Saltar ao contido principal

Carnota celebra as Letras Galegas con dúas semanas de actividades arredor da figura de Valentín Paz Andrade

Paz Andrade visto por Castelao
O Concello de Carnota fixo hoxe pública a programación cultural arredor do 17 de maio, Día das Letras Galegas, que este ano serán dedicadas a persoa de Valentín Paz Andrade, o polifacético intelectual galeguista de cuxa morte se cumpren 25 anos este mes.

Luns 14 de maio
  • Ás 11:40 h. no Colexio Público do Pindo, Contacontos: "A ratiña presumida e o ratiño presumido". Compañía Trinka Trinka.
  • Ás 11:00 h. na Axencia de Lectura Municipal , Palestra: "Valentín Paz Andrade, Galiza coma tarefa". Presentación sobre a súa traxectoria vital destinada ao alumnado do 3º ciclo do CEIP de Carnota
Martes 15 de maio
  • Ás 16:30 h. na Axencia de Lectura Municipal , Palestra: "Valentín Paz Andrade, Galiza coma tarefa". Presentación sobre a súa traxectoria vital destinada aos usuarios e ás usuarias do Centro de Día de Pedramarrada.
Mércores 16 de maio
  • Ás 11:30 h. no Colexio Público de Carnota, Contacontos: "Conto para escoitar mentras bailamos un balse". Caxoto Contacontos.
  • Ás 17:00 h. diante da Casa do Concello, Acto público: "Vitaminas 17" coa lectura do Manifesto Vitaminas para o Galego en defensa dos medios de comunicación no noso idioma.
Xoves 17 de maio, Día das Letras Galegas
  • Con saída ás 12:00 h. da Alameda de Santiago de Compostela, MANIFESTACIÓN NACIONAL co lema "Paremos os ataques contra o galego". Convoca Queremos Galego(que integra, entre outras moitas entidades, a BNG e Galiza Nova).
Venres 18 de maio
  • Ás 18:00 h. na Axencia de Lectura Municipal, Obradoiro: "As bruxas de Bozqueimado"  destinado a nenas e nenos a partir dos 3 anos, coa realización dun mural sobre o poema Cantarela do Camiñante de Valentín Paz Andrade.
Venres 25 de maio
  • Ás 18:00 h. na Axencia de Lectura Municipal, Obradoiro: "As bruxas de Bozqueimado" destinado a nenas e nenos a partir dos 3 anos, coa realización dun mural sobre o poema Cantarela do Camiñante de Valentín Paz Andrade.
Domingo 27 de maio
  • Ás 12:00 h. no Salón de Actos do Concello de Carnota, Espectáculo teatral: "O señor das dunas" destinado a todos os públicos (entrada libre), que combina narración oral e ilustración en directo con area. Todos os e as asistentes recibirán como agasallo un libro cos relatos que escoitaron durante a función. 

Comentarios

  1. Anónimo08/05/12, 13:42

    Vaia programación!!!! montada en función dos intereses da organización (e satélites) que sustentan o governo local. O propio dia das letras non hai programación oficial, para que "o partido" incruste unha manifestación en Santiago. En fin... governando para os intereses ideolóxicos duns poucos, non da maioría dos veciños.

    ResponderEliminar
  2. BNG Carnota08/05/12, 13:50

    Evidentemente estás a ler esta nova na web do BNG de Carnota, que por suposto asistirá á Manifestación, non a web do Concello de Carnota. A ver se non misturamos allos con bugallos.

    ResponderEliminar
  3. Anónimo08/05/12, 14:00

    Como botamos de menos algúns o Luar e o foxtrot, aquelo si que era cultura! (é coña, noraboa!)

    ResponderEliminar
  4. Anónimo08/05/12, 14:03

    Mesturades vós, que non sabedes onde acaba a institución e onde empeza o partido. Unha semana do 17 de maio pero sen actos o propio 17 de maio, non vaia a ser que non se apunte a xente á excursión a Santiago. Igualiño que o PP, ides dar bocata?

