BNG Carnota

O pasado martes tivo lugar o mitin do BNG na parroquia de Lariño. Foi no novo Centro Cultural da localidade nun acto presentado pola candidata nº 5 Consuelo Lamela. De seguido intervén o mozo veciño de Lariño e nº 7 da candidatura do BNG Guillerme Lago, cun discurso plagado de referencias á difícil situación dos mozos do noso concello con dificultades para atopar traballo e que mesmo se ven obrigados a saír a buscalo fóra, situación que grazas ao compromiso e esforzo do BNG está comezando a mudar por fin. Os datos, de feito, son esperanzadores: se ben durante os catro anos no goberno de Oreiro (PP) se produciu o maior fenómeno migratorio masivo dos tempos recentes, e as cotas de paro se elevaban ata o 13%, hoxe estamos a percibir unha inversión desta tendencia e logo de oito anos de goberno nacionalista a mocidade está a comezar a vislumbar as condicións óptimas para o seu retorno, e cun paro situado agora no 8% segundo o Instituto Galego de Estadística, o que supón un dos maiores desc...

Durante unha visita ao noso concello no que non faltou un percorrido aéreo en helicóptero, Anxo Quintana comprobou acompañado polo noso novo candidato Tomás Freire que o noso concello segue a ser un exemplo de desenvolvemento urbanístico. Quintana afirmou que este acto expresaba o seu compromiso “cun urbanismo sustentábel, baseado no respecto ao territorio e ao litoral”. Cualificou a costa de Carnota como “un exemplo de como as cousas se fixeron ben, porque hai por Galiza demasiados exemplos dun urbanismo mal feito”. En palabras do líd er nacionalista, “o desenvolvemento económico se produce cando se conserva o espazo natural; se non é así, o que hai é depredación, non desenvolvemento”. “Estou convencido de que se alguén volve a Carnota dentro de catro anos, seguirá vendo unha paisaxe conservada”. Así mesmo, recordou os puntos chave do programa do BNG en urban ismo: impulso de Plans Xerais ou modificación dos vixentes no primeiro ano de mandato para adaptalos á lei do solo; compromiso...

Cunha multitudinaria asistencia de veciños desenvolviuse o acto electoral que abre a axenda de mitins do BNG de Carnota coa vista posta nas Eleicións Municipais que terán lugar o videiro día 27 de maio. O cartel de ponentes estivo conformado pola veciña do Pindo e candidata nº 5 Consuelo Lamela, a actual concelleira e nº 2 Merche Díaz, o conselleiro de Industria da Xunta de Galiza Fernando Blanco e o candidato do BNG á alcaldía de Carnota, Tomás Freire. O acto foi aberto pola intervención de Consuelo Lamela, veciña do Pindo e de profesión ama de casa, no que foi a súa primeira intervención nun acto político, que aproveitou para manifestar o agradecemento porque o BNG contara con ela para a elaboración das súas listas, e para louvar o traballo anónimo que ven facendo o BNG durante os catro anos no estudo das problemáticas do noso concello e na procura de solucións, traballo que nin o PSOE nin o PP desempregan, aparecendo tan só a dar a cara durante a campaña, e que nin sequera souberon ...

Este 24 de maio ás 12 da mañá a Radio Nordés (Cadena Ser) invita a debater aos candidatos de PP, PSOE e BNG de Carnota. Desde o BNG de Carnota convidamos a todos os veciños a sintonizar a maior emisora comarcal para escoitar atentamente a Tomás Freire (BNG), Manuel Noceda (PSOE) e Pepe Oreiro (PP). Agradecemos a Radio Nordés e Cadena Ser que nos deran esta oportunidade para escoitar das súas bocas as propostas dos tres candidatos, e sobre todo pola oportunidade de escoitarmos por primeira vez cal é o proxecto que ten o señor Oreiro para Carnota, logo de catro anos sen ter moitas máis novas del que as faladorías baratas que andivo esparexendo polas tabernas.

O primeiro mitin da campaña do BNG terá lugar na escola do Pindo ás 20:00 horas de mañá domingo 13 de maio. Falarán: · Consuelo Lamela (Nº 5 da candidatura do BNG) · Merche Díaz (Nº 2 da candidatura do BNG ás municipais) · Fernando Blanco (Conselleiro de Industria da Xunta de Galiza) · Tomé Freire (Candidato do BNG á alcaldía de Carnota Para que Carnota siga avanzando, vota BNG!

A nosa candidatura destaca por presentar un equilibrado número de homes e mulleres e unha xusta representación de cada parroquia. Pero tamén, e sobre todo, por constituír un equipo de persoas cunha dilatada experiencia nos movementos asociativos veciñais de Carnota. Entenden o noso concello e coñecen as inquedanzas dos seus veciños. En todo caso, propoñemos un equipo de persoas moi queridas e respeitadas polos seus veciños que non só saben escoitar senón que saben propoñer solucións para as problemáticas de Carnota, e iso demóstrase andando durante toda a lexislatura. Estes son os veciños que mellor representan a vontade do BNG de continuar os proxectos comezados durante estes últimos oito anos mais insuflando aire fresco e novos proxectos para seguir desenvolvendo, entre todos, este concello que se atopa nunhas condicións ideais para o seu despegue socioeconómico. Con esta confianza vo-los presentamos, e tamén coa seguridade de que veredes neste equipo a mellor opción para, coa axuda...

Ás 12 en punto desta noite abriuse oficialmente a campaña eleitoral para as eleicións municipais do 27 de maio. Como non podía ser doutro xeito, tivo lugar a tradicional pegada de cartaces do BNG de Carnota, caracterizada este ano por estar pasada por auga. A ese momento asistiron por suposto o noso candidato Tomé Freire, así como varios membros da nosa candidatura e militantes do BNG. Centrarase esta campaña na aposta por dar a coñecer o noso candidato e os nosos proxectos aos veciños de Carnota, mais sobre todo no trato directo co veciño para coñecer as súas inquedanzas e animalo a apoiar co seu voto este ilusionante proxecto que o BNG encabeza, mais tamén en participar nos catro próximos anos nun proxecto municipal cuxo principal obxectivo será capitalizar a mellor situación económica e inversora que nunca tivo o concello de Carnota.