O pleno de Carnota decide este venres se o Concello será acusación particular nas imputacións do ex-goberno
José Oreiro e Marisol Piñeiro están imputados por prevaricar na contratación cando gobernaban Carnota
A Corporación do Concello de Carnota decidirá en Pleno este venres 10 de abril ás 20:00h, se a entidade municipal será acusación particular no proceso que o TSXG instrúe contra os máximos responsábeis do anterior goberno de Carnota do Partido Popular, o ex-alcalde José Oreiro, a ex-tenente de alcalde e actual deputada autonómica polo PP Marisol Piñeiro, xunto co secretario municipal Carlos Bousoño, todos eles imputados desde o 2013 por suposta prevaricación na contratación durante a anterior lexislatura, unhas actuacións polas que a fiscalía xa aprezaba hai un ano "indicios racionais de criminalidade". Debemos lembrar que se ben a denuncia se dirixía inicialmente só contra o ex-alcalde -e suposto novo candidato- do PP José Oreiro, foi el mesmo quen culpou dos feitos á súa nº 2 Marisol Piñeiro, que rematou imputada ante o TSXG por ser deputada e por tanto aforada.
Este acordo debe ser legalmente adoptado polo Pleno, ao que non poderán asistir os imputados -que manteñen a súa acta de concelleiros do PP- por seren parte directamente interesada no resultado da votación. Porén cremos que pola trascendencia do punto único da Orde do Día é necesario un chamamento á participación veciñal, que teñen dereito a estar informados dos asuntos que ocupan a vida diaria dos seus representantes políticos, e máis, coma é o caso, cando o que se están esclarecendo son supostos feitos delictivos (contratacións sen igualdade, concurso nin publicidade) que perxudicaron non só ao erario público senón ao conxunto da veciñanza.
O Bloque Nacionalista Galego xa adianta o voto favorable do seu Grupo Municipal para que o Concello de Carnota poida defender directamente e sen intermediarios os intereses da súa veciñanza, e para que o Tribunal Superior chegue ata o final á hora de esclarecer actuacións presuntamente ilegais que poderían acarrear a inhabilitación dos imputados. Porén queda por saber que posición adoptarán PP e PSOE.
A Corporación do Concello de Carnota decidirá en Pleno este venres 10 de abril ás 20:00h, se a entidade municipal será acusación particular no proceso que o TSXG instrúe contra os máximos responsábeis do anterior goberno de Carnota do Partido Popular, o ex-alcalde José Oreiro, a ex-tenente de alcalde e actual deputada autonómica polo PP Marisol Piñeiro, xunto co secretario municipal Carlos Bousoño, todos eles imputados desde o 2013 por suposta prevaricación na contratación durante a anterior lexislatura, unhas actuacións polas que a fiscalía xa aprezaba hai un ano "indicios racionais de criminalidade". Debemos lembrar que se ben a denuncia se dirixía inicialmente só contra o ex-alcalde -e suposto novo candidato- do PP José Oreiro, foi el mesmo quen culpou dos feitos á súa nº 2 Marisol Piñeiro, que rematou imputada ante o TSXG por ser deputada e por tanto aforada.Este acordo debe ser legalmente adoptado polo Pleno, ao que non poderán asistir os imputados -que manteñen a súa acta de concelleiros do PP- por seren parte directamente interesada no resultado da votación. Porén cremos que pola trascendencia do punto único da Orde do Día é necesario un chamamento á participación veciñal, que teñen dereito a estar informados dos asuntos que ocupan a vida diaria dos seus representantes políticos, e máis, coma é o caso, cando o que se están esclarecendo son supostos feitos delictivos (contratacións sen igualdade, concurso nin publicidade) que perxudicaron non só ao erario público senón ao conxunto da veciñanza.
O Bloque Nacionalista Galego xa adianta o voto favorable do seu Grupo Municipal para que o Concello de Carnota poida defender directamente e sen intermediarios os intereses da súa veciñanza, e para que o Tribunal Superior chegue ata o final á hora de esclarecer actuacións presuntamente ilegais que poderían acarrear a inhabilitación dos imputados. Porén queda por saber que posición adoptarán PP e PSOE.
Comentarios
Publicar un comentario