BNG Carnota

O BNG de Carnota quere agradecer a confianza de todas as persoas que apoiaron a candidatura nacionalista nas eleccións municipais do 28 de maio. Os resultados confirman a continuidade da actual etapa política no Concello de Carnota. O BNG continuará traballando desde a oposición municipal con responsabilidade, firmeza e compromiso co conxunto da veciñanza, defendendo os servizos públicos, a participación veciñal, o coidado do territorio e unha maneira diferente de entender a política local. A nosa organización seguirá sendo útil para Carnota, fiscalizando a acción do goberno municipal, levando ao Pleno as demandas reais das parroquias e propoñendo alternativas fronte á falta de planificación, a improvisación e o abandono de cuestións fundamentais para o futuro do concello. Carnota precisa diálogo institucional, transparencia, defensa do público e proxectos que dean resposta ás necesidades cotiás da veciñanza. Esa seguirá sendo a nosa prioridade. O BNG mantén intacto o seu compromiso co...

O BNG de Carnota lanza o seu mítico voceiro local A Moa , revista decana da comunicación política en Carnota que suma a 38ª edición en máis de 27 anos de traxectoria. Este número evidentemente céntrase na próxima cita coas Eleccións Municipais, cuxa campaña electoral comeza esta noite. Contidos: A experiencia ao servizo da veciñanza A nosa candidatura Lembras cando en Carnota...? O noso programa Sabías que... 40 anos da chegada do BNG á alcaldía de Carnota Entrevista ao candidato 4 anos na oposición Entrevista a Ana Pontón

O pleno do Concello de Carnota aprobou por unanimidade unha moción presentada polo BNG para reclamar medidas que garantan unha vida digna e sen desigualdades na Costa da Morte. A iniciativa recolle demandas fundamentais para o futuro da comarca. Entre elas, o remate da autovía da Costa da Morte e a súa conexión co Porto de Brens e co Polígono Industrial de Vimianzo, tal e como estaba previsto inicialmente. Para o BNG, mellorar as comunicacións é imprescindíbel para favorecer a actividade económica, facilitar os desprazamentos diarios e rematar co illamento que padecen moitos concellos da comarca. A moción tamén reclama a eliminación das peaxes da autovía Carballo-A Coruña. A veciñanza da Costa da Morte non pode seguir pagando unha penalización económica por desprazarse a traballar, estudar, recibir atención sanitaria ou acceder a servizos básicos. Outro dos puntos aprobados demanda un verdadeiro plan de transporte público para a comarca, cunha nova planificación das conexións, mellores...

No pleno do Concello de Carnota de onte aprobouse por unanimidade da corporación a moción presentada polo BNG: 1. Demandar á Xunta de Galiza o remate da autovía da Costa da Morte e a conexión da mesma ao Porto de Brens, tal e como se proxectou inicialmente e ao Polígono Industrial de Vimianzo. 2. Demandar á Xunta de Galiza a eliminación das peaxes existentes na Autovía Carballo-A Coruña en todos seus tramos. 3. Demandar á Xunta de Galiza un plan de transporte público real, cunha nova planificación das conexións de transporte público para a Costa da Morte, que mellore rutas e tempos e amplíe as paradas aos núcleos rurais da comarca. 4. Instar á Xunta de Galiza a iniciar xa os estudos de viabilidade dun servizo ferroviario de proximidade para a Costa da Morte. 5. Demandar á Xunta de Galiza o impulso e execución dun plan de mellora das telecomunicacións e de dixitalización na comarca, acelerando a finalización dunha rede de fibra óptica que chegue a todo o rural. 6. Dar conta deste acordo...

  Hoxe cúmprense 20 anos dunha data fatídica, o Prestige chegaba a Costa galega ferido de morte no medio dun forte temporal, provocando a mais grande catástrofe ambiental que nunca se dera en Galiza, propiciada principalmente pola incompetencia dos gobernos estatais e da Xunta, que ignoraron as recomendacións dos técnicos. Diante da nefasta xestión gubernativa xurdeu a sociedade civil que foi quen de autoorganizarse e poñerse a traballar a reo para salvar unha costa totalmente petroleada. Para eles e soio para eles vai a nosa lembranza nunha data de infausto recordo para tódolos galegos e galegas e o noso rexeitamento aos responsables políticos dos gobernos do PP, que sairon indemnes, e mesmo premiados por semellante desfeita. NUNCA MAIS!!!!      

Moncho Noceda afronta de novo o reto, coa experiencia de saber sortear situacións difíciles como as que estamos a vivir e coa firme convicción de acadar a alcaldía nunha etapa que se albisca de cambio tanto en Carnota como en Galiza.  

Logo dun parón obrigado por motivos sanitarios, retomamos o contacto coa veciñanza, comezando pola Montaña.