Saltar ao contido principal

Réplica de Ramón Noceda ás declaracións de Suso Campos

Causan asombro as declaracións feitas no xornal La Voz de Galicia o día 7 de marzo de 2015 polo candidato do PSOE á Alcaldía de Carnota, o Sr. Campos Díaz; pero, se cabe, máis asombroso é aínda que un diario publique nas súas páxinas tales necidades sen tan sequera contrastar a información. Dito isto, pasamos a desmentir, unha por unha, as falsidades do Sr. Campos:
  1. En Carnota estase a negociar unha Relación de Postos de Traballo (RPT), para unha maior transparencia e eficacia na Administración Local, como xa fixeron outros concellos e como se intentou facer no noso, quedando esta, como moitas outras cousas, metida nun caixón.
  2. Negóciase co Comité de Empresa e cos sindicatos (CCOO, UXT e CIG). Polo momento desenvolvéronse dúas mesas de negociación, que tiveron lugar os días 23 de febreiro e 5 de marzo de 2015.
  3. A RPT non pode ir ao Pleno municipal en canto non rematen as negociacións.
  4. O Goberno local nin prexudica nin favorece a ningún traballador do Concello (Só faltaría!). Para defender a uns traballadores non é preciso atacar sistematicamente ao resto do cadro de persoal municipal. A que traballadores defende vostede, Sr. Campos?
  5. Un dos eixes principais da RPT é o acceso á función pública en base aos principios de mérito e capacidade amparados pola Constitución española no seu artigo 103.3. Sr. Campos, os postos de traballo nas administracións públicas nin se venden nin se dan. Gáñanse.
Clarificador é o xeito en que o candidato do PSOE percibe cal debe ser a forma de acceso a un posto de traballo no noso Concello: “para colocar aos seus”. Os nosos, Sr. Campos, son todos os veciños e as veciñas de Carnota, dende O Pindo ata Lariño. Nós non lle debemos favores a ninguén; debémonos unicamente aos nosos veciños e veciñas, independentemente das súas afinidades políticas. Nós non pedimos votos a cambio dun posto de traballo, xogando coas necesidades da xente. Iso, Sr. Campos, nin é ético nin é legal. Nós pretendemos desterrar este xeito de facer política.

Sr. Campos, aplíquese vostede a frase do seu candidato á Comunidade de Madrid, parafraseando a Kant: “A honradez é a mellor política”.

O candidato do PSOE terá que explicar o seu cambio de parecer con respecto ás declaracións feitas no ano 2011, en plena campaña electoral, que nada teñen que ver co seu discurso actual. Que cambiou? Pensa vostede que a veciñanza de Carnota non ten memoria?

Asinado: Ramón Noceda
Etiquetas:

Comentarios

Publicar un comentario

Publicacións populares deste blog

Toma a palabra!

Esta páxina está pechada por cuestións técnicas e alleas á vontade do BNG, e consérvase para a súa consulta. O BNG de Carnota habilita este espazo para que poidas expresarnos libremente as túas queixas, dúbidas, suxerencias... Para facilitar a resolución da cuestión que nos plantexes será de moita utilidade que a redacción sexa clara e concisa. Se a túa mensaxe se dirixe a algún membro do noso grupo municipal síntete libre de plantexalo dese xeito no teu texto e faráselle chegar coa maior brevidade posíbel. Tamén dispós da opción de escribirnos un correo electrónico a carnota(arroba)bng-galiza.org. Agradeceríamos o ton constructivo das mensaxes, e que os debates, de estabelecérense, se desenvolvan co debido respecto mutuo a todas as posicións. Por outra parte lembrar que, como vén sendo habitual no espazo para comentar os artigos desta páxina, eliminaremos os comentarios inxuriosos dedicados a atacar a vida personal das persoas que participan na vida política de Carnota. Desex...
209 comentarios
Ler máis

Acordo da Asemblea local do BNG de Carnota de 28/05/11

Dando cumprimento ao acordado polo conxunto da Asemblea Local do BNG de Carnota o pasado sábado 28 de maio, difundimos para o coñecemento de toda a veciñanza o documento que recolle a postura do BNG de Carnota a respecto do actual panorama político post-electoral no noso concello, despois de telo posto en coñecemento dos responsábeis do PSOE no día de onte. ACORDO DA ASEMBLEA LOCAL DO BNG DE CARNOTA Reunido o conxunto da militancia do BNG de Carnota en Asemblea Local, organismo convocado en tempo e forma e plenamente lexitimado para adoptar o seguinte acordo, pola unanimidade dos asistentes acordamos: Nas Eleccións Municipais do 22 de maio de 2011 o pobo de Carnota decantouse clara e maioritariamente por un cambio de goberno no Concello de Carnota. Os candidatos á alcaldía do BNG e do PSOE manifestaron en público e en privado o compromiso de, no caso de non se producir unha maioría absoluta, outorgar o seu voto na sesión de investidura aos candidatos da lista que, entre elas, obti...
188 comentarios
Ler máis

O novo alcalde de Carnota cobrará a metade que o anterior; en conxunto, os soldos políticos descenden un 82%

Evolución dos salarios de carácter político en Carnota entre os anos 2007 e 2011 Só unha semana despois de acceder ao goberno municipal de Carnota o BNG puido cumprir cunha das propostas clave  do seu programa e tamén dar cumprimento a unha das súas principais reivindicacións durante catro anos liderando a oposición carnotá: a redución drástica dos gastos de carácter político, que co PP só no 2010 ascenderon a case 190.000 euros  incluíndo retribucións, dietas e seguridade social de dous concelleiros con dedicación exclusiva e unha liberada política. Xa na presentación da candidatura asi como no seu programa electoral o BNG de Carnota anunciou que, no caso de obter o suficiente respaldo veciñal o 22 de maio, outorgaría unha única dedicación exclusiva, a do alcalde, nunca superior aos 2.000 euros brutos . Dito e feito: No pleno desta fin de semana, no que se trataron as dedicacións e o reparto das áreas de traballo, a corporación municipal aprobou (coa abstención do PP)...
91 comentarios
Ler máis