    ResponderEliminar
  5. Anónimo08/05/12, 15:16

    Xa hai que ser revirado...

    ResponderEliminar
  6. Anónimo08/05/12, 16:42

    ou estar aburrido

    ResponderEliminar
  7. Liracha08/05/12, 22:49

    Parabéns ó concello, por fin unha actividade cultural digna desa consideracion despois de moitos anos "escuros"

    ResponderEliminar

Publicar un comentario

Publicacións populares deste blog

Toma a palabra!

Esta páxina está pechada por cuestións técnicas e alleas á vontade do BNG, e consérvase para a súa consulta. O BNG de Carnota habilita este espazo para que poidas expresarnos libremente as túas queixas, dúbidas, suxerencias... Para facilitar a resolución da cuestión que nos plantexes será de moita utilidade que a redacción sexa clara e concisa. Se a túa mensaxe se dirixe a algún membro do noso grupo municipal síntete libre de plantexalo dese xeito no teu texto e faráselle chegar coa maior brevidade posíbel. Tamén dispós da opción de escribirnos un correo electrónico a carnota(arroba)bng-galiza.org. Agradeceríamos o ton constructivo das mensaxes, e que os debates, de estabelecérense, se desenvolvan co debido respecto mutuo a todas as posicións. Por outra parte lembrar que, como vén sendo habitual no espazo para comentar os artigos desta páxina, eliminaremos os comentarios inxuriosos dedicados a atacar a vida personal das persoas que participan na vida política de Carnota. Desex...
209 comentarios
Ler máis

Acordo da Asemblea local do BNG de Carnota de 28/05/11

Dando cumprimento ao acordado polo conxunto da Asemblea Local do BNG de Carnota o pasado sábado 28 de maio, difundimos para o coñecemento de toda a veciñanza o documento que recolle a postura do BNG de Carnota a respecto do actual panorama político post-electoral no noso concello, despois de telo posto en coñecemento dos responsábeis do PSOE no día de onte. ACORDO DA ASEMBLEA LOCAL DO BNG DE CARNOTA Reunido o conxunto da militancia do BNG de Carnota en Asemblea Local, organismo convocado en tempo e forma e plenamente lexitimado para adoptar o seguinte acordo, pola unanimidade dos asistentes acordamos: Nas Eleccións Municipais do 22 de maio de 2011 o pobo de Carnota decantouse clara e maioritariamente por un cambio de goberno no Concello de Carnota. Os candidatos á alcaldía do BNG e do PSOE manifestaron en público e en privado o compromiso de, no caso de non se producir unha maioría absoluta, outorgar o seu voto na sesión de investidura aos candidatos da lista que, entre elas, obti...
188 comentarios
Ler máis

O novo alcalde de Carnota cobrará a metade que o anterior; en conxunto, os soldos políticos descenden un 82%

Evolución dos salarios de carácter político en Carnota entre os anos 2007 e 2011 Só unha semana despois de acceder ao goberno municipal de Carnota o BNG puido cumprir cunha das propostas clave  do seu programa e tamén dar cumprimento a unha das súas principais reivindicacións durante catro anos liderando a oposición carnotá: a redución drástica dos gastos de carácter político, que co PP só no 2010 ascenderon a case 190.000 euros  incluíndo retribucións, dietas e seguridade social de dous concelleiros con dedicación exclusiva e unha liberada política. Xa na presentación da candidatura asi como no seu programa electoral o BNG de Carnota anunciou que, no caso de obter o suficiente respaldo veciñal o 22 de maio, outorgaría unha única dedicación exclusiva, a do alcalde, nunca superior aos 2.000 euros brutos . Dito e feito: No pleno desta fin de semana, no que se trataron as dedicacións e o reparto das áreas de traballo, a corporación municipal aprobou (coa abstención do PP)...
91 comentarios
Ler máis