BNG Carnota

O BNG de Carnota puxo en reparto un novo número de A Moa , o boletín local da organización nacionalista. Nesta ocasión, o reparto comezou pola Montaña, achegando á veciñanza información, análise e contidos propios sobre a actualidade municipal e política de Carnota. A Moa é unha ferramenta de comunicación directa coa veciñanza, pensada para informar, render contas e trasladar propostas fóra da inmediatez das redes sociais. Nun tempo no que boa parte da comunicación política queda reducida a mensaxes rápidas, o boletín permite explicar con máis calma os asuntos municipais, as denuncias do BNG, as propostas e a posición da organización sobre os temas que afectan ao concello. Desde o BNG de Carnota convidamos a veciñanza a ler, comentar e compartir este novo número. A información municipal debe estar ao alcance de todas e todos, tamén en papel, lugar a lugar e casa a casa.

O BNG reclamou melloras nos controis de biotoxinas que afectan á extracción de solénidos, como a navalla e o longueirón, unha cuestión de importancia directa para o sector do mar tamén no Pindo e Carnota. Na actualidade, a zona de control divídese en dúas subzonas e realízanse dous controis analíticos semanais. Cando aparece un resultado positivo, paralízase toda a extracción durante sete días, sen análises intermedias que permitan reabrir antes se a situación mellora. adou o BNG, o sector propón crear máis subzonas, incluíndo ámbitos como o Pindo ou Carnota, e realizar análises diarios cando haxa un positivo, até que os resultados volvan ser negativos. A finalidade é evitar peches prolongados e xeneralizados que prexudican a actividade extractiva sen atender suficientemente á realidade de cada zona. ecta un sector relevante: arredor de 50 mergulladores en 16 embarcacións. En 2025 facturáronse 3,3 millóns de euros, con 153.000 quilos de navalla e 163.000 quilos de longueirón. que a X...

No pleno do Concello de Carnota do día 8 de maio de 2026 foi aprobada por unanimidade a moción presentada polo BNG para esixir ao goberno da Xunta de Galiza a gratuidade da autovía AG-55 . A iniciativa reclama que a AG-55 deixe de estar sometida a peaxe e pase a ser unha vía gratuíta para a veciñanza. Trátase dunha demanda de gran importancia para Carnota e para o conxunto da Costa da Morte, xa que esta autovía é unha infraestrutura básica para os desprazamentos por motivos laborais, sanitarios, educativos, administrativos e familiares. Desde o BNG defendemos que non é xusto que a veciñanza da comarca teña que seguir pagando por unha vía esencial para a súa mobilidade diaria. A peaxe da AG-55 supón unha carga económica engadida para milleiros de persoas e constitúe unha discriminación territorial que afecta directamente á Costa da Morte. A aprobación unánime desta moción no pleno de Carnota expresa unha posición clara da corporación municipal: a gratuidade da AG-55 é unha reivindi...

O BNG de Carnota denuncia o progresivo desmantelamento do servizo sanitario no municipio, logo da decisión da Xunta de Galiza de eliminar as consultas médicas que viñan desenvolvéndose os sábados pola mañá no centro de saúde de Carnota. Primitivo Pedrosa lembra que esta nova perda de servizos súmase á ausencia de pediatra, unha situación que leva arredor de dous anos obrigando as familias de Carnota a desprazarse até Muros para que as súas crianzas poidan ser atendidas por unha especialista. A decisión da Consellaría de Sanidade de deixar sen servizo o centro médico os sábados pola mañá enmárcase nos cambios decididos polo Goberno galego para os Puntos de Atención Continuada, PAC, definidos nun “decretazo” que agrava a situación do sistema sanitario público. Estas medidas implican cambios nos horarios de atención e o peche de centros de saúde que até o de agora abrían os sábados. No caso de Carnota, isto obrigará a moitas persoas usuarias a desprazarse a outros puntos asistenciais ...

O pleno do Concello de Carnota aprobou por unanimidade unha moción para reclamar á Xunta de Galiza a recuperación do servizo de pediatría no centro de saúde. A iniciativa partiu do BNG, mais foi asumida polo conxunto da corporación municipal como unha demanda común diante dunha situación que afecta directamente ás familias do concello. A perda deste servizo obriga as nais e pais a desprazarse fóra de Carnota para recibir atención pediátrica, convertendo un dereito básico nun problema engadido para a vida diaria da veciñanza. A moción reclama á Xunta que restitúa a atención pediátrica e poña fin ao deterioro progresivo dos servizos sanitarios no rural. A pediatría non é un luxo nin unha prestación secundaria: é un servizo esencial para garantir igualdade, saúde pública e calidade de vida ás crianzas e ás súas familias. A aprobación unánime da moción amosa que a recuperación da pediatría é unha demanda compartida polo conxunto da sociedade carnotá. De feito, a mobilización veciñal arr...

O BNG denunciou que a Xunta de Galiza continúa sen convocar, por terceiro ano consecutivo, a liña de axudas para a mellora, rehabilitación e construción de instalacións deportivas municipais. O deputado Oscar Insua levou esta cuestión ao Parlamento galego e criticou que o Partido Popular votase en contra dunha iniciativa para recuperar estas axudas. Segundo denunciou, a Xunta substitúe unha convocatoria pública e regulada por convenios discrecionais, que acaban beneficiando sobre todo concellos gobernados polo PP.  Entre as instalacións citadas polo BNG figura o campo de Lombáns, que precisa reformas nos vestiarios. Insua lembrou que o auxe do fútbol feminino fai máis urxente adaptar unhas instalacións que en moitos casos quedaron obsoletas e non responden ás necesidades actuais dos clubs, das xogadoras e dos equipos. deporte municipal é tamén un servizo público. As instalacións deportivas son espazos de saúde, convivencia, actividade social e participación da mocidade. Por iso, ...

No pleno do día 30 de xaneiro tratouse o POS 2026, Plan de Obras e Servizos da Deputación da Coruña, cun importe total de 501.088,23 euros para o Concello de Carnota. Segundo a información publicada polo BNG de Carnota, o POS 2026 distribúese en dúas grandes partidas: a substitución do céspede do campo de fútbol de Lombáns, cun investimento de 234.166,79 euros , e unha partida de 266.921,44 euros destinada a gastos correntes. A distribución deixa máis da metade do POS destinada a gasto corrente, fronte a unha única obra concreta incluída no plan. O BNG vén advertindo da necesidade de que o Concello conte cunha planificación clara das obras, con prioridades definidas e con criterios de equilibrio territorial. O POS é unha das principais ferramentas de investimento municipal para concellos como Carnota. Por iso debe servir para atender necesidades reais, mellorar servizos públicos, actuar nas parroquias e resolver déficits pendentes. A veciñanza ten dereito a coñecer con claridade ...