminente, finalmente non chegue a producirse.
Neste día o protagonismo foi enteiramente da familia, de quen exerciu a portavocía no acto Miguel de Lira, familiar do veciño condeado, e do sector, que estivo representado polos patróns maiores de confrarías de Lira, O Pindo, Camelle ou Ribeira, ademais dos actuais presidentes das Federacións galega e coruñesa. Todos eles recibiron o cariño e apoio dun pobo absolutamente volcado coa causa de Manuel que saiu masivamente á rúa a pesar do mal tempo.
Desde o BNG de Carnota queremos trasladar novamente tanto a Manuel coma á súa familia, e poñernos á súa enteira disposición para o que precisen, como fixemos desde o primeiro momento. Agardamos que coa sensibilización social iniciada logremos mellorar a difícil situación que atravesa.
Nese sentido, a iniciativa presentada polo BNG no Parlamento para que solicite ao goberno o indulto de Manuel sumáronse tamén ás do PP, PSOE e Marea, co cal a súa aprobación prevese segura.
Comentarios
Publicar un comentario