BNG Carnota

Para quen desenvolve a súa vida habitualmente no concello de Carnota, Tomé Freire non é ningún descoñecido. Ademais dos seus catro anos (1999-2003) de concelleiro de Economía e Facenda dos que deixou un excelente recordo entre a veciñanza pola súa dedicación, seriedade e proximidade ao pobo, tamén é de moi a ter en conta a súa absoluta implicación no movemento asociativo do noso concello. O noso veciño Tomé Freire naceu en Lira e ten 39 anos. Casado e con dous fillos, é licenciado en Ciencias Empresariais, e traballou a meirande parte da súa vida como técnico na administración local, o que lle confire unha altísima bagaxe de coñecementos das singularidades da xestión municipal que tivo a ocasión de demostrar sobradamente durante os seus catro anos de concelleiro polo BNG en Carnota, no que se erixiu como primeiro artífice da recuperación da extremadamente delicada situación económica do noso concello que o BNG recibiu como vergonzosa herdanza da anterior xestión do Partido Popular. Gra...

Medio Rural inviste preto de 7,5 millóns de euros en diversas actuacións forestais no distrito de Fisterra. A Consellaría do Medio Rural, a través de distintos plans e ordes de axudas, está a executar obras forestais no distrito V – Fisterra por un total de 7.418.564 euros. O director xeral de Montes e Industrias Forestais, Alberte Blanco, desprazouse esta mañá a Carnota para participar nunha plantación feita por escolares no monte Lariño e visitar diferentes zonas deste concello no que se están a executar obras correspondentes a estes investimentos. Durante esta visita, Alberte Blanco destacou que “estamos a falar dun orzamento moi elevado, tendo en conta que a maioría dos fondos destinados á provincia da Coruña se concentran en actuacións neste distrito, aos que haberá que sumarlle os 280.000 euros correspondentes aos convenios cos oito concellos asinantes para a limpeza de núcleos, e os convenios que se asinarán nas vindeiras semanas para desbroce e motobombas, o que nos situará pre...

A asemblea local do BNG de Carnota, tras a xuntanza celebrada no día de onte, escolleu ao compañeiro Tomé Freire como cabeza de lista do BNG de Carnota nas vindeiras eleicións municipais de maio. Dito cambio de candidato debeuse á renuncia do anterior alcalde Xosé Manuel García Martínez a volver a presentarse debido a problemas de saúde. Na mesma xuntanza, decidíronse tamén os nomes das persoas que encabezarán os seguintes postos, resultando escollida Merche Díaz como segunda da dita lista e Euloxio Franco como novidade, no terceiro posto. A asemblea local xa está a traballar na consitución do resto da lista, que se vai caracterizar pola equilibrada presenza de mulleres e pola xusta representación de cada localidade nas nosas listas. Confiamos en que a candidatura escollida polo BNG de Carnota sexa tamén a máis útil para os veciños na defensa dos seus intereses comúns. E tamén en que en poucas semanas a nova que traiamos a este espazo será a da eleición de Tomé Freire como novo alcalde...

Despois de case un ano de inactividade neste espazo debido a centrarmos os nosos esforzos na web do BNG de Carnota e logo de varias peticións dos nosos lectores decidimos recuperala como complemento á dita páxina, co que por outra parte subsanaremos algunhas eivas da web nacional coma a sindicación dos contidos . Vémonos axiña. Grazas.

Unha delegación composta por 12 persoas do noso concello vai devolver desde hoxe ata o vindeiro domingo a visita que outra delegación do concello situado na illa canaria de Fuerteventura nos fixera o ano pasado e despois de consumarse o seu irmanamento institucional. Ás dúas desta tarde está prevista a chegada do grupo de 12 representantes do concello e tecido social e empresarial carnotán e mesmo un intérprete de música tradicional galega, encabezados polo alcalde Xosé Manuel García. A corporación municipal de Puerto del Rosario ten preparado un abraiante programa de actos, co que demostra unha vez máis que este irmanamento lonxe de supoñer un acordo puramente simbólico subscita un intenso motivo de satisfacción para os habitantes da localidade, e tamén da unanimidade dos grupos políticos da corporación. Xoves 08 de febreiro 13:30 h. Chegada ao Aeroporto de Fuerteventura. 13:45 h. Chegada da delegación carnotá ao Hotel Palace-Puerto del Rosario. 14:30 h. Almorzo-recepción no Restaura...

Despois dun proceso longo e tortuoso, o concello de Carnota está a piques de ver cumprida unha reivindicación histórica dos veciños do Pindo: o seu paseo marítimo no borde urbano da praia de San Pedro e recuperación do entorno do areal, actualmente moi degradado. A empresa Hispania OC Galaica foi finalmente a adxudicataria do proxecto orzamentado en 1,3 millóns de euros e consistente en, ademais do propio paseo peatonal, no saneamento de franxa litoral urbana, río e canles, e complementarase tamén cunha senda peatonal ata Os Mouchos e un mirador na Cruciña, dentro do plan de rutas de sendeirismo promovido polo Concello para poñer en valor o noso patrimonio tradicional e paisaxístico. Outro dato moi salientábel é que o proxecto respectará o histórico edificio do Pósito dos Mariñeiros do Pindo, cuxo derribo era condición innegociábel no proxecto de paseo marítimo contemplado polo anterior alcalde de Carnota Xosé Oreiro (PP). Precisamente boa culpa da tardanza no proxecto se debeu aos esf